AQSh-ta 350 myń dollarǵa qalashyq satylady (foto)

[caption id="attachment_51817" align="aligncenter" width="700"] Foto: denver.craigslist.org[/caption] AQSh-tyń Kolorado shtatynda Djeıms Djonson esimdi azamat Kebın-Krık qalashyǵyn 350 myń dollarǵa satpaqshy. denver.craigslist.org saıtynyń málimeti boıynsha, bul qarajatqa ol saıahattap qaıtýdy josparlap otyr. Osydan birneshe jyl buryn bul mekendi satyp alýǵa eshkimniń batyly barmapty. Degenmen, Djeıms Djonsonnyń aıtýynsha, sol kezderi kópshilik qyzyǵatyn oryndardyń biri bolǵan eken. Jubaıy ekeýi kásipterin júrgizipti. Al qazir olar Baıers qalashyǵynda turyp jatyr. [caption id="attachment_51818" align="aligncenter" width="700"] Foto: denver.craigslist.org[/caption] 1970-jyldary Kebın-Krıkte jaısyz oqıǵa bolǵan eken. Kisi ólimi bolǵannan keıin eles-qala dep atalyp ketipti. [caption id="attachment_51819" align="aligncenter" width="667"] Foto: denver.craigslist.org[/caption] «Alǵashynda týrıstik ortalyq ashpaq edik. Oqys oqıǵadan soń Kebın-Krıkke kelýshilerdiń qatary kúrt azaıdy. Ýaqyt óte kele shaǵyn ǵımarattar qańyrap bos qaldy. Birneshe jyldan beri aıtarlyqtaı ózgeris bolǵan emes», – dedi Djeıms Djonson. [caption id="attachment_51820" align="aligncenter" width="700"] Foto: denver.craigslist.org[/caption] Kebın-Krıktiń jalpy aýdany 20 myń sharshy metrdi quraıdy. Qalashyqta eski avtoservıs, 8 bólmeli qonaq úı, 8 oryndyq avtoturaq, eki úıshik, dámhana bar. Aıta keteıik, osyǵan deıin AQSh-tyń Ońtústik Dakota shtatynda osyǵan uqsas Sýett qalashyǵy 250 myń dollarǵa saýdaǵa qoıylǵan. Al 2012 jyly Býford qalashyǵy 900 myń dollarǵa satylǵan bolatyn. Aıan ÁBDÝÁLI