Qazaqstan Respýblıkasy Qarjy mınıstrliginiń buıryǵy  №566

2015 jylǵy 17 qarasha, Astana qalasy «Memlekettik tapsyrmany ázirleý jáne oryndaý qaǵıdalaryn bekitý týraly» Qazaqstan Respýblıkasy Qarjy mınıstriniń 2015 jylǵy 30 naýryzdaǵy № 236 buıryǵyna ózgerister engizý týraly Buıyramyn: 1. «Memlekettik tapsyrmany ázirleý jáne oryndaý qaǵıdalaryn bekitý týraly» Qazaqstan Respýblıkasy Qarjy mınıstriniń 2015 jylǵy 30 naýryzdaǵy №236 (Normatıvtik quqyqtyq aktilerdi memlekettik tirkeý tizilimine №10839 bolyp tirkelgen, Ádilet aqparattyq-quqyqtyq júıesinde 2015 jylǵy 15 shildede jarııalanǵan) buıryǵyna mynadaı ózgerister engizilsin: kórsetilgen buıryqpen bekitilgen Memlekettik tapsyrmany ázirleý jáne oryndaý qaǵıdalarynda: 4-tarmaq mynadaı redaksııada jazylsyn: «4. Respýblıkalyq bıýdjettik baǵdarlamalardyń ákimshisi respýblıkalyq bıýdjetti ázirleý kezinde bıýdjettik josparlaý jónindegi ortalyq ýákiletti organǵa bıýdjettik ótinimmen, bıýdjettik baǵdarlamalardyń jobalarymen, strategııalyq josparlardyń jobalarymen nemese strategııalyq josparlarǵa ózgerister men tolyqtyrýlardyń jobalarymen birge Qazaqstan Respýblıkasy Ulttyq kásipkerler palatasy men monopolııaǵa qarsy organnyń qorytyndylaryn esepke ala otyryp, memlekettik tapsyrma nysanynda memlekettik qyzmetter kórsetýge nemese bıýdjettik ınvestısııalyq jobalardy iske asyrýǵa usynys beredi. Qazaqstan Respýblıkasynyń Ulttyq kásipkerler palatasynyń jáne monopolııaǵa qarsy organnyń qorytyndylaryn alý maqsatynda respýblıkalyq bıýdjettik baǵdarlamalardyń ákimshisi Qazaqstan Respýblıkasynyń Ulttyq kásipkerler palatasyna jáne monopolııaǵa qarsy organǵa memlekettik qyzmetterdi kórsetýge nemese memlekettik tapsyrma nysanynda bıýdjettik ınvestısııalyq jobalardy iske asyrýǵa usynys kóshirmesin, sondaı-aq memlekettik tapsyrmany oryndaýǵa jaýapty zańdy tulǵanyń jarǵysynyń kóshirmesin joldaıdy. Qajet bolǵan jaǵdaıda Qazaqstan Respýblıkasynyń Ulttyq kásipkerler palatasy jáne monopolııaǵa qarsy organ respýblıkalyq bıýdjettik baǵdarlamalardyń ákimshisinen bastapqy engizilgen qujattar paketin qaıtarmaı, memlekettik tapsyrmany oryndaýǵa baılanysty ózge qujattardy jáne (nemese) aqparatty resmı túrde suratady.»; 6-tarmaq mynadaı redaksııada jazylsyn: «6. Memlekettik tapsyrma nysanynda oryndaýǵa josparlanyp otyrǵan memlekettik qyzmetter men bıýdjettik ınvestısııalyq jobalardyń tizbesi Respýblıkalyq bıýdjet komıssııasynyń qaraýyna strategııalyq josparlardyń jobalarymen nemese strategııalyq josparlarǵa ózgerister men tolyqtyrýlardyń jobalarymen, bıýdjettik ótinimdermen, respýblıkalyq bıýdjettik baǵdarlamalar ákimshileriniń bıýdjettik baǵdarlamalarynyń jobalarymen jáne Qazaqstan Respýblıkasy Ulttyq kásipkerler palatasynyń jáne monopolııaǵa qarsy organnyń qorytyndylarymen birge engiziledi.»; 9-tarmaq mynadaı redaksııada jazylsyn: «9. Memlekettiń áleýmettik-ekonomıkalyq turaqtylyǵyn qamtamasyz etýge baǵyttalǵan mindetterdi keıinge qaldyrmaı sheshý qajet bolǵan jaǵdaıda Qazaqstan Respýblıkasynyń Úkimeti Qazaqstan Respýblıkasy Bıýdjet kodeksiniń 41-babyna sáıkes qarjy jyly ishinde Respýblıkalyq bıýdjet komıssııasynyń usynystaryn eskere otyryp, respýblıkalyq bıýdjette bekitilgen respýblıkalyq bıýdjettik baǵdarlamalar sheginde Memlekettik tapsyrmalar tizbesine tolyqtyrýlar engizedi. Memlekettik tapsyrmalardyń tizbesin tolyqtyrý boıynsha usynystardy Qazaqstan Respýblıkasy Ulttyq kásipkerler palatasynyń jáne monopolııaǵa qarsy organnyń qory-tyndylaryn esepke ala otyryp, respýblıkalyq bıýdjettik baǵdarlamalar ákimshileri usynady.». 2. Qazaqstan Respýblıkasy Qarjy mınıstrliginiń Bıýdjet zańnamasy departamenti (Z.A.Ernazarova) zańnamada belgilengen tártipte: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Qarjy mınıstrliginiń ınternet-resýrsynda ornalastyrýdy qamtamasyz etsin. 3. Osy buıryq memlekettik tirkelgen kúninen bastap qoldanysqa engiziledi. Qazaqstan Respýblıkasynyń Qarjy mınıstri B.SULTANOV Buıryq Qazaqstan Respýblıkasynyń Ádilet mınıstrliginde 2015 jylǵy 15 jeltoqsanda Normatıvtik quqyqtyq kesimderdi memlekettik tirkeýdiń tizilimine №12419 bolyp engizildi.