Fýtbol. Stanımır Stoılov: «Astana» jeńiske jetýge bar kúshin salady

Erteń Astanada Chempıondar lıgasynyń ekinshi irikteý kezeńinde «Astana» men «Jalgırıs» komandalary kezdesedi. Búgin osy oıyn týraly «Astana» klýbynyń bas jattyqtyrýshysy Stanımır Stoılov óz oıymen bólisti. «Bul kezdesýde men Serikjan Mujyqovtan úmit kútemin. Azat Nurǵalıevtiń oınamaıtyny ókinishti. Men onymen «Atyraýmen» ótken kezdesýden keıin sóılestim. Biz osy oıynda jeńiske jetýge tyrysamyz. Bizdiń oıynshylar jaqsy oıyn kórsetedi dep oılaımyn. Astana» komandasynyń matchqa daıyndalýǵa áli 24 saǵat ýaqyty bar. Jalgırısti jeńsek, kelesi oıyndy oılaýymyz kerek. Al qazir bizdiń bar oıymyz – «Jalgırıs». Komandanyń psıhologııalyq turǵydaǵy daıyndyǵy oıdaǵydaı. «Jalgırıs» jaqsy oıyn kórsetip  júr. Sondyqtan biz odan barynsha saqtanamyz. Qazir «Astanany» jankúıerleri qoldaýy kerek»,  dedi komandanyń bas jattyqtyrýshysy. Dastan KENJALIN