Kóńil aıtý jedelhatyn joldady

Qazaqstan Prezıdenti Túrkııada qarýly tóń­keris jasaý áreketi bolýyna baılanysty Prezı­dent Rejep Taııp Erdoǵanǵa jedelhat joldady, dep habarlady Prezıdenttiń baspasóz qyzmeti. Jedelhatta Elbasynyń jekelegen teris pıǵyldy kúshterdiń Túrkııada qarýly tóńkeris jasaý áreketi týraly habardy úlken alańdaýshylyqpen qabyldaǵany atap ótilgen. «Qaıǵyly oqıǵa saldarynan barlyq qaza bolǵandar men zardap shekkender otbasylarynyń qaıǵysyna ortaqtasa otyryp, kóńil aıtamyz. Baýyrlas túrik halqyn birlikke jáne bolǵan oqıǵaǵa qatysty tózimdilik tanytýǵa shaqyramyz. Jaǵdaıdyń tezirek retke keletinine senimdimiz. Túrik halqy memlekettiń demokratııalyq jolmen saılanǵan qazirgi basshylyǵymen birge barlyq syn-qaterlerge tótep berip, demokratııa jáne órkendeý jolyndaǵy turaqty damýyn jalǵastyratynyna esh kúmán keltirmeımiz», – delingen jedelhatta. Nursultan Nazarbaev barsha Qazaqstan halqynyń jáne jeke óziniń atynan R.Erdoǵanǵa tilektestigin bildirip, dos­tas elderdiń jarqyn bolashaǵyna senimdiligin jetkizdi. Aıdar О́RISBAEV