Iran ınvestısııasy Oral óńirine keledi

Oral óńiri men Iran ıslam respýblıkasy arasynda saýda–ekonomıkalyq, ınvestısııalyq jáne kólik-logıstıkalyq salada yntymaqtastyq jónindegi kelisim jasaldy. Atalǵan kelisimge ótken shilde aıynyń aıaǵynda Tegeranda qol qoıylǵan bolatyn. О́z kezeginde ırandyq ókil-ınvestor Tavakol Ibraımı Oral óńirinde bolǵan saparynda munda eki kezeńnen turatyn jylyjaı qurylystaryn salý úshin Iran tarapy ınvestısııa quıýǵa ázir ekendikterin málimdedi. Buǵan gollandııalyq tehnologııany qoldaný belgilengen. Onyń erekshelikteri jóninde Egemen.kz tilshisine ınvestormen birge kelgen áriptesi, nıderlandtyq Andrıes Koppert aıtyp berdi. Onyń málimdeýinshe jobanyń alǵashqy kezeńinde qurylys aýmaǵy qyryq gektardy quramaq. Bolashaqta jylyjaıdan jınalatyn ónim mólsheri óńir turǵyndarynyń suranysyn qamtyp qana qoımaı, ony kórshiles Reseı elderine eksportqa shyǵarýǵa bolady degen boljam jasalyp otyr. Qazaqstan Eýrazııalyq odaqtyń quramynda bolǵandyqtan, mundaı jaǵymdy jaıt Reseımen saýda-ekonomıkalyq qarym-qatynastardy odan ári tereńdete túsýge septigin tıgizedi dep kútilýde. Aıtylar oıdy budan da góri ashyńqyrap aıtqanda, Qazaqstannyń atalmysh ekonomıkalyq keńistikte ornalasýy ırandyq ınvestorlardyń qyzyǵýshylyǵyn odan ári kúsheıte túskendeı kórinedi. Tipti qazirgi kúni iri de kúrdeli jylyjaı jobasynyń orny belgilenip te qoıylypty. Aıtalyq, «Oral» áleýmettik-kásipkerlik koorporasııasy óńirdegi ındýstrııalyq aımaqty qurýǵa bel sheshe kirisip,onyń ornyn belgilegen bolatyn. Bul aralyq -Terekti aýdanyndaǵy Poıma temirjol beketine taıaý ornalasqan. Irandyqtar men gollandııalyqtar birlesip qolǵa alatyn jylyjaı qurylysy dál osy arada boı kótermek. О́z kezeginde «Oral ÁKQ» atalǵan sheteldik kompanııamen birlesip jumys júrgizbekshi. Osy oraıda merdiger retinde belgilengen «KGS» kompanııasy quny 176 mıllıon AQSh dollaryn quraıtyn keń tynysty qurylysty aldaǵy bir aıdyń ishinde bastap ketýge bel býyp otyrǵany úlken senim týǵyzady. Temir QUSAIYN