Kúrkiregen kún. Qoıý bult jáne... barmaqtaı burshaq

  Burnaǵy kúni Almaty­daǵy aspan tóri qaq aıyryla kúrkirep eldi tań qaldyrdy. Ile-shala kók júzin buryn-sońdy baıqalmaǵan qara túnek bult tumshalap, ara-tura naızaǵaı oınap, jań­byr shelektep tógip berdi. Sol-aq eken, daýyl soqty. Úlken kóshelerge ilingen bılbordtar qulap, jel shaıqaǵan aǵash­tardyń butaǵy mort-mort syna bastady... Kóp keshikpeı qalalyq TJD resmı ókili Sandýǵash Baı­mu­hambetova «112» qyzmeti arqyly málimet taratty. Nebári bir saǵattaı bolǵan jańbyr aralasqan daýylda qa­la boıynsha 24 aǵash qulapty. Onyń 16-sy jol jıeginde, aýlalarda qańtarýly turǵan jeńil avtokólikterdiń ústine tú­sip eleýli zaqym kel­tir­gen. Jel qańbaqtaı ushyr­ǵan jazdyq shatyrlar da bar­shylyq. Abyroı bolǵanda, zardap shekken adam joq. Jańbyrly daýyldyń kúsh­tiligin Alataýdyń etegin ala ornalasqan Naýryzbaı aýda­nynyń turǵyndary aıryqsha sezdi. «Qalqaman» shaǵyn aýdanynda daýylmen, jańbyrmen aralasyp torǵaıdyń basyndaı burshaq jaýdy. Elektr jelisinde órilgen sym temirler jelden soqtyǵysyp jarylystaǵy sekildi qatty dybystar shyqty. Daýyl da, jańbyr da bir saǵattyń aınalasynda sap tıyldy. Tabıǵattyń bul tosyn qubylysyn tańerteńgi atys­tan úreılenip úıden shyqpaı otyrǵan qala turǵyndary áli kúnge deıin ári-sári kúıde túsine almaı júr... Talǵat SÚIINBAI, «Egemen Qazaqstan» ALMATY