Vedomstvo málimetinshe, ol áleýmettik jelilerde onlaın-kazınony jarnamalaıtyn vıdeomaterıaldardy júıeli túrde jarııalap, qoldanýshylardy qumar oıyndarǵa tartqan. Osy áreketteri arqyly kúdikti 100 mıllıon teńgeden astam zańsyz tabys tapqan. Qarajat onyń atyna tirkelgen krıptovalıýta ámııanyna aýdarylyp otyrǵan.
Qazirgi ýaqytta ony Qazaqstanǵa ekstradısııalaý máselesi qarastyrylyp jatyr.
Ishki ister mınıstrligi shetelge qashyp ketý qylmystyq jaýapkershilikten bosatpaıtynyn eskertti:
«Izdeýde júrgen árbir tulǵa anyqtalyp, ustalyp, Qazaqstanǵa jetkiziledi. Bul – tek ýaqyt máselesi», delingen resmı habarlamada.
