Muhammed pen Musa

Qarýdy qatar ustap, áskerı qyzmetin ótep júrgen egizder týraly syr «Otan – ottan da ystyq». Bul támsil árbir jaýynger júreginde oryn alsa, onda alynbaıtyn qamal, jeńilmeıtin jaý bolmasa kerek. Ásker – sarbazdar boıyna dál osy qundylyqtardy quıýda asa mańyzdy mektep. Oń men solyn tanyp úlgergen bozbala jalyn atqan shaqtyń jalǵyz-aq jylyn áskerge arnasa, arǵy ǵumyry ózdiginen retke kelip, júıesin tappaq. Bul ásker qatarynda bolǵan árkimniń de qosyla quptaıtyn shyndyǵy. Jaqynda Qazaqstan Respýb­lıkasynyń Ulttyq ulany 6654 áskerı bólimi osy kóktemde ásker qataryna shaqyrylǵan jas býyn jaýyngerlerdi qabyldady. Atyraý, Aqtaý, Astana jáne Aqmola oblysynan shaqyrylǵan jaýyngerler Táýelsiz elimizdiń aıbyndy áskeriniń qataryn tolyqtyrdy. Áskerı orta olardy birkelki tártip tuǵyryna qondyrdy, «men» degen túsinikten góri «biz» degen birlik bıigine shaqyrdy. «Otan» jáne «borysh». Osy uǵym­dar egiz dep bilsek, ásker qa­taryna shaqyrylǵan sarbazdar sapynda birinen birin ajyratqysyz egizderdiń bary osy kıeli tú­sinikke erekshe ekpin beretindeı. Endi she... Eki birdeı egizin ásker qataryna attandyrǵanda ana men ákeniń osy uǵymdarǵa degen kózqarastary asa qasterli bolǵandyǵyn ańǵarý qıyn emes. Olardyń esimderi Musa jáne Muhammed Dúısenovter. Qos paıǵambardyń esimin arqalaǵan egiz jandar bir-birinen aınymaı qalǵan. Alǵashqyda qaısysy Musa, qaısysy Muhammed ekendigin aıy­ra almaı bólimshe komandıri qı­nal­ǵanyn aıtty. Dese de, amalyn taýyp buıryqty ekeýine birdeı berip, jumsaıtyn bolǵan. О́ıtkeni, bireýin jumsasa syńaryn izdegen ol tapsyrylǵan jumysty alańdaı júrip shala-pula atqara salatyndyǵyn ańǵarǵan. Al birikse bir kisideı tyndyryp tastaıdy. Aqmola oblysy, Kókshetaý qa­lasynan kelgen Musa men Mu­ham­medtiń esimderin ájeleri Gúl­jámıla qoıǵan. Baýyryna basyp, ájelik meıirimin qos qozysyna aıamaı tókken ana olardy qazaqy bolmys jáne ıman izgiliginde tárbıelegen eken. Bes ýaqyt namazyn qaza qylmaıtyn Gúljámıla ájeı egizderdiń esimderin olardyń Muhammed (s.ǵ.s) paıǵambarymyz týǵan Máýlit aıynda dúnıege kelýine baılanysty qoıǵan. Egiz­derdiń tósekteri de, saptaǵy oryndary da qatar. Ekeýi de 9-shy synyptan keıin Kókshetaý qalalyq joǵary tehnıkalyq mektebinde oqyp, úzdik bitirgen. Bolashaq ma­mandyqtary – qurylys buıym­daryn óndirýshi tehnolog. Áskerge deıin de azyn-aýlaq ýaqyt kúzet salasynda qyzmet istegen egizder qarýdy qoldaný, shashý jáne jınaý mashyqtaryn oıdaǵydaı meńgergen eken. Osynyń dáleli, «TOZ-8» qarýynan atý jat­tyǵýlarynda aǵaıyndylardyń ekeýi de oıdaǵydaı nátıje kórsetti. Aldaǵy ýaqytta egizder kelisimshart negizinde áskerı salada qyzmet etýge nıetti. О́ıtkeni, dál Musa men Muhammedteı – Otan men Mindet te egiz uǵymdar ekeni aıqyn. Biz óz tarapymyzdan osy egizderdiń ant qabyldap, qyzmetke kirisken sátterinen jáne ana men áke qushaǵyna qaıtar kúnderine deıin turaqty túrde baqylap, maqala jarııalap otyrýdy jón sanadyq. О́ıtkeni, áskerı ǵumyr kim-kimge bolsa qyzyq ári egizderdiń ár qadamy osy áskerı ómirdiń qaltarys-bultarysyn keńinen asha túsetin bolady. Ádilet SARYBAEV, kishi serjant ALMATY Sýretterdi túsirgen avtor