+41

Mańǵystaýda kún kúıip tur. Onsyz da qańsyp turǵan dalanyń apshysyn odan saıyn qýyrǵan shilde qaharyna minip tur. Jóni de bar, óıtkeni halyq uǵymyndaǵy «qyryq kún shilde» bastalǵaly da on kún. Mamandar turǵyndarǵa ólkede qatty ystyq bolýy múmkindigin, sol sebepti saq bolý qajettigin aldyn ala eskertti. Sınoptıkterdiń aıtýynsha, qazir Mańǵystaýdyń birqatar óńirlerinde, ásirese, Beıneý, Qaraqııa jáne Mańǵystaý aýdan­darynda temperatýra +41 gradýsqa jetken. Jurtshylyq kún uıasyna batqan kesh pen tún­di asyǵa kútip, keń tynys­tap alý­ǵa asyǵatyn bolsa, qazir Mań­ǵystaýda túnniń ózi aptap bolyp tur. Mamandar túngi mezgildiń +25-28 gradýsty kórsetip tur­ǵan­dyǵyn aıtýda. Bul jaǵdaı óńir­de joǵary qan qysymymen aýyratyndar úshin jáne júreginde aqaýy bar jan­dar úshin ońaı bolmaı tur. Bir kún­de aýrýhanalarǵa birneshe adam túsip, dárigerler qarbalasqa túsýde. Ońtústik-shyǵystan sekýndyna 7-12 metr jyldamdyqpen soqqan jel qurǵaq aýany úrlep, ańyzaqqa ulasýda. Mamandar bul jaǵdaıdyń, ıaǵnı +40 gradýstan asqan ystyqtyń shilde aıynyń sońyna deıin jalǵasýy múmkin ekendigin aıtýda. Gúlaıym ShYNTEMIRQYZY, «Egemen Qazaqstan» Mańǵystaý oblysy