Balamasy joq elektrod zaýyty

Oral óńirinde iske qosyldy Oral óńirinde elektrod shy­ǵa­ra­tyn zaýyt iske qosyldy. «BatysGazStroı» JShS jany­nan ashylǵan bul zaýyt dáne­ker­leý jumysyna qajetti elektrod­tardyń túrli markasyn shy­ǵarý­dy bastap ketti. Shaǵyn ká­sip­­orynnyń synaq merziminen esh ked­ergisiz ótkenin aıtqan «BatysGazStroı» JShS dırek­tory Saparǵalı Aıtqalıev jı­nal­ǵandardy elektrod daıyndaıtyn seh jumysymen tanystyrdy. «BatysGazStroı» JShS gaz jáne sý ótkizýmen ári jol jáne kópir qurylysymen aınalysady. Jumys barysynda munda únemi jekelegen materıaldar­dyń jetispeýshiligi baıqalyp turatyn. Sonyń nátıjesinde dánekerleý jumysyna qajetti elektrodtardyń jetispeýshi­ligi aıqyn seziletin edi. О́ıtkeni, bul materıaldar kórshi Reseı eli­nen keletin. Sondyqtan otan­dyq kompanııa bireýlerge únemi táýeldi bolýdan boılaryn aýlaq salýdy uıǵardy. Sodan soń olarǵa «Osy elektrodtar­dy ózi­miz daıyndap kórsek qaıte­di?» degen oı keldi. Sóıtip, ótken jyldyń jeltoq­san aıynda osy baǵytta jumystar bastalyp ketti. Reseıdiń kásibı mamandarymen baılanys ornatylyp, elektrod zaýytynyń jobasy ázirlendi. Buǵan Máskeý qalasynyń «Rotteks» kompanııasy kómektesti. 6-7 aıdyń ishinde joba daıyn boldy. Búginde zaýyt óziniń alǵashqy ónimin bere bastady. Iske qosylǵanyna bir aptadaı ǵana bolǵan zaýyt bir aýysymda 2 tonna, táýligine 6 tonna elektrod shyǵarady. Bir aıta ketetin jaıt, elektrod daıarlaıtyn mundaı zaýyt oblysty bylaı qoıǵanda, buryn-sońdy elimizde bolmaǵan. Demek, onyń Qazaqstanda ázirge eshqandaı balamasy joq. Elektrod óndiretin quryl­ǵylar Reseıden satyp alynǵan. Atalmysh ónimdi daıyndaýǵa qajetti symtemir men onyń syrtyn qaptaıtyn kúkirtti jabyndylar da sol jaqtan ákelinedi eken. Biraq, munyń ózi de ýaqytsha jaǵdaı. Eger osy joba sátti júzege asyp jatsa, Qazaqstan qoıny-qonyshy keń, qazynaǵa toly el ǵoı, bul shıkizatqa suranys berýshiler óz elimizden de tabylary anyq. Elektrod shyǵarýǵa qajetti shıkizat arnaıy qurylǵyda ýatylyp, ýaq túıirshikterge aınalady, ılenedi. Sodan keıin ony elektrodtardyń syrtyn qaptaýǵa paıdalanady. Sehta tastardy da qamyrsha ılep, untaqqa aınaldyryp jiberetin taǵy bir qýatty qurylǵy bar. Jumysshylardyń aıtýynsha, bul qurylǵylar 1 mınýtta 120 dana elektrod symyn daıyndap úlgiretin kórinedi. Ázirge sehta bir aýysymda onshaqty adam jumys isteıdi. Keıin jumys kólemi ulǵaıǵasyn, zaýyt jumysshylary eki nemese úsh aýysymǵa kóshirilmek. Ár aýysymda on adamnan bolsa, bul seh tolyq qýatyna kóshkende barlyǵy 30 shaqty adam jumys­pen qamtylmaq. Kásiporyn elektrodtyń 50-den astam túrin shyǵaratyn bolady. Al endi kásiporyn ónimine suranys bar ma? Ázirge Aqtóbe, Mańǵystaý  jáne Atyraý oblystarynyń kásiporyndarymen kelisim jasalý ústinde. Naryqtyq qarym-qatynas bolǵandyqtan, bazarlarda Qytaı men Reseıden ákelingen elektrodtar, árıne, tolyp tur. Biraq, tutynýshylar qaı ónimdi de sapasyna qarap baǵalaıdy ǵoı. Sondyqtan, «BatysGazStroı» JShS-da «Sapasy – sizden, baǵasy – bizden» degen shart qoıylypty. Eger zaýyt ónimderi sapaly bolsa, árıne, taýarlar da ótimdi bolady. Barlyq kásiporyndar sııaqty, atalǵan otandyq kompanııa da óz taýarlaryn jarnamalaıdy. Bul úshin saýda núkteleri ashylyp, kásiporyn ónimderi satýǵa shyǵarylmaq. Ázirshe, elektrod zaýyty «BatysGazStroı» JShS-niń janynan jumys isteıdi. Biraq, óndiris orny aıaǵynan tik turǵannan keıin jeke kásiporyn bolyp tirkelmek. Bul zaýyttyń burynǵy­lar­dan bir aıyrmashylyǵy – taza kásipkerdiń óz qarajatyna qu­ryl­­ǵany. Kásipker bul zaýyt­ty ja­saq­­taý úshin 100 mıllıon teńge qara­jatyn shyǵarǵan. Bul jaǵ­daı qazaqstandyqtar­dyń Elbasy saıa­satyn tereń túsineti­nin  kórsetedi. «BatysGazStroı» JShS basqaratyn Saparǵalı Naýryz­uly – shaǵyn jáne orta bız­nesti damytýǵa úlken úles qosyp júrgen óńirdegi belgili kásip­ker. Isker basshynyń bul iste de oza shaýyp, úlken jetistikke jete­ti­nine senim mol. Aısha О́TEBÁLI, jýrnalıst Batys Qazaqstan oblysy