Nıtrat quramy úsh ese kóp

Ishki aǵzalardyń, sonyń ishinde baýyr men búırektiń jumysyn jaqsartýda qarbyzdyń paıdasy mol ekenin medık-ǵalymdar baıaǵyda paıymdap qoıǵan. Alaıda, abaılamasa bolmaıdy eken. Oral qalalyq tutynýshylar quqyǵyn qorǵaý basqarmasy arnaıy aksııa sheńberinde tekserý júrgizgen kezde jabaıy túrde satylyp jatqan qar­byz­dyń quramyndaǵy nıtrat qa­lypty mólsherden 3-4 esege artyq ekeni anyqtaldy. Bul aǵ­zaǵa óte zııan­dy ekeni bel­gili. Tutastaı alǵanda oblys orta­ly­ǵynda qaýyn-qarbyz satatyn 34 arnaıy oryn belgilengen. Bir ókinishtisi, bularǵa kókónis quramyna baılanysty tekserýler júrgizilmeı tur. Mundaǵy basty sebep – zerthananyń jetis­peýi. Mundaı turaqty zerthana ortalyq «Mırlan» bazarynda ǵana bar eken. Alaıda bul qury­lym tek ózderinde satylatyn ónim­derdi ǵana tekserýden ótkizedi. Oral qalalyq jergilikti polısııa qyzmetiniń basshysy Músilim Járdemovtiń málimdeýinshe arnaıy belgilenbegen oryn­dardaǵy qaýyn-qarbyz saýdasyna baılanysty 360 hattama toltyrylyp, jarty mıllıon teńge aıyppul salynǵan. Áıtse de mundaı oryn­ardaǵy kókónis saýdasy tyıy­latyn túri baıqalmaıdy. Endeshe bul máseleni retteýdiń ózge joldaryn qarastyrý kún tártibinde tur demekpiz. Temir QUSAIYN, «Egemen Qazaqstan» ORAL