Otandyq taýardy nasıhattady-aý, biraq...

Keshe Ortalyq kommýnıkasııalar qyzmetinde otandyq taýarlardy qoldaýǵa qatysty baspasóz máslıhaty ótti. Oǵan «NADLoC júıeli qoldaý sharalary men jergilikti úlestiń ıdeologııasyn damytý jónindegi ortalyqtyń» dırektory Ásemgúl Balyqbaeva men «Qazaqstanda jasalǵan» taýar óndirýshiler men kásipkerler qaýymdastyǵynyń atqarýshy dırektory Talǵat Asylbaev qatysty. Brıfıng otandyq taýar óndirýshilerdi qoldaý sharalaryna qatysty ótti. «NADLoC qazir otandyq taýar óndirýshilerge birqatar qoldaý kórsetip keledi. Birinshiden, aqparattyq qoldaý jasaıdy. Sondaı-aq, qazaqstandyq úles týraly ınternet portal ashyldy. Bularmen birge ındýstrııalandyrý kartasyna engen jobalarǵa saraptama júrgizip otyramyz», degen ortalyq dırektory qazirgi kezde otan­dyq taýarlardy satyp alý arqyly óz kásipker­lerimizdi qoldaý asa qajet ekenin jetkizdi. О́z elimizde óndiriletin taýarlardy el aýmaǵynda satý boıynsha da birqatar jumys­tar atqarylyp jatqanyn tilge tıek etip, árbir qazaqstandyq el ekonomıkasynyń órkendeýine óz úlesin qosýy kerektigin aıtty. «Árbirimizdiń sanamyzda qazaqstandyq ónimdi satyp alsaq, elimizdiń damýyna, ekonomıkamyzǵa úles qosyp jatyrmyn degen oı qalyptasýy kerek. Elimizdiń ósip-órkendeýi osyǵan da baılanysty. Sondyqtan, bar bolsa mindetti túrde Qazaqstanda jasalǵan ónimdi satyp alyńyzdar», degen Á.Balyqbaeva ózi dál qazir qandaı qazaqstandyq taýardy tutynyp júrgeni jónindegi suraqqa qınala jaýap berdi. Dálirek aıtsaq, naqty eshteńe aıta alǵan joq. Baspasóz máslıhatynyń ekinshi bóliminde spıkerler jýrnalısterdi qyzyqtyrǵan suraqtarǵa jaýap berdi. Tilshilerdi negizinen qazaqstandyq qandaı taýarlar eksportta­lyp jatqany tolǵandyrady eken. О́kinishke qaraı, jýrnalısterge naqty aqparattar berýge daıyndalyp kelmegen spıkerler daǵdaryp qaldy. Áıtkenmen, Á.Balyqbaeva «Qazaqstan» shokolady» dep jaýap berdi. Al, taýar óndirýshilerdiń qaýymdastyǵynda atqarýshy dırektor laýazymyn atqaryp otyrǵan T.Asylbaevtyń bul suraqtardyń eshqaısyna alyp-qosary bolmady. Nurbaı ELMURATOV, «Egemen Qazaqstan»