10 000 jyl burynǵy mamont qańqalary

Qazaqtar zil dep ataıtyn mamonttyń azýlary men súıekterin Zelenyı Gaı aýylynyń turǵyny Ánýar Qabyljaparov kezdeısoq taýyp alǵan. Ol mal baǵyp júrip, tereń saıdyń ishinen súıek shashyrandylaryn baıqap qalǵan. Atan jilikterge tań-tamasha qalyp, tegin dúnıe emes ekendigin ańǵarǵan. Dereý tıisti oryndarǵa habar berip, jańalyǵyn jetkizgen. Jergilikti arheologtardyń aıtýyn­sha, bıyl Taıynsha aýda­nynyń birqatar eldi mekenderin qarǵyn sý shaıyp, súıekter sonyń saldarynan jer betine shyǵyp qalsa kerek. 10 metr tereńdikten tabylǵan ǵajaıyp olja, ıaǵnı zil – mamonttyń omyrt­qasy, qabyrǵalary, azýlary men jiligi azdap mújile bas­taǵanymen, jaqsy saqtalǵan. Oblystyq tarıhı-ólketaný mu­rajaıyna tabystalǵan alyp janýar qaldyqtaryna zertteý júr­gizgen kásibı mamandar ony osydan 10000 jyldaı buryn ómir súrgen mamonttar degen boljam aıtýda. – Bizdiń qolymyzda bul jan­ýarlardyń erte kezde soltústik óńirlerdi meken etkenin rastaıtyn arheologııalyq qaz­balar jetkilikti. Alǵash ret 1923 jyly Esil ózeniniń ja­ǵasynan, sosyn 1980 jyly Ser­geevka jaǵynan tabylǵan alyp janýarlardyń 200 000 jyl buryn ómir súr­geni anyq­talǵan. Mundaı baǵa jet­pes jádigerler Iаsnovka, Bes­kól kent­teri mańaıynan da ushyrasqan bolatyn, – deıdi tarıh ǵylymdarynyń doktory, Germanııa arheologııalyq ıns­­tıtýtynyń kor­respondent-múshesi Vıktor Zaıbert. Zil qańqalaryn zertteýmen ǵalymdar men ólketanýshylar aınalysýda. О́mir ESQALI, «Egemen Qazaqstan» Soltústik Qazaqstan oblysy, Taıynsha aýdany