Sabantoı ótti saýyqpen

Qaraǵandydaǵy ortalyq saıabaqta tatar jáne bashqurt halyqtarynyń ulttyq meıramy – Sabantoı toıy ótti. Jurt jaýǵan jańbyrǵa qaramastan dástúrli merekeni sońyna deıin tamashalap, kóterińki kóńil-kúıde boldy. Sabantoıǵa Qazaqstandaǵy Tatar­stan Respýblıkasy óki­letti ókiliniń orynbasary Olga Ýldanova qatysyp, Tatar­stan prezıdenti Rýstam Mınnı­hanov­tyń quttyqtaý hatyn oqyp berdi. Sondaı-aq, Qazan qalasynan arnaıy kelgen Tatarstannyń eńbek sińirgen ártisi Aıgúl Barıeva jıylǵan qaýymnyń al­dyn­da án shyrqady. «Biz 1994 jyldan bastap Qara­ǵan­dyda Sabantoı merekesin ót­kizip kelemiz. Bul mereke tatar men bashqurt halqynyń ǵana emes, dos­tyqtyń merekesi. Bıyl biz me­re­keni Qazaqstan Respýblıkasy Táýelsizdiginiń 25 jyldyǵyna arnadyq. Egemendik alǵannan bergi jyldar aralyǵynda bizdiń eli­miz áleýmettik jáne ekono­mıka­lyq turǵyda qatty damydy. Qol jet­kizgen bul tabystar qoǵam­daǵy turaqtylyq pen ulttar ara­syn­daǵy kelisimniń arqasynda múm­kin boldy», – dedi sharany uıym­­das­ty­rýshylardyń biri, «Ihlas» tatar-bashqurt qoǵamdyq orta­­ly­ǵynyń tóraǵasy Anvar Kereıbaev. Sabantoıdyń án men jyr, bı­men ótken oıyn-saýyǵyna qala turǵyndary men qonaqtary bala­larymen kelip, arnaıy uıymdas­tyrylǵan túrli sharalarǵa bel­se­ne qatysty.  Qaırat ÁBILDINOV, «Egemen Qazaqstan» QARAǴANDY