Qazaqstan Respýblıkasy Qarjy mınıstrliginiń buıryǵy  №707

2015 jylǵy 28 jeltoqsan, Astana qalasy Bankter bolyp tabylmaıtyn elektrondyq aqsha júıeleriniń operatorlaryna jatatyn qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptardy bekitý týraly «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýblıkasy Zańynyń 11-baby 3-2-tarmaǵyna sáıkes buıyramyn: 1. Qosa berilip otyrǵan Bankter bolyp tabylmaıtyn elektrondyq aqsha júıeleriniń operatorlaryna jatatyn qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptar bekitilsin. 2. Qazaqstan Respýblıkasy Qarjy mınıstrliginiń Qarjy monıtorıngi komıteti (Tájiıaqov B.Sh.) zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty memlekettik tirkelgennen keıin kúntizbelik on kún ishinde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde Qazaqstan Respýblıkasynyń Normatıvtik quqyqtyq aktileriniń etalondyq baqylaý bankine engizý úshin «Qazaqstan Respýblıkasy Ádilet mınıstrliginiń respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi; 4) osy buıryqty Qazaqstan Respýblıkasynyń Qarjy mınıstrliginiń ınternet-resýrsyna ornalastyrýdy qamtamasyz etsin. 3. Osy buıryq 2016 jylǵy 6 aqpannan bastap qoldanysqa engiziledi jáne resmı jarııalanýǵa jatady. Qazaqstan Respýblıkasynyń Qarjy mınıstri B.SULTANOV Qazaqstan Respýblıkasy Qarjy mınıstriniń 2015 jylǵy 28 jeltoqsandaǵy №707 buıryǵymen bekitilgen Bankter bolyp tabylmaıtyn elektrondyq aqsha júıeleriniń operatorlaryna arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptar 1. Jalpy erejeler 1. Osy Bankter bolyp tabylmaıtyn elektrondyq aqsha júıeleriniń operatorlaryna arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptar (budan ári – Talaptar) «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýblıkasynyń Zańyna (budan ári –Zań) jáne Aqshany jylystatýǵa qarsy kúrestiń qarjylyq sharalaryn ázirleý tobynyń (budan ári – FATF) halyqaralyq standarttaryna sáıkes óńdelgen. 2. Osy Talaptarda Bankter bolyp tabylmaıtyn elektrondy aqsha júıeleri operatorlary qarjy monıtorınginiń sýbektilerine (budan ári – Sýbektiler) jatady. 3. Talaptar maqsatynda mynadaı negizgi uǵymdar paıdalanylady: 1) aqshamen jáne (nemese) ózge múlikpen operasııalardy toqtatyp qoıý – Sýbektilerdiń terrorızm jáne ekstremızmdi ne olardyń paıdasyna qarjylandyrýmen baılanysty uıymdar men tulǵalardyń tizbesine kiretin uıymdardyń nemese jeke tulǵanyń, osyndaı jeke tulǵa benefısıarlyq menshik ıesi bolyp tabylatyn klıenttiń ne onyń paıdasyna aqshamen jáne (nemese) ózge de múlikpen jasalatyn operasııalardy júrgizýden bas tartý jolymen qabyldanatyn sharalar; 2) klıent – Sýbektiden qyzmetterdi alatyn jeke tulǵa; 3) qarjy monıtorıngine jatatyn operasııalar týraly málimetter men aqparattyń nysany – Qazaqstan Respýblıkasy Úkimetiniń 2012 jylǵy 23 qarashadaǵy № 1484 Qaýlysymen bekitilgen Qarjy monıtorıngi sýbektileriniń qarjy monıtorıngine jatatyn operasııalar týraly málimetter men aqparatty berý erejesimen aıqyndalǵan nysan (budan ári – QM - 1 nysany) ; 4) qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderi – Sýbektilerdi qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý prosesterine nemese ózge qylmystyq isterge qasaqana nemese baıqaýsyz tartý múmkindigi; 5) qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderin basqarý – qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderiniń monıtorıngi, aıqyndaý, sondaı-aq olardy tómendetý boıynsha Sýbektiler qabyldaıtyn sharalar jıyntyǵy (qyzmetterge, klıentterge qatysty); 6) ýákiletti organ – Zańǵa sáıkes qarjy monıtorıngin júzege asyratyn jáne qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jónindegi ózge de sharalardy qoldanatyn memlekettik organ. 4. Ishki baqylaý: 1) Sýbektilerdiń qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl (budan ári – AJ/TQQ) týraly Qazaqstan Respýblıkasy zańnamasynyń talaptaryn oryndaýdy qamtamasyz etýi; 2) ishki baqylaý júıesiniń tıimdiligin qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý (budan ári – AJ/TQ) táýekelderin basqarý úshin jetkilikti deńgeıde qoldaýy; 3) AJ/TQQ táýekelderin tómendetýi maqsatynda júzege asyrylady. 5. Sýbektiler Ishki baqylaý qaǵıdalaryn (budan ári – IBQ) uıymdastyrý jáne saqtaý boıynsha jaýapty tulǵa bolyp tabylady. 6. Sýbektiler IBQ-yn ázirleý, qabyldaý jáne (nemese) oryndaý mindettemeleriniń jáne ony júzege asyrý baǵdarlamalarynyń oryndalmaýyna «Ákimshilik quqyq buzýshylyq týraly» 2014 jylǵy 5 shildedegi Qazaqstan Respýblıkasynyń Kodeksine sáıkes ákimshilik jaýapkershilikte bolady. 7. IBQ AJ/TQQ-ǵa baǵyttalǵan jumystyń uıymdyq negizderin retteıtin jáne Sýbektilerdiń AJ/TQQ maqsatynda is-áreket jasaý tártibin belgileıtin qujat bolyp tabylady. 8. Zańnyń 11-baby 3-tarmaǵyna sáıkes IBQ mynadaı: AJ/TQQ maqsatynda ishki baqylaýdy uıymdastyrý baǵdarlamasyn; tehnologııalyq jetistikterdi paıdalaný táýekelin qosa alǵanda, klıentterdiń táýekelderin jáne kórsetiletin qyzmetterdi qylmystyq maqsattarda paıdalaný táýekelderin eskeretin, AJ/TQ táýekelin basqarý baǵdarlamany; klıentterdi sáıkestendirý baǵdarlamany; klıentterdiń kúrdeli, erekshe iri jáne basqa da erekshe operasııalaryn zerdeleýdi qosa alǵanda, klıentterdiń operasııalaryna monıtorıng júrgizý jáne olardy zerdeleý baǵdarlamany; qarjy monıtorıngi sýbektileriniń qyzmetkerlerin AJ/TQQ máseleleri boıynsha daıarlaý jáne oqytý baǵdarlamany; IBQ-na sáıkes qarjy monıtorıngi sýbektileri ázirleýi múmkin ózge de baǵdarlamany qamtıdy. 9. Eger AJ/TQQ týraly zańnamaǵa ózgerister men (nemese) tolyqtyrýlar engizilgen jaǵdaıda, Sýbektiler olar kúshine engen ýaqyttan bastap 30 kúntizbelik kún ishinde IBQ-na tıisti ózgerister men tolyqtyrýlar engizedi. 2. AJ/TQQ maqsatynda ishki baqylaýdy uıymdastyrý baǵdarlamasy 10. AJ/TQQ maqsatynda ishki baqylaýdy uıymdastyrý baǵdarlamasy: 1) AJ/TQQ maqsatynda ishki baqylaýdy júzege asyrý barysynda Sýbektiler qyzmetiniń sıpattamasyn qosa alǵanda ishki baqylaýdy uıymdastyrý tártibinen; 2) aqshamen jáne (nemese) ózge de múlikpen operasııa jasaýdan bas tartý tártibi Zańnyń 5-baby 3-tarmaǵynyń 1), 2), 2-1), 4) jáne 6) tarmaqshalarynda kózdelgen sharalardy qoldaný múmkin bolmaǵan jaǵdaıda, klıentpen iskerlik qatynasqa tyıym salý jáne toqtatý jónindegi sharalardy qabyldaý, Zańnyń 5-baby 3-tarmaǵynyń 6) tarmaqshasynda kózdelgen sharalardy qabyldaý múmkin bolmaǵan jaǵdaıda jeke nemese zańdy tulǵaǵa iskerlik qatynastardy ornatýdan bas tartý tártibi; 3) zerdeleýge jatatyn kúrdeli, erekshe iri jáne basqa da erekshe operasııalardy Sýbektilerdiń kúdikti operasııa retinde taný tártibinen; 4) ýákiletti organǵa málimetterdi, aqparatty jáne qujattardy jiberý úshin qoldanylatyn avtomattandyrylǵan aqparattyq júıeler jáne baǵdarlamalyq qamytý jumysynyń nusqamalary men reglamentterin qosa alǵanda ýákiletti organǵa qarjy monıtorıngine jatatyn operasııalar týraly málimetter men aqparatty, jeke nemese zańdy tulǵamen iskerlik qatynastar ornatýdan bas tartý, klıentpen iskerlik qatynastardy toqtatý, aqshamen jáne (nemese) ózge múlikpen operasııa júrgizýden bas tartý faktilerin berý tártibinen; 5) klıenttiń dereknamasyn jáne onymen hat-habar almasýdy qosqanda, klıentti tıisinshe tekserý nátıjeleri boıynsha alynǵan qujattar men málimetterdi, qarjy monıtorıngine jatatyn aqshamen jáne (nemese) ózge múlikpen operasııalar, sonymen qatar kúdikti operasııalar týraly qujattar men málimetterdi, sondaı-aq barlyq kúrdeli, erekshe iri jáne basqa da erekshe operasııalardy zerdeleý nátıjelerin qujattyq tirkeý jáne saqtaý tártibinen quralady. Eskertý. Qarjy monıtorıngine jatatyn jáne ýákiletti organǵa beriletin operasııalardy qujattyq tirkeý nómirlengen, tigilgen, basshynyń qoly jáne mórimen bekitilgen qarjy monıtorıngine jatatyn operasııalar týraly málimetteriniń esebi jýrnalynda jazylady. Qarjy monıtorıngine jatatyn operasııalar týraly málimetteriniń esebi jýrnalynda: aqparatty ýákiletti organǵa berý nómiri men kúni; hattamany jiberý negizi; ýákiletti organnyń QM-1 nysanyn qabyldaýy/qabyldamaýy týraly habarlama nómiri men kúni. 11. Ishki baqylaýdy uıymdastyrý baǵdarlamasyna sáıkes Sýbektilerdiń fýnksııalary: 1) IBQ-na ózgerister men (nemese) tolyqtyrýlar engizý; 2) Zańǵa sáıkes qarjy monıtorıngine jatatyn operasııalar týraly málimetter men aqparatty ýákiletti organǵa berýdi uıymdastyrý jáne baqylaý; 3) klıent operasııalaryn kúdikti retinde taný týraly sheshimder qabyldaý; 4) klıent operasııalaryn kúrdeli, erekshe iri jáne basqa da erekshe operasııalarǵa jatqyzý týraly sheshimder qabyldaý; 5) klıent operasııalaryn toqtatý ne júrgizýden bas tartý jáne ýákiletti organǵa joldaý qajettiligi týraly sheshimder qabyldaý; 6) klıenttermen iskerlik qatynastar ornatý, jalǵastyrý ne toqtatý týraly sheshimder qabyldaý; 7) klıentke (onyń ókiline) jáne benefısıarlyq menshik ıesine qatysty qabyldanǵan sheshimderdi qujattyq tirkeý; 8) Ishki baqylaý qaǵıdalaryn iske asyrý barysynda alynǵan derekter negizinde klıenttiń dereknamasyn qalyptastyrý; 9) táýekelderdi basqarý jáne Ishki baqylaý júıesin jetildirý jóninde sharalar qabyldaý; 10) klıenttiń dereknamasyn jáne onymen hat-habar almasýdy qosa alǵanda, klıentti tıisinshe tekserý nátıjeleri boıynsha alynǵan qujattar men málimetter, qarjy monıtorıngine jatatyn aqshamen jáne (nemese) ózge múlikpen operasııalar jáne kúdikti operasııalar týraly qujattar men málimetter, sondaı-aq barlyq kúrdeli, erekshe iri jáne basqa da erekshe operasııalardy zerdeleý nátıjeleri klıentpen iskerlik qatynastardy toqtatqan kúnnen bastap keminde bes jyl saqtaýdy qamtamasyz etý; 11) AJ/TQQ týraly zańnamaǵa sáıkes ózge qyzmetter. 12. Sýbektiler júktelgen fýnksııalarǵa sáıkes: 1) óz qyzmetin júzege asyrý barysynda alynǵan aqparatty qupııa saqtaýdy qamtamasyz etedi; 2) AJ/TQQ týraly zańnamany oryndaýyn baqylaýdy júzege asyrý úshin tıisti memlekettik organdarǵa aqparat beredi; 3) Zańnyń 10-babynyń 3-1-tarmaǵyna sáıkes ýákiletti organǵa onyń suratýy boıynsha qajetti aqparatty, málimetter men qujattardy usynady. 13. Sýbekt klıentter men ózge de tulǵalarǵa osy Zańǵa sáıkes osyndaı klıentter týraly jáne olar jasaıtyn operasııalar týraly aqparatty, málimetter men qujattardy ýákiletti organǵa bergeni týraly habarlaýǵa quqyly emes. 3. AJ/TQ táýekelin basqarý baǵdarlamasy 14. AJ/TQ táýekelin basqarý baǵdarlamasy klıenttiń operasııasyn júzege asyratyn tulǵanyń táýekel deńgeıin berý arqyly AJ/TQ baılanysty klıenttiń aqshamen jáne (nemese) ózge múlikpen operasııalaryn júrgizý táýekeline baǵa berýdi kózdeıdi. Eskertý. Táýekel deńgeıleri qolda bar málimetter negizinde qalyptastyrylady. Táýekelderdi baǵalaý qorytyndylary qujattyq tirkeledi jáne tıisti memlekettik organdardyń jáne Sýbekti múshe bolyp tabylatyn qarjy emes uıymdardyń talaptary boıynsha usynylady. Klıentke berilgen táýekelder deńgeıi qajettiligi boıynsha, alaıda jylyna keminde bir ret qaıta qaralýy tıis. 15. AJ/TQ táýekelin basqarý baǵdarlamasynda táýekeldiń joǵary deńgeıi: 1) mynadaı: FATF usynymdaryn oryndamaıtyn jáne (nemese) jetkilikti oryndamaıtyn; jemqorlyq nemese ózge qylmystyq áreketteri joǵary deńgeıdegi; Birikken Ulttar Uıymy (ári – BUU) salatyn sanksııalarǵa, embargo jáne sol sııaqty sharalarǵa ushyraǵan; terrorıstik (ekstremıstik) áreketterdi qarjylandyratyn nemese qoldaý kórsetetin jáne belgilengen terrorıstik (ekstremıstik) uıymdary bar memleketten (aýmaqtan) kelgen klıentterge iskerlik qatynastary men mámilelerine. Eskertý. Osyndaı memleketterge (aýmaqtarǵa) BUU-nyń jáne halyqaralyq uıymdardyń málimetteri boıynsha siltemeler ýákiletti organnyń resmı ınternet-resýrsynda jarııalanady. 2) mynadaı jaǵdaılarda klıentke: klıent sheteldik jarııa laýazymdy tulǵa bolyp tabylǵan; klıent jarııa halyqaralyq uıymnyń laýazymdy tulǵasy bolyp tabylǵan; klıent sheteldik jarııa laýazymdy tulǵanyń múddesine (paıdasyna) áreket etetin tulǵa bolyp tabylǵan; klıent sheteldik jarııa laýazymdy tulǵanyń zaıyby, jaqyn týysy bolyp tabylǵan; klıent (onyń ókili), klıenttiń kontragenti operasııa boıynsha Normatıvtik quqyqtyq aktilerdi memlekettik tirkeý tiziliminde № 6058 tirkelgen «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» Qazaqstan Respýblıkasy Zańynyń maqsattary úshin Offshorlyq aımaqtar tizbesin bekitý týraly» Qazaqstan Respýblıkasy Qarjy mınıstriniń m. a. 2010 jylǵy 10 aqpandaǵy № 52 buıryǵymen (budan ári – Buıryq) bekitilgen offshorlyq aımaqtar tizbesine engen memlekette nemese aýmaqta tirkelgen nemese qyzmetin júzege asyrǵan; klıent Zańnyń 12-babyna sáıkes Terrorızmdi jáne ekstremızmdi qarjylandyrýmen baılanysty uıymdar men tulǵalardyń tizbesine engen; klıent azamattyǵy joq bolyp tabylǵan; klıent Qazaqstan Respýblıkasynda tirkelgen nemese kelgen mekenjaıy bolmaǵan Qazaqstan Respýblıkasynyń azamaty bolyp tabylǵan; klıent rezıdent emes bolyp tabylǵan; klıentpen iskerlik qatynas erekshe (mysaly, Sýbekti men klıenttiń arasynda túsiniksiz geografılıaq araqashyqtyq bar) jaǵdaılarda júzege asyrylǵan; klıenttiń qyzmeti qolma-qol aqsha qarqyndy aınalymymen baılanysty; klıent bergen málimetterdi tekserý kezinde Sýbektilerde qıyndyqtar paıda bolǵan; klıent asyǵys operasııa júrgizýdi talap etken; Sýbektilerdiń paıdalanylýy ádettegi tájirıbesinen aıryqshalanatyn standartty emes nemese esep aıyrysýdyń ádettegiden kúrdeli shemalaryn júrgizýdi talap etken; klıent jańa, sondaı-aq qoda bar ónimderge berýdiń jańa tetikterin, jańa jáne damyp kele jatqan tehnologııalardy qosa alǵanda jańa ónimderdi jáne jańa iskerlik tájirıbeni qoldanǵan; klıent qarjy monıtorıngi rásimderinen jaltarýǵa baǵyttalǵan is-qımyl jasaǵan; klıent operasııalary buryn kúdikti dep tanylǵan; AJ/TQ-dyń joǵary táýekelimen baılanysty klıent týraly ózge aqparat bolǵan jaǵdaıda; 3) operasııalar: qolma-qol esep aıyrysýdy qosa alǵanda jasyryn bank shottarymen nemese jasyryn, oılap tabylǵan esimderdi qoldanýmen baılanysty; aıqyn ekonomıkalyq máni joq nemese anyq qoıylǵan zańdy maqsaty joq; klıentke tán emes jıilikpen júrgizilgen; erekshe iri somaǵa júrgizilgen; AJ/TQ-dyń joǵary táýekeli týraly aqparat bar bolǵan jaǵdaıda beriledi. AJ/TQ táýekeliniń joǵary deńgeıi berilgen klıentterge Zańnyń 5-baby 7-tarmaǵyna sáıkes klıentterdi tıisinshe tekserýdiń kúsheıtilgen sharalary qoldanylady. AJ/TQ táýekeliniń tómen deńgeıi berilgen klıentterge Zańnyń 5-baby 7-tarmaǵyna sáıkes klıentterdi tıisinshe tekserýdiń tómendetilgen sharalary qoldanylady. 4. Klıentterdi sáıkestendirý baǵdarlamasy 16. Klıentterdi sáıkestendirý baǵdarlamasy klıent júzege asyrǵan operasııalardy qarjylandyrý kózi týraly málimetterdi qosa alǵanda klıent (onyń ókili) jáne benefısıarlyq menshik ıesi týraly málimetterdi, anyqtaý, buryn alynǵandy jańartý boıynsha sharalardy Sýbektilerdiń júrgizýi bolyp tabylady jáne: 1) Zańnyń 5-babynyń talaptaryna sáıkes klıentti (onyń ókilin) jáne benefısıarlyq menshik ıesin tıisinshe tekserý jónindegi sharalardy saqtaý; 2) Zańnyń 5-baby 3-tarmaǵynyń 6) tarmaqshasyna sáıkes klıent (onyń ókili) jáne benefısıarlyq menshik ıesi týraly málimetterdiń durystyǵyn tekserý; 3) Zańnyń 12-babyna sáıkes Terrorızmdi jáne ekstremızmdi qarjylandyrýmen baılanysty uıymdar men tulǵalardyń tizbesimen kózdelgendeı klıentke (onyń ókiline) jáne benefısıarlyq menshik ıesine qatysty olardyń terrorızmdi jáne ekstremızmdi qarjylandyrýmen baılanysynyń baryn nemese joǵyn tekserý; 4) Zańnyń 8-babynyń talaptaryna sáıkes klıenttiń sheteldik jarııa laýazymdy tulǵaǵa, onyń otbasy múshelerine jáne jaqyn týystaryna jatatynyn jáne (nemese) qatystylyǵyn tekserý; 5) sáıkesinshe tirkeýi, turatyn jeri jáne ornalasqan jeri bar klıentterdi anyqtaý: FATF usynydaryn oryndamaıtyn jáne (nemese) jetkilikti oryndamaıtyn memlekette (aýmaqta) ne AJ/TQQ týraly Zańnyń 4-baby 4-tarmaǵy 4) tarmaqshasyna sáıkes kórsetilgen memlekette (kórsetilgen aýmaqta) tirkelgen banktegi shottardy paıdalanýshy; Buıryqpen bekitilgen offshorlyq aımaqtarda; 6) boljamdalatyn maqsattar men iskerlik qatynastar sıpatyn belgileý. Eskertý. Táýekel deńgeıi joǵary klıent úshin boljamdalatyn maqsattar men iskerlik qatynastar sıpatyn belgileý kezinde jasalatyn operasııalardyń qyzmet túri men qarjylandyrý kózi týraly qosymsha málimette suratady. Táýekeldiń tómen deńgeıi berilgen klıent úshin boljamdalatyn maqsattar men iskerlik qatynastar sıpatyn belgileý klıent operasııalarynyń negizgi sıpatynda anyqtalady. 7) táýekelderdi basqarý baǵdarlamasyna sáıkes klıentke berilgen táýekel deńgeıine baılanysty klıentti tıisinshe tekserý sharalaryn qoldaný; 8) klıentti sáıkestendirý nátıjeleri boıynsha alynǵan málimetterdi, klıent (onyń ókili) jáne benefısıarlyq menshik ıesi týraly sáıkestendirý málimetteriniń ózgerýine baılanysty, alaıda jylyna keminde bir ret málimetterdi jańartý rásimderin qosady. Eskertý. Táýekeldiń joǵary deńgeıi berilgen klıent málimetterdi jańartý jarty jylda bir retten kem emes. Táýekel deńgeıi tómen klıent málimetter úshin málimetterdi jańartý eki jylda bir retten kem emes. Klıentke iskerlik qatynastardy ornatýdan jáne aqshamen jáne (nemese) ózge múlikpen operasııa jasaýdan bas tartylǵan jaǵdaıda, AJ/TQQ týraly Zańnyń 3-babynyń 3-tarmaǵynyń 1), 2), 2-1), 4) jáne 6) tarmaqshalarynda kózdelgen sharalardy qabyldaý múmkin bolmaǵan jaǵdaıda, Sýbektiler ýákiletti organdarǵa QM-1 nysany boıynsha osyndaı bas tartý faktisi jóninde habarlama jiberedi. Zańnyń 5-baby 3-tarmaǵynyń 6) tarmaqshasynda kózdelgen sharalardy qoldaný múmkin bolmaǵan jaǵdaıda, sondaı-aq klıent jasaıtyn operasııalardy zerdeleý prosesinde klıent iskerlik qatynastardy AJ/TQ maqsatynda paıdalanylanady degen kúdik týyndaǵan jaǵdaıda, Sýbektiler klıentpen iskerlik qatynastardy toqtatýǵa quqyly. Eger iskerlik qatynastar joǵaryda kórsetilgen negizder boıynsha toqtalsa, Sýbektiler ýákiletti organǵa QM-1 nysany boıynsha habarlama joldaıdy. 5. Klıentterdiń kúrdeli, erekshe iri jáne basqa da erekshe operasııalaryn zerdeleýdi qosa alǵanda, klıentterdiń operasııalaryna monıtorıng júrgizý jáne olardy zerdeleý baǵdarlamasy 17. Sýbektiler mynadaı operasııalardy anyqtaýdy qamtıtyn, klıentterdiń kúrdeli, erekshe iri jáne basqa da erekshe operasııalaryn zerdeleýdi qosa alǵanda, klıentterdiń operasııalaryna monıtorıng júrgizý jáne olardy zerdeleý baǵdarlamasyn ázirleıdi: 1) Zańnyń 4-babynyń 1 jáne 2-tarmaqtarynda kórsetilgen; 2) Zańnyń 4-babynyń 3-tarmaǵynda kórsetilgen; 3) Zańnyń 4-babynyń 4-tarmaǵynda kórsetilgen. 18. Sýbekt klıentke AJ/TQ táýekeliniń joǵary deńgeıin bergen jaǵdaıda, josparlanǵan nemese júrgizilgen operasııalardyń sebepterin anyqtaý maqsatynda klıenttiń atalǵan Sýbekte ótkizilgen barlyq operasııalardy qosymsha zerdeleıdi jáne tekserýdi talap etetin operasııalardyń sıpatyn anyqtaıdy. Sýbekt klıentke AJ/TQ táýekeliniń tómen deńgeıin bergen jaǵdaıda klıenttiń aǵymdaǵy operasııasyn zerdeleıdi. 19. Klıentterdiń operasııalaryna monıtorıng júrgizý jáne olardy zerdeleý baǵdarlamasyn iske asyrý aıasynda alynǵan málimetter qujattyq tirkeledi jáne klıenttiń dereknamasyna engiziledi. 20. Zańnyń 4-baby 1, 2 jáne 3-tarmaqtarynda kórsetilgen klıenttiń anyqtalǵan operasııalary týraly málimetter men aqparattar ýákiletti organǵa QM-1 nysany boıynsha usynylady. 21. Sýbektiler mindetti zerdeleýge jatatyn operasııalar týraly habarlamany osyndaı operasııa kúdikti retinde tanylǵan kúnnen keıingi kelesi jumys kúninen keshiktirmeı ýákiletti organǵa usynady. 6. AJ/TQQ máseleleri boıynsha daıarlaý jáne oqytý baǵdarlamasy 22. Qazaqstan Respýblıkasynyń Normatıvtik quqyqtyq aktilerdi memlekettik tirkeý tiziliminde № 10001 tirkelgen «Qarjy monıtorıngi sýbektilerin jumyskerlerdi daıarlaý jáne oqytý boıynsha qoıylatyn talaptardy bekitý týraly» Qazaqstan Respýblıkasy Qarjy mınıstriniń 2014 jylǵy 28 qarashadaǵy № 533 buıryǵymen bekitilgen AJ/TQQ máseleleri boıynsha daıarlaý jáne oqytý baǵdarlamasy jumyskerlerdi daıarlaý jáne oqytý boıynsha qoıylatyn talaptarǵa sáıkes ázirlenedi. Buıryq Qazaqstan Respýblıkasynyń Ádilet mınıstrliginde 2016 jylǵy 2 aqpanda Normatıvtik quqyqtyq kesimderdi memlekettik tirkeýdiń tizilimine №12981 bolyp engizildi.