Qant jyry» biter emes

«Keshe «Egemen Qazaqstan» gazetinde «Qant nege qat?» atty syn maqala jarııalanǵan edi. Ulttyq ekonomıka mınıstr­ligi tabıǵı monopolııa­lardy ret­teý jáne básekelestikti qorǵaý komı­tetiniń Qaraǵandy oblysy boıynsha departamentiniń bas­shysy Ashat Japsarbaı qant tap­shylyǵyna baılanysty óńir­de antımonopolııalyq tergeý bas­­tal­­ǵanyn málimdedi. «Qaraǵandy oblysy naryǵyn­da qalyptasqan jaǵdaıǵa baıla­nys­­ty bizdiń departament iri qant jet­kizý­shilerge qatysty ter­geý­di bas­ta­dy. Biz bul másele­ni ma­ńyz­dy dep sanaımyz. Qalyp­tasqan jaǵ­daı qant baǵasy­nyń shetelde kóterilýi­men baıla­nys­­ty emes. Biz bul tap­shylyq qol­dan jasalǵan dep esep­teımiz. Bulaı dep aıtý úshin, árıne, aı­ǵaq kerek. Sol úshin iri qant jet­kizý­shilerine qatys­ty tergeý­di bastadyq», dedi A.Jap­sarbaı. Sonymen qatar, ol tergeý júr­­­gi­zile­tin kompanııalardyń da atyn atady. Olar – «Adal-As­lan» JShS, «Samadı-1», «Er Aı 2012», «Dias KZ» jáne «Green Foods». Tergeý barysynda bul kom­­pa­nııa­lar qatarynyń kóbeıýi de áb­den múmkin. Eske salsaq, Qaraǵandy obly­syn­da sońǵy kúnderi 1 kılo qant­tyń baǵasy 340-350 teńgege sharyq­tap ketken edi. Tipti, taýar­dyń bul túri kóptegen dúken­der­diń sórelerinen joǵalyp ketken bolatyn. Jaǵdaıdy turaq­tan­dyrý qorynan bólingen 150 tonna qant ta túzeı almady. Munyń se­be­bin oblystyq kásipkerlik bas­­qar­­masynyń basshysy Tatıana Ablaeva bylaısha túsindirdi. «Ne­gizi arnaıy bólingen bul qant par­tııa­sy tutyný qajetin toly­ǵymen óteıtin edi. Biraq jurt qazir qantty ádettegiden kóp mólsherde satyp alyp jatyr», dedi ol. Qaırat ÁBILDINOV, «Egemen Qazaqstan» QARAǴANDY