Elbasynyń «100 naqty qadamynyń» 57-qadamynda, týrıstik klasterler qurýda úzdik tájirıbesi bar strategııalyq (zákirlik) ınvestorlar tartý týraly aıtylǵan.
Semeı mańyndaǵy «Svıatoı klıých» saıahat soqpaǵy tabıǵat aıasynda belsendi demalys pen ekologııalyq týrızmdi qalaıtyndar úshin taptyrmas dúnıe. Munda tek qazaqstandyqtar ǵana emes, sheteldikter de kelip jatady. Tabıǵaty kórikti jerlerdi qamtıtyn uzyndyǵy 10 shaqyrymǵa sozylatyn baǵytty 6 saǵatta jaıaý júrip ótýge bolady. Jyl saıyn ekologııalyq soqpaqpen shamamen 500-ge jýyq adam júrip ótedi eken.
– Jyl ótken saıyn qala turǵyndary ǵana emes, alys-jaqyn shetelden kelýshiler de qyzyǵýshylyq tanytýda, – deıdi «Semeı ormany» memlekettik tabıǵı orman rezervatynyń ınjeneri Marına Býlatova. – Ekologııalyq soqpaq qalaǵa jaqyn ornalasqan. «Kontrolnyı kentinen bastalyp, «Svıatoı klıých» eldi mekeninde aıaqtalady. Jerlesterimizge ol 2010 jyldan beri tanys. Ekologııalyq týrızm memleket tarapynan qorǵalǵan tabıǵı rezervat aýmaǵynda júzege asady. Tabıǵı soqpaq ólketanýshylardyń áli kúnge deıin qyzyǵýshylyǵyn týǵyzatyn jerlerdi qamtıdy. Tarıhı derekterge qaraǵanda, dál osy eski qamal aýdanynda jergilikti Sátbek batyrdyń qolynan kazak atamany Ermak qaza tapqan.
Aıta ketý kerek, 2015 jyly Semeı ormanynyń Morozov fılıalynyń aýmaǵyndaǵy, jaqyn mańdaǵy mektepterdiń orman sharýashylyqtaryndaǵy balalar úshin arnaıy ekologııalyq soqpaq jobasy júzege asyryla bastady. Olar soqpaqty kútý jumystaryn óz betterimen atqardy. Adam densaýlyǵy qorshaǵan ortanyń tazalyǵyna da baılanysty. Sondyqtan, tanymdyq ekologııalyq baǵyttardy quryp, ony nasıhattaýdyń eresektermen qatar, balalardy tabıǵatty aıalap, týǵan ólkeni súıýge tárbıeleýde yqpaly zor.
Raýshan NUǴMANBEKOVA Shyǵys Qazaqstan oblysy
