Qazaqstan Respýblıkasy Bilim jáne ǵylym mınıstrliginiń buıryǵy  №587 

2015 jylǵy 5 qazan, Astana qalasy «Qashyqtyqtan bilim berý tehnologııalary boıynsha oqý prosesin uıymdastyrý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2015 jylǵy 20 naýryzdaǵy №137 buıryǵyna ózgerister engizý týraly buıyramyn: 1. «Qashyqtyqtan bilim berý tehnologııalary boıynsha oqý prosesin uıymdastyrý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2015 jylǵy 20 naýryzdaǵy №137 buıryǵyna (Normatıvtik quqyqtyq aktilerdi memlekettik tirkeý tiziliminde №10768 bolyp tirkelgen, «Egemen Qazaqstan» gazetiniń 2015 jylǵy 31 tamyzdaǵy №401-404 (26798) sanynda jarııalanǵan) mynadaı ózgerister engizilsin: kórsetilgen buıryqpen bekitilgen Qashyqtyqtan bilim berý tehnologııalary boıynsha oqý prosesin uıymdastyrý qaǵıdasynda: 8-tarmaq mynadaı redaksııada jazylsyn: «8. QBT tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim deńgeıinde bilim alýshylarǵa qoldanylady:»; 1) bastaýysh, negizgi orta, jalpy orta, tehnıkalyq jáne kásiptik, orta bilimnen keıingi jáne joǵary bilim berý bazasyndaǵy qysqartylǵan bilim berý baǵdarlamalary boıynsha; 2) barlyq bilim berý deńgeılerinde múmkindikteri shekteýli tulǵalar, onyń ishinde múgedek balalar, I jáne II toptaǵy múgedekter bolyp tabylatyn tulǵalar úshin; 3) «Bolashaq» stıpendıattaryn qospaǵanda, joǵary jáne joǵary oqý ornynan keıingi bilim deńgeıinde bilim alýshylardyń almasý baǵdarlamalary boıynsha memleket aýmaǵynan tysqary shyqqan bilim alýshylar; 4) joǵary bilim deńgeıinde syrttaı oqý túri boıynsha jedel áskerı qyzmetke shaqyrylǵandar; 5) joǵary bilim deńgeıinde uzaq merzimdi (4 aıdan astam) sheteldik issapardaǵy tulǵalar; 6) mekemede tıisti tehnıkalyq jaǵdaı bolsa, sottalǵandar, kolonııa-qonystarda (qaýipsizdigi barynsha tómen mekemelerde) jazasyn ótep júrgender. 2. Joǵary jáne joǵary oqý ornynan keıingi bilim, halyqaralyq yntymaqtastyq departamenti (S. О́mirbaev) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) Qazaqstan Respýblıkasy Ádilet mınıstrliginde memlekettik tirkeýden ótkennen keıin osy buıryqtyń resmı jarııalanýyn; 3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý bilim jáne ǵylym vıse-mınıstri T.O.Balyqbaevqa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Bilim jáne ǵylym mınıstri A.SÁRINJIPOV Buıryq Qazaqstan Respýblıkasynyń Ádilet mınıstrliginde 2015 jylǵy 4 qarashadaǵy Normatıvtik quqyqtyq kesimderdi memlekettik tirkeýdiń tizilimine №12234 bolyp engizildi.