Jańa joba

Kókshetaýda oblys ákimi Sergeı Kýlagın sırek kezdesetin metaldardy óńdeıtin zaýyt salýǵa nıetti avstralııalyq «ILUKA Exploration (Kazakhstan)» kompanııasynyń ókilderimen kezdesý ótkizdi. Eske sala ketsek, Investı­sııalar jáne damý mınıstrligi atalmysh kompanııamen jer qyr­tysyn geologııalyq zertteý jáne barlaý salasynda ózara túsinistik-yntymaqtastyq týraly memorandým bekitken bolatyn. «Iluka Resources Limited» avs­tralııalyq taý-ken kompanııasy álemdegi iri sırkonıı jáne joǵary sapaly tıtan óni­min óndirýshi bolyp tabylady. Aǵymdaǵy jyly onyń Qazaqstandaǵy jobalaryn júzege asyratyn enshiles kompanııasy da qurylǵan. Kezdesý barysynda Aqmola oblysynyń jer qyrtysynda ılmenıt, rýtıl, sırkonıı jáne qalaıy metaldarynyń bolýyn memlekettik geologııalyq barlaý boıynsha joba talqylandy. Atalmysh joba Qostanaı jáne Soltústik Qazaqstan oblystarynda da talqylanatyn bolady. Bolashaqta osy oblystardyń biriniń aýmaǵynda sırek kez­desetin metaldardy óńdeý bo­ıynsha quny 500 mıllıon AQSh dollary tu­ratyn zaýyt qurylysyn salý josparlanýda. Kompanııa zaýyt bıýdjetin áldeqashan ma­quldap qoıǵanyn da ataı ketý kerek. «Biz oblysymyzǵa qarjy quıý­ǵa kelgen ınvestorlardy qýa­na qarsy alamyz jáne yn­tymaqtastyq­qa múddelimiz. Aq­mola oblysy Astana mańyndaǵy aýmaq bolyp sanalatyndyqtan baılanys salasy damyǵan. Biz sizderge jumys úshin qolaıly jaǵdaı jasaýǵa daıynbyz jáne usynystar kútemiz», dedi oblys ákimi S.Kýlagın. Baqbergen AMALBEK, «Egemen Qazaqstan» Aqmola oblysy