О́ńiraralyq baılanys tereńdetiledi

Búgingi kúni ishki ınteg­ra­sııalyq júıeler men óńiraralyq kooperatıvterdi damytý isi aıy­­ryqsha mánge ıe. Úkimet pen jergilikti atqarýshy organ jetekshilerine Elbasynyń bergen tapsyrmasy dál osy tustan tamyr tartady. Mundaǵy basty maqsat – ımporttyq taýarlar kólemin barynsha shektep, qazaqstandyq ónimderdi tutynýǵa barynsha keń jol ashý. Qazir bul mindetti júzege asyrýdyń basty joldarynyń biri – taýar almasý jónindegi óńir­aralyq baılanystardy tereń­detý bolyp otyr. Bul úshin sońǵy kezde elimizdiń oblystary arasynda tıis­ti kelisimsharttar jasaý tár­tibi qalyptasyp, ornyǵa bastady. Jaqynda osy úrdiske saı Ba­tys Qazaqstan oblysy men Pavlodar oblysynyń ákimderi Altaı Kólginov pen Bolat Baqaýov óńiraralyq kooperatıvter­diń órisin keńeıtý turǵysyndaǵy me­morandýmǵa qol qoıdy. Ashyǵyn aıtqanda, kóptegen qazaqstandyq kásiporyndar ózderine qajetti ónimder ishki rynokta jetkilikti ári onyń sapasy da básekelestikke tótep bere alatyndaı deńgeı­de bola tursa da, ony taıaý jáne alys shetelderden, sonyń ishinde Reseıden satyp alyp júr. О́ńir­aralyq taýar almasý júıesin qalyptastyrý isi osy quptaýǵa qıyndaý tájirıbeniń tizginin tejeı alady. Buǵan qazirdiń ózinde naqty mysaldar keltirýge bolady. Aıt­a­lyq, Batys Qazaqstan oblysynyń iskerlik toptardan qurylǵan iri delegasııasy osy kezge deıin Soltústik Qazaqstan, Atyraý, Mań­­ǵystaý oblystarynda jáne Almaty qalasynda bolyp, osy kezdesýler barysynda olar óz­derine qajetti kóptegen ta­ýar túr­lerin alýǵa qol jetkizdi. Oral óńirine jylý qubyrlary úshin qol­danylatyn turbalar men jol qurylysyna qajetti bas­ty mate­rıaldyń biri bıtýmnyń jet­kizilýi – osy saparlardyń nátı­jesi. Al óz kezeginde Kereký men Oral óńiriniń  taýar óndirýshi­leri, kásipkerleri men orta jáne sha­ǵyn bıznes ókilderi qan­daı ónim­derimen almasa alady? Bir-birine nendeı taýarlardy usynbaq? Memorandýmǵa qol qoıý rásimi men budan keıingi kezdesýler barysynda bul saýalǵa tolyqtaı jaýaptar qaıtaryldy. Pavlodar – respýblıkamyzdaǵy iri ındýstrııaldyq oblystardyń biri ári biregeıi bolyp tabylady. Al óz kezeginde mundaı óndiristi óńirge qajetti materıaldar qaı kezde de bolmaı turmaıdy. Bul turǵyda pavlodarlyqtar Aqjaıyq aımaǵyndaǵy «Stek­lo-Servıs» JShS, «Oral saý­da-ónerkásip kompanııasy» JShS, «Oral transformator za­ýyty» JShS sııaqty iri ká­siporyndardy aralap, olardyń ónimderine qyzyǵýshylyq tanytty. Oral qalasyndaǵy «ZenıtTehServıs» kásipornynyń mashına jasaý óndirisine qajetti ónimderine de suranys joǵary. Kereký óńiriniń tutynýyna qajetti oral­dyq ónim túrleriniń tizbegi tek mu­nymen shektelmeıdi. Elimizdiń batys qaqpasyndaǵy ınvestorlardy pavlodarlyqtar nendeı ónim túrlerimen qyzyqtyra alady? Bul jóninde gazet tilshisine Pavlodar oblysynyń ákimi Bolat Baqaýov óz oıyn bylaısha jetkizdi: – Pavlodar oblysy  qazirgi tańda respýblıkamyzdaǵy  ınvestısııa quıý úshin tartymdy óńirlerdiń qatarynan oryn alady. Ásirese, aımaǵymyzda elektr energııasynyń qol­je­timdiligi, ónerkásiptik koo­perasııa múm­kindigi jáne ınvestısııalardy qoldaý men qor­ǵaý júıesi qalyptasqan. Biz búgin batys­qazaqstandyq árip­testerimizben kóptegen iri jo­ba­lardy birlesip atqarý jónindegi  kelisimge qol qoıdyq. Onyń aıasy – ónerkásip, qurylys ındýstrııasy jáne agrosektor ónimderi salalaryn qamtıdy. Bul jóninde eki jaqtan qurylǵan jumys to­by kelisimshartta kórsetilgen máselelerdiń búge-shegesin te­reń túrde taldap, aıaǵyna deıin jetkizetin bolady. Oral óńirin­de gaztýrbındi elektr stansalary qurylysy jaqsy damyǵan. О́zderińiz bilesizder, Qazaqstan­nyń biryńǵaı energetıkalyq júıe­si Kereký óńirinen tartylady. Osy turǵyda oraldyqtarǵa «QazEnergoKabel» kásiporny arqyly qoldaý kórsetýdi oılap otyrmyz. Qazirdiń ózinde Batys óńirge eki qazandyq jasaý zaýy­ty jumysqa kirisý qamynda, – dedi ol. Eki óńirdegi ákimdikter men bıznes qaýymdastyqtardyń kez­desýine jalpy sany 30 kásip­oryn qatysty. Onyń 12-si Pav­lodar oblysynyń ónerkásip jáne aýyl sharýashylyǵy sek­tor­laryndaǵy óńdeýshi kásiporyndar. Kezdesý barysynda Batys Qazaq­stan­nyń Kereký óńirimen munaı-gaz óner­­kásibi salasyndaǵy árip­tes­tikti damytý qajettiligi jáne ta­maq ónerkásibi ónimderin Oral qalasynyń saýda jelileri arqyly satylymǵa shyǵarýdyń áleýeti zor ekendigi atalyp ótti. Mine, eýrazııalyq endikte Ertis pen Jaıyq tolqyn­dary osylaısha toǵysty. Temir QUSAIYN, «Egemen Qazaqstan» Batys Qazaqstan oblysy Sýrette: memorandýmǵa qol qoıý sáti