Rıo-2016: Jazıra Japparqul – Olımpıadanyń kúmis júldegeri!

Rıo-de-Janeıroda ótip jatqan Olımpııalyq oıyndarda aýyr atletıkadan 69 kg salmaqtaǵy áıelder arasyndaǵy jarys aıaqtaldy. Onda qazaqstandyq aýyr atlet Jazıra Japparqul kúmis medaldiń ıegeri atandy. Osylaısha ol sporttyń osy túri boıynsha Olımpıadanyń kúmis júldegeri atanǵan tuńǵysh qazaq sportshysy bolyp otyr. Julqa jattyǵýda 116 kg salmaqty baǵyndyrǵan qytaılyq Sıan Iаnmeı birinshi, 115 kg salmaqpen toqtaǵan Jazıra Japparqul ekinshi, 113 kg salmaqty alǵan egıpettik Sara Samır Mohamed Ahmed úshinshi tuǵyrǵa kóterildi. Jazıra úshinshi talpynysta 117 kg salmaqty, al Sıan 118 kılony ala almady. Serpe kóterýde 145 kg salmaqty baǵyndyrǵan Sıan Iаnmeı – birinshi, 144 kg-ny alǵan Jazıra – ekinshi, 143 kg salmaqpen egıpettik Sara Ahmed úshinshi boldy. Qossaıysta Sıan Iаnmeı 261 kg (116+145) salmaqpen birinshi, Jazıra Japparqul 259 kg (115+144) salmaqpen ekinshi, 255 kg (112+143) salmaqpen egıpettik Sara Samır Mohamed Ahmed úshinshi orynǵa ornalasty. Damır QOJAMQUL Tehnıkalyq málimetter XXXI jazǵy Olımpıada. Rıo-de-Janeıro (Brazılııa), 10 tamyz Aýyr atletıka. Áıelder. 69 kg. 1. Sıan Iаnmeı (Qytaı) – 261 (116+145). 2. Jazıra Japparqul (Qazaqstan) – 259 (115+144). 3. Sara Samır Mohamed Ahmed (Egıpet) – 255 (112+143).