Qolónershige qamqorlyq

Jaqynda «Nur Otan» partııasynyń Semeı qalalyq fılıalynda tyń jańalyq boldy. О́ndiriste aýyr jaraqat alǵan Abylaıhan Asylbaı jantalasa júrip, búginde Qazaqstannyń eń úzdik qolóner sheberi atanǵan edi. Eńbekqorlyǵynyń arqasynda tirshilikpen, qoǵammen tyǵyz baılanys ornatyp, nátıjesinde «Nur Otan» partııasyna múshelikke de kirip otyr. – Men «Nur Otan» partııasy arqyly ózimmen pikirles adamdarmen dostassam degen armanym bar, – dedi Abylaıhan Asylbaı. – Osy arqyly jobalarymdy, alǵa qoıǵan maqsattarymdy oryndaǵym keledi. «Nur Otan» partııasynyń bıleti men úshin asa qymbat. Birinshi toptaǵy múgedek bolsam da, qol qýsyryp qarap otyrmaı, óz elime paıda ákeletindigimdi dálel­demekpin. Abylaıhan uzaq jyldar boıy kásibı qurylysshy bolǵan. Bıikten qulap, omyrtqasy zaqymdanady. Aıaǵy qozǵalmaı qalady. Ol al­ǵashynda otyra da almaıtyn. Oǵan qaryndasy men kúıeý balasy kómektesedi. Kúızeliske túsken ol ýaıym-qaıǵysyn jeńý úshin ejelgi aǵash qolónerin ıgerýdi qolǵa alypty. Osydan biraz buryn ótken «Shyǵys sývenıri» óńiraralyq V qolóner baıqaýynyń nátıjesi bo­ıyn­sha Abylaıhan Asylbaı Gran-prı ıegeri atandy, sodan keıin ol óz jumystarymen respýblıkalyq «Sheber» baıqaýyna qatysty, halyqtyń ystyq yqylasyna ıe boldy. Ol kúmis jáne sary metall symnan toqylǵan ásker saýyty, bolattan jasalyp, bylǵary qapqa salynǵan qylysh, túrli metaldardan jasalǵan áıel áshekeıleri, ártúrli órilgen qamshy, at áb­zelderi, er-toqym jáne taǵy bas­qalar. Sheber buıymdardy ja­lyqpaı óńdeýdi de ádetke aı­naldyrǵan. –  Ásirese, batyrlarǵa arnalǵan saýyt jasaý óte kúrdeli, kóp eńbektenýdi qajet etetin jumys, – deıdi Abylaıhan Asylbaı. – Al áıel áshekeılerin jasaý úshin usaq bederlermen jalyqpaı jumys isteý kerek. Tipti, Almatyǵa baryp, oqýyn da oqyp keldim. Sóıtip, Semeıge kelgen kezde, óz úıiniń bir bólmesinen sha­ǵyn ǵana seh ashyp, jumysyn isteı bastady. Onyń kóptegen buıym­dary Qazaqstannyń mura­jaılarynyń tórinen oryn alǵan. Tipti, sheteldikter de onyń ónerin joǵary baǵalaýda. Osy isti qalaı meńgerýge qatysty sheberlik saǵattaryn da ótkizdi. О́tken jyly kásipkerlikti damytýǵa arnalǵan «Damý» qorynyń grantyna ıe boldy. Bul grantqa metall men aǵashty, súıek pen terini óńdeıtin tamasha qural-jabdyq satyp aldy. Abylaıhanmen birge Semeıde «Nur Otan» partııasyna bıyl 3 myń semeılik birden múshelikke kirýge bel býypty. «Nur Otan» partııasynyń Semeı qalalyq fılıalyndaǵy keńesshi Álııa Býkaevanyń aıtýynsha, osynshama adamdy birden qabyldaý partııa tarıhynda buryn-sońdy bolǵan emes. Abylaıhanǵa partııa bıletin «Nur Otan» partııasynyń Semeı qalalyq fılıaly tór­aǵasynyń orynbasary Zýlfııa Jamaltdınova tapsyrdy. Kelgen qonaqtarǵa jasaǵan buıymdaryn kórsetken ol budan keńirek sheberhanada jumys istegisi keletindigin aıtqan edi. – Bul sheshiletin másele, – dedi Zýlfııa Jamaltdınova. – Biz «Jas Otan» jastar qanatyn shaqyryp, asar jasaımyz. Olar qolaıly sheberhanany jóndeýden ótkizip, búkil qural-jabdyqtaryńyzdy jańa orynǵa kóshirip beredi. Raýshan NUǴMANBEKOVA SEMEI