Elordada Sport kúni atap ótiledi

Rıo de Janeırodaǵy jazǵy Olımpıadanyń jabylýyna oraı, Astanada Sport kúni atap ótiledi.  Elorda turǵyndary men qonaqtaryna arnalǵan bul shara barysynda sporttyń 21 túrinen jarys, sonyń ishinde túrli qoıylymdar, sheberlik dáristeri uıymdastyrylady. Sport merekesin 12 tamyzda «Dýman» oıyn-saýyq ortalyǵynda ótetin kórkem gımnastıka jarysy bastaıdy. 19 tamyzda «Ǵashyqtar» saıabaǵynda gır kóterý, armrestlıng, asyq atýdan buqaralyq sport jarysy ótedi.  Kelýshiler taekvondo, kıokýshınkaı-kan karate, bodıbıldıng jáne aýyr atletıkadan sheberlik dáristerine qatysa alady. Sonymen qatar «Astana mall» saýda oıyn-saýyq ortalyǵynda Reseı Federasııasyna  tanymal bıshi S.Belıaev sporttyq bı bıleýdi úıretedi. Jalpy, sport keshenderinde ótkiziletin jarystarda 4 myńǵa jýyq  adam baǵyn synamaq. Mereke aıasynda eńbek ujymdarynyń arasynda fýtbol jarystary men joldastyq matchtar ótkiziledi. 20 tamyzda «Balalar sportynan olımpıadalyq shyńǵa deıin» aksııasy shańǵy-rollerlik trassanyń janynda ótkiziledi, oǵan 200 adam qatysady dep kútilýde. 21 tamyzda sport merekesi - «Dáýlet» sport kombınaty men «Alaý» muzaıdyny saraıynda jalǵasady. Alaýpıada, «Ákem, anam jáne men – sporttyq otbasy» uranymen otbasylyq jarystar uıymdastyrylady. Sporttyq jarystarǵa belsene qatysyp, baq synap, báıgege túsip kórińiz! Aıman MUQYShOVA