Sýbsıdııalaý týraly túsinik

«Egemen Qazaqstan» gazetiniń 2016 jylǵy 20 sáýirdegi sanynda jaryq kórgen «Dáýren» sharýa qojalyǵynyń tóraǵasy Nesipkúl Kezeńbaevanyń «Sýbsıdııadan qashanǵy qaǵylamyn?» atty maqalasyna oraı, «Jambyl oblysy ákimdiginiń aýyl sharýashylyǵy basqarmasy» kommýnaldyq memlekettik mekemesinen jaýap hat keldi. Onda bylaı dep túsinikteme berilgen: «Qazaqstan Respýblıkasy Úkimetiniń 2014 jylǵy 29 mamyrdaǵy №575 qaýlysymen bekitilgen Erejeniń tarmaqtaryna sáıkes aýyl sharýashylyǵy taýaryn óndirýshiler aýdannyń jumysshy organy aýdan ákimdiginiń aýyl sharýashylyǵy bólimine ótinish berýge tıisti. О́tinishte aǵymdaǵy jyly egilgen aýyl sharýashylyǵy daqyldarynyń belgilengen merzimde egilgeni týraly málimet kórsetiledi. О́tinish túskennen keıin aýdan ákiminiń sheshimimen qurylǵan vedomstvoaralyq komıssııa (budan ári – VAK) eki apta merziminde belgilengen Ereje talaptaryna sáıkes aýyl sharýashylyǵy taýaryn óndirýshileri ekken egistik alańdarynda óskin bolýyn tekserip, qabyldap alý aktisimen qabyldaýy qajet. 2015 jyldyń 11 mamyrynda «Dáýren» sharýa qojalyǵy Merki aýdany ákimdiginiń aýyl sharýashylyǵy bólimine «Basym daqyldar óndirýdi sýbsıdııalaý arqyly ósimdik sharýashylyǵy óniminiń shyǵymdylyǵy men sapasyn arttyrýdy, janar-jaǵarmaı materıaldarynyń jáne kóktemgi egis pen egin jınaý jumystaryn júrgizý úshin qajetti basqa da taýarlyq-materıaldyq qundylyqtardyń qunyn jáne aýylsharýashylyq daqyldaryn qorǵalǵan topyraqta óńdep ósirý shyǵyndaryn sýbsıdııalaý qaǵıdalaryn bekitý týraly» Qazaqstan Respýblıkasy Úkimetiniń 2014 jylǵy 29 mamyrdaǵy №575 qaýlysymen bekitilgen Erejesine sáıkes 40 gektarǵa maıly daqyl (maqsary) sepkendigi jóninde málimet beredi. Budan keıin aýdandyq VAK-tyń qatysýymen málimet saralanyp №193 qabyldaý aktisi jasalady jáne akt negizinde 2015 jyldyń 14 shildesinde 40 gektar maıly daqyldy sýbsıdııalaý týraly ótinim beriledi. О́tinishke sáıkes aýdandyq VAK-tyń qabyldaý aktisiniń sheshimimen 40 gektar maıly daqylǵa 200,0 myń teńge sýbsıdııa tólenedi. Al «Dáýren» sharýa qojalyǵynyń tóraıymy Nesipkúl Kezeń­baevanyń 2015 jyly aýdandyq VAK-qa bergen ótinishinde 61 gektar qant qyzylshasy týraly málimet kórsetilmegendikten, sýbsıdııa berilmegenin habarlaımyz. Nurjan NURJIGITOV, «Jambyl oblysy ákimdiginiń aýyl sharýashylyǵy basqarmasy» kommýnaldyq memlekettik mekemesi basshysy