Bıznes ashýǵa granttar usynylmaq

Astanada jańa kásip ashqan azamattarǵa óteýsiz jáne qaıtarymsyz grant beriledi, bul jaıynda Astana qalasy ákimdiginiń saıty habarlady. «Bıznestiń jol kartasy - 2020» bıznesti qoldaý men damytýdyń biryńǵaı baǵdarlamasy aıasynda jeke kásip ashyp, grantqa ıe bolýǵa taǵy bir múmkindik ashyldy. Ashyq konkýrs aıasyndaǵy granttar kásipkerlerge, múgedek jandarǵa jáne 50-den asqan azamattarǵa usynylady. О́tinimder 10 tamyzdan -  9 qyrkúıekke deıin Astana qalasynyń kásipkerlik jáne ónerkásip basqarmasynda qabyldanady. Memlekettik granttar ekonomıkanyń basym baǵyttarynda jańa bıznes-ıdeıalardy iske asyrý úshin óteýsiz jáne qaıtarymsyz negizde beriledi. Kásipker usynylyp otyrǵan grant kóleminiń keminde 10 paıyzy mólsherinde jobany birge qarjylandyrýy tıis bolady. Grant qarajatyn negizgi quraldar men materıaldardy, materıaldyq emes aktıvterdi, tehnologııalardy, franshızaǵa quqyqtardy satyp alýǵa, sondaı-aq zertteý jumystarymen jáne  jańa tehnologııalardy engizýmen baılanysty shyǵyndarǵa jumsalynady. Kásipker grantty jyljymaıtyn múlik, jer ýchaskesi jáne jalǵa alý úshin tólem retinde paıdalana almaıdy. Bir kásipker úshin granttyń eń joǵarǵy somasy 3 mıllıon teńge. Sonymen qatar kásipker alǵan qarjyny ıgerip, jańa jumys ornyn qurýy tıis. Aıman MUQYShEVA