Qazaqstan Respýblıkasy Bilim jáne ǵylym mınıstrliginiń buıryǵy  №56

2016 jylǵy 21 qańtar, Astana qalasy «Dıssertasııalyq keńes týraly úlgi erejeni bekitý týraly»  Qazaqstan Respýblıkasy Bilim jáne ǵylym Mınıstriniń 2011 jylǵy 31 naýryzdaǵy № 126 buıryǵyna ózgerister engizý týraly buıyramyn: 1. «Dıssertasııalyq keńes týraly úlgi erejeni bekitý týraly» Qazaqstan Respýblıkasy Bilim jáne ǵylym mınıstriniń 2011 jylǵy 31 naýryzdaǵy № 126 buıryǵyna (Normatıvtik quqyqtyq aktilerdi memlekettik tirkeý tiziliminde № 6929 bolyp tirkelgen, «Egemen Qazaqstan» gazetiniń 2011 jylǵy 5 mamyrdaǵy № 184-185 (26587) sanynda jarııalanǵan) mynadaı ózgerister engizilsin: kórsetilgen buıryqpen bekitilgen Dıssertasııalyq keńes týraly úlgi erejede: 2 jáne 3-tarmaqtar mynadaı redaksııada jazylsyn: «2. Dıssertasııalyq keńester – doktoranttardyń dıssertasııalyq jumystaryn qorǵaýdy júrgizetin jáne Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıtetine (budan ári - Komıtet) fılosofııa doktory (PhD), beıini boıynsha doktor dárejesin berýge usynys beretin alqaly organdar (budan ári – dıssertasııalyq keńes). 3. Dıssertasııalyq keńesterdi Komıtet doktorantýra mamandyqtary boıynsha memlekettik bilim berý tapsyrysy ornalastyrylǵan joǵary oqý oryndarynda (budan ári - JOO) kúntizbelik 3 (úsh) jylǵa qurady. Erekshe mártebesi bar JOO-lar, sondaı-aq Qazaqstan Respýblıkasy Qorǵanys mınıstrliginiń, Qazaqstan Respýblıkasynyń ulttyq qaýipsizdik organdarynyń jáne Ishki ister mınıstrliginiń joǵary áskerı, arnaıy oqý oryndary dıssertasııalyq keńesterdi óz betinshe qurady. Qurylǵan kúninen bastap bir aı ishinde JOO-lar Komıtetke qurylǵan dıssertasııalyq keńester týraly aqparat usynady. Osy dıssertasııalyq keńeste qorǵalǵan dıssertasııalyq jumystar boıynsha Komıtettiń 2 (eki) teris sheshimi bolǵan jaǵdaıda, JOO-nyń Ǵylymı keńesi dıssertasııalyq keńesti jańa quramda bekitedi. Osy dıssertasııalyq keńeste qorǵalǵan dıssertasııalar boıynsha Komıtettiń teris sheshimi 2-den (ekiden) kóp bolǵan jaǵdaıda, dıssertasııalyq keńes qyzmetin toqtatady jáne 3 (úsh) jyl jumys istemeıdi.»; 7-tarmaq mynadaı mynadaı redaksııada jazylsyn: «7. Árbir mamandyq boıynsha dıssertasııalyq keńestiń quramyna ǵylymı dárejesi (ǵylym kandıdaty, ǵylym doktory) ne fılosofııa doktory (PhD), beıini boıynsha doktor dárejesi jáne tıisti zertteý salasynda keminde 5 ǵylymı maqalasy bar keminde 3 (úsh) maman qosylady. Bul rette dıssertasııalyq keńes músheleriniń keminde 1/3-i (úshten biri) shtattyq qyzmetkerler, keminde 1/3-i (úshten biri) basqa JOO ókilderi, keminde 1/3-i (úshten biri) ǵylymı nemese basqa uıymdardyń ókilderi bolýy tıis. Qazaqstan Respýblıkasy Qorǵanys mınıstrliginiń, Qazaqstan Respýblıkasynyń ulttyq qaýipsizdik organdarynyń jáne quqyq qorǵaý organdarynyń joǵary áskerı, arnaıy oqý oryndarynda qurylǵan dıssertasııalyq keńesterde músheleriniń keminde 1/3-in (úshten birin) basqa JOO-lardyń, ǵylymı jáne basqa uıymdardyń ókilderi quraıdy, qalǵandary shtattyq qyzmetkerler bolyp tabylady.»; 11-tarmaq mynadaı redaksııada jazylsyn: «11. Doktorant oqyǵan JOO kafedralardyń jáne/nemese zerthanalardyń (bólimder, ortalyqtar) keńeıtilgen otyrysynda doktorant dıssertasııasynyń talqylanýyn qamtamasyz etedi. Keńeıtilgen otyrystan 1 (bir) aı buryn dıssertasııa doktoranttyń ǵylymı zertteý salasy boıynsha ǵylymı dárejesi bar 2 (eki) mamanǵa joldanady. Keńeıtilgen otyrysqa kafedra jáne/nemese zerthana músheleriniń keminde 2/3-si (úshten ekisi), ǵylymı keńesshiler, sondaı-aq mándes kafedralardyń (zerthanalardyń, bólimderdiń, ortalyqtardyń), ǵylymı jáne basqa da uıymdardyń ókilderi qatysady. Otyrysta keńesshiler bolmaǵan jaǵdaıda, olardyń doktoranttyń dıssertasııasy boıynsha pikirin kafedra/zerthana (bólimder, ortalyqtar) meńgerýshisi oqıdy. Doktorant oqyǵan JOO dıssertasııalyq keńeske JOO blankisinde jazylǵan ilespe hatpen mynadaı qujattardy usynady: 1) otandyq jáne sheteldik ǵylymı keńesshilerdiń pikirleri (memlekettik qupııalary bar dıssertasııalar úshin otandyq konsýltanttardyń pikirleri); 2) kafedralardyń jáne/nemese zerthanalardyń keńeıtilgen otyrystarynyń oń qorytyndysy; 3) berik túptelgen jáne elektrondy tasymaldaǵyshtaǵy (CD-dısk) dıssertasııa; 4) ǵylymı eńbekteriniń tizimi jáne olardyń kóshirmeleri. Dıssertasııa memlekettik, orys nemese aǵylshyn tilderiniń birinde usynylady. Qujattardy qabyldaýdy keminde 2 (eki) jumys kúni merziminde tirkeıtin dıssertasııalyq keńestiń ǵalym hatshysy júzege asyrady jáne dıssertasııalyq keńeske usynady.»; , 15, 15-1 jáne 16-tarmaqtar mynadaı redaksııada jazylsyn: «14. Dıssertasııalyq keńes resenzentterdiń, ǵylymı keńesshilerdiń bir-birine táýelsiz ustanymdaryn basshylyqqa alady. Mynalar resenzent bola almaıdy: 1) Komıtet qyzmetkerleri; 2) doktoranttyń dıssertasııa taqyryby boıynsha jarııalanǵan jumystarynyń teń avtorlary; 3) dıssertasııa oryndalǵan jáne/nemese doktorant tapsyrys berýshi nemese oryndaýshy (teń oryndaýshy) bolyp tabylatyn ǵylymı-zertteý jumystary júrgizilgen JOO bólimsheleriniń jáne ǵylymı uıymnyń (kafedralardyń, zerthanalardyń, bólimderdiń, ortalyqtardyń) basshylary jáne qyzmetkerleri. Resenzenttiń bireýin dıssertasııalyq keńes quramynan taǵaıyndaýǵa bolady. 15. Dıssertasııalyq keńes JOO ınternet-resýrstarynda doktoranttardyń qorǵaýy jáne keńestiń qyzmeti týraly kelesi aqparatty (memlekettik qupııalary bar materıaldar men dıssertasııalardan basqa) ornalastyrady: 1) meken-jaıy, kúni men ýaqyty kórsetilgen aldaǵy qorǵaý týraly habarlama (belgilengen qorǵaý kúninen 1 (bir) aı buryn); 2) dıssertasııa (belgilengen qorǵaý kúninen 1 (bir) aı buryn jáne qorǵaýdan keıin 5 (bes) aı ishinde); 3) kólemi 1 (bir) baspa tabaqtan kem emes memlekettik, orys jáne aǵylshyn tilderinde annotasııa (belgilengen qorǵaý kúninen 1 (bir) aı buryn); 4) doktoranttyń jarııalanymdarynyń tizimi (belgilengen qorǵaý kúninen 1 (bir) aı buryn); 5) qorǵaýdan keıin 5 (bes) aı ishinde qoljetimdi ǵylymı keńesshilerdiń pikirleri (belgilengen qorǵaý kúninen 1 (bir) aı buryn); 6) resmı resenzentterdiń pikirleri (belgilengen qorǵaý kúninen 10 (on) jumys kúni buryn); 7) qorǵaýdyń beınejazbasy (qorǵaýdan keıin 5 (bes) aı ishinde); 8) dıssertasııalyq keńesterdiń esepteri (kúntizbelik jyl aıaqtalǵannan keıin); 9) qorǵaýlar ótkizý kúniniń, ýaqytynyń, ornynyń ózgerýi jáne resenzentterdiń aýysýy týraly habarlandyrý (bolǵan jaǵdaıda). Dıssertasııa JOO-nyń ınternet-resýrstarynda ornalastyrylǵan jaǵdaıda, avtorlyq quqyqtardy qorǵaý qamtamasyz etiledi, dıssertasııa materıaldaryn zańsyz kóshirýden jáne odan ári paıdalanýdan qorǵaý tehnologııalary qoldanylady. JOO-nyń ınternet-resýrsynda ornalastyrylǵannan keıin dıssertasııa mátinine ózgerister engizýge jol berilmeıdi. JOO-nyń ınternet-resýrstarynda dıssertasııa mazmuny boıynsha beıresmı pikirlerdi ornalastyrý múmkindigi qamtamasyz etiledi, keıin olar qorǵaýda usynylady. Avtoryn belgileý múmkin emes jáne avtordyń elektrondyq poshtasy kórsetilmegen beıresmı pikirler qorǵaýda usynylmaıdy. Aldaǵy qorǵaý týraly habarlama da túsken kúnnen bastap 5 (bes) jumys kúni ishinde Komıtettiń ınternet-resýrsynda ornalastyrylady (memlekettik qupııalary bar materıaldar men dıssertasııalardan basqa). Dıssertasııanyń qaǵaz jáne elektrondy tasymaldaǵyshtaǵy danasy JOO-nyń kitaphanasyna beriledi. Qorǵaǵannan keıin 7 (jeti) jumys kúni ishinde dıssertasııalyq keńestiń ǵalym hatshysy dıssertasııanyń elektrondy tasymaldaǵyshtaǵy danalaryn Qazaqstan Respýblıkasynyń Ulttyq akademııalyq kitaphanasyna jáne Qazaqstan Respýblıkasynyń Ulttyq kitaphanasyna beredi (memlekettik qupııalary bar dıssertasııalardan basqa). 15-1. Dıssertasııa qorǵaýǵa qabyldanǵannan keıin (belgilengen qorǵaý kúninen 1 (bir) aı buryn) dıssertasııalyq keńes dıssertasııany doktoranttyń avtory men derekkózine silteme jasalmaǵan bóten materıaldy paıdalanǵanyn tekserý úshin Ulttyq ǵylymı-tehnıkalyq aqparat ortalyǵyna (budan ári - UǴTAO) jiberedi. Eger UǴTAO-da doktoranttyń avtory men derekkózine silteme jasalmaǵan bóten materıaldy paıdalanǵany anyqtalǵan bolsa, dıssertasııalyq keńes teris sheshim qabyldaıdy. Memlekettik qupııalary bar dıssertasııalarda avtory men derekkózine silteme jasalmaǵan bóten materıaldyń paıdalanylýy UǴTAO-da nemese Qazaqstan Respýblıkasy Qorǵanys mınıstrliginiń, Qazaqstan Respýblıkasynyń ulttyq qaýipsizdik organdarynyń jáne quqyq qorǵaý organdarynyń joǵary áskerı, arnaıy oqý oryndarynda jáne/nemese ǵylymı uıymdarynda komıssııa negizinde tekseriledi. 16. Resenzentter dıssertasııany jáne jarııalanǵan jumystardy zerdeleý negizinde dıssertasııalyq keńeske jazbasha pikirin usynady, onda tańdalǵan taqyryptyń ózektiligi, dıssertasııada tujyrymdalǵan ǵylymı qaǵıdalar, qorytyndylar, usynymdar jáne onyń praktıkalyq qundylyǵy negizdemesiniń dárejesi, olardyń jańalyǵy baǵalanady, sondaı-aq tıisti mamandyq boıynsha fılosofııa doktory (PhD), beıini boıynsha doktor ǵylymı dárejesin berý múmkindigi týraly qorytyndy beriledi. Resenzentterdi qorǵaýǵa deıin kem degende 10 (on) jumys kúni buryn aýystyrýǵa bolady. Eger resenzentti aýystyrý týraly sheshim 10 (on) jumys kúninen keshiktirilip qabyldansa, qorǵaý kúni aýystyrylady. Resenzentter pikirleriniń kóshirmeleri doktorantqa dıssertasııa qorǵaýǵa deıin kem degende 10 (on) jumys kúni buryn beriledi. Pikir osy tarmaqtyń talaptaryna sáıkes kelmese, dıssertasııalyq keńes pikirdi kem degende 7 (jeti) jumys kúni buryn resenzentke qosymsha qaraý úshin qaıtarady nemese resenzentti aýystyrady. Resenzentter sondaı-aq jazbasha túrde bas tartqan nemese resenzııalaýǵa múmkindik bolmaǵan jaǵdaıda aýystyrylady.»; 18-tarmaqtyń ekinshi bóligi mynadaı redaksııada jazylsyn: «Resenzentterdiń bireýi joq bolǵan jaǵdaıda (dáleldi sebepter boıynsha) onyń pikirin ǵalym hatshy oqıdy. Resenzentterge dıssertasııalyq keńestiń qorǵaý otyrysynda on-line rejıminde beıne-konferensııa túrinde sóz sóıleýge ruqsat beriledi.»; 19-tarmaqtyń birinshi bóligi mynadaı redaksııada jazylsyn: «19. Dıssertasııalyq keńes doktorantqa tıisti mamandyqtyń fılosofııa doktory (PhD), beıini boıynsha doktor dárejesin berý úshin Komıtetke usynys jasaý nemese atalǵan dárejeni berýden bas tartý týraly sheshim qabyldaý úshin jasyryn daýys berýdi júrgizedi. Dıssertasııalyq keńestiń sheshimi, eger oǵan otyrysqa qatysqan dıssertasııalyq keńes músheleriniń 2/3 (úshten ekisi) jáne odan kóbi daýys berse, oń qabyldandy dep sanalady. Eger oń sheshimge otyrysqa qatysqan dıssertasııalyq keńes músheleriniń 2/3-inen (úshten ekisinen) kemi daýys berse, teris sheshim qabyldanady. Teris sheshim qabyldanǵan jaǵdaıda dıssertasııalyq keńes dıssertasııanyń osy Úlgi ereje men Qazaqstan Respýblıkasy Bilim jáne ǵylym mınıstriniń 2011 jylǵy 31 naýryzdaǵy №127 buıryǵymen bekitilgen jáne Normatıvtik quqyqtyq aktilerdi memlekettik tirkeý tiziliminde № 6951 bolyp tirkelgen Ǵylymı dárejeler berý erejesiniń (budan ári - Ereje) qandaı talaptaryna sáıkes kelmeıtindigi kórsetilgen qorytyndy jasaıdy. Resenzentterdiń, ǵylymı keńesshiler pikirleriniń kóshirmeleri, tóraǵa men ǵalym hatshy qol qoıǵan dıssertasııalyq keńes otyrysynyń beınejazbasy, stenogrammasy men qorytyndysy sheshim qabyldanǵan kúnnen bastap kúntizbelik 15 (on bes) kún ishinde Komıtetke jiberiledi.»; 2-qosymsha osy buıryqqa qosymshaǵa sáıkes jańa redaksııada jazylsyn. 2. Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti (S.N. Núsipov) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń kóshirmesin Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankinde ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kúni ishinde Qazaqstan Respýblıkasy Bilim jáne ǵylym mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Bilim jáne ǵylym mınıstrligi Bilim jáne ǵylym salasyndaǵy baqylaý komıtetiniń tóraǵasy (S.N. Núsipov) júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Bilim jáne ǵylym mınıstri A. SÁRINJIPOV «KELISILDI» «KELISILDI» «KELISILDI» Qazaqstan Respýblıkasynyń Qazaqstan Respýblıkasy Qazaqstan Respýblıkasynyń Qorǵanys mınıstri Ulttyq qaýipsizdik Ishki ister mınıstri I. N.Tasmaǵambetov komıtetiniń tóraǵasy Q.N. Qasymov ________________ _____________ V.Z. Jumaqanov _________ 2016 jylǵy ___________20___ jyl 4 aqpan 2016 jyl Qazaqstan Respýblıkasy Bilim jáne ǵylym mınıstriniń 2016 jylǵy 21 qańtardaǵy №56 buıryǵyna qosymsha Dıssertasııalyq keńes týraly úlgi erejege 2-qosymsha TIRKEÝ-ESEPTIK KARTOChKASY Tegi, aty, ákesiniń aty (bolǵan jaǵdaıda) (tolyq) Týylǵan jyly Azamattyǵy Ulty Attestasııalyq istiń № Dıssertasııalyq keńes Sheshim qabyldanǵan kúni, aıy, jyly Sheshimniń № Dıssertasııa qorǵalǵan JOO-nyń ataýy Dárejeni izdenýshi Mamandyq ataýy Dáreje berildi Dıplomnyń № Fılosofııa doktory (PhD), beıini boıynsha doktor Eskertý: 1. Mátin 148h105mm formattaǵy tyǵyz aqshyl qaǵazdan jasalǵan kartochkada basylady. 2. «Attestasııalyq istiń №» jáne «Dáreje berildi» degen baǵandar Komıtette toltyrylady. 3. Kartochkanyń artqy jaǵynda izdenýshiniń tegi, aty, ákesiniń aty (bolǵan jaǵdaıda) qorǵaýda usynylady qazaq, orys jáne aǵylshyn tilderinde kórsetiledi jáne onyń qolymen rastalady. Buıryq Qazaqstan Respýblıkasynyń Ádilet mınıstrliginde 2016 jylǵy 5 naýryzda Normatıvtik quqyqtyq kesimderdi memlekettik tirkeýdiń tizilimine №13406 bolyp engizildi.