Korol Artýrdyń qamalyn tapty

Brıtandyq arheologtar Kor­nýoll graftyǵynyń aýma­ǵy­nan bizdiń eramyzdyń VI ǵa­syryna tıesili qamaldyń ornyn tapty. Korol Artýr týraly ańyzdarda osy aımaqtaǵy jer ataý­lary jıi aıtylatynyn, sondaı-aq, arshylyp alynǵan jádigerlerdiń sıpatyn eskerip, ǵalymdar bul qamaldy áıgili korol mekendegen dep joramaldap otyr. – О́z zamanynda óte qymbat buıymdardy tutynǵanyna qara­ǵanda, qamal qojaıyny aqsúıek adam bolǵany baıqa­lady. Qarý-jaraqqa qumarlyǵy, saýyt-saımandary onyń asqan batyr adam ekendigin bildi­redi. Korol Artýr týraly ańyzdarda dál osy jerlerdiń ataýlary aıtylýy beker emes dep oılaımyz. Dáý de bolsa, ol osy qamaldy mekendeýi múmkin, – deıdi arheologtar. Ańyzǵa sensek, brıtan­dyqtardyń kósemi Korol Artýr jan-jaqtan antalaǵan jaý­laryna toıtarys berip, uzaq jyldar boıy elin qorǵaǵan has batyr bolypty. Onyń Eskalıbýr degen atpen áıgili qylyshyn tastan sýyryp alyp jatqan músini dál osy Kornýoll graftyǵynda ornalasqan. Korol Artýr álemdik áde­bıet­tegi, kınodaǵy, beıneleý, músin ónerindegi eń áıgili keıipkerlerdiń biri bolyp sanalady. Zamanaýı kompıýterlik oıyndarda da onyń obrazy úlken qyzyǵýshylyqqa ıe. Nurtóre SAMARQAN