Jerdi jumaqqa aınaldyrsaq jarasar

Joǵary mártebeli Pre­zıdent Nursultan Nazar­baevtyń sóılegen sózimen tanystardyń barlyǵy onyń bolashaqqa boljam jasaı alatyn erekshe qasıetke ıe jan ekenin sezinetini anyq. Bul jaıt, ásirese, Qazaq­stan basshysynyń ıadrolyq qaýipsizdik jónin­degi keń aýqymdy bastamalaryna baılanysty aıqyn kórinedi. Qazirgi álem tynysh­syz kúıde. Túrli soǵystar men janjaldardan zardap shek­ken myńdaǵan bos­qyn óz elderin tas­tap qashyp, bas saýǵa­laýǵa májbúr. Al Prezıdent Nursul­tan Nazarbaev álem elderin Jer pla­ne­tasyn­da­ǵy qaýip-qater­lerdi aýyzdyqtaý­ǵa jet­­ki­likti deńgeıde kúsh-jiger jumsaýǵa shaqyryp otyr. Máselen, Joǵary már­te­beli Prezıdent jappaı qarýlanýǵa umtylý úderis­terin dúnıeni tas-talqan etetin soǵystyń vırýsymen salystyrdy. Osy oraıda, Nursultan Nazarbaev myna­daı saýal tastaıdy: álemdi osy vırýstan qalaı aman alyp qalýǵa bolady? Bul jerde kezinde Albert Eınsh­teın men Bertran Rassel qoıǵan saýaldar týyn­daıdy: «Biz adam balasyn joıý qajettigi máselesi aldyn­da turmyz ba? Jańa urpaqqa soǵys­tan alystaý qajet pe? Nemese adam­zat soǵystardan óz erkimen bas tartý­ǵa qabiletti me?» Prezı­dent osy suraq­tar­dyń astaryna úńile kelip, adam balasyn jańa soǵys qaterlerinen qutqarý úshin qajetti jańa bastamalar bola alatyn sheshimderdi kóldeneń tartady. Qazaqstan Prezıdenti ólim sebetin qarý-jaraq túrlerin ǵarysh keńistigine, halyqaralyq sýlardyń teńiz túbine, sondaı-aq, Arktıkaǵa ornalastyrýǵa tyıym salatyn jahandyq sheshim qabyldaýdyń mańyzdy ekenin atap kórsetedi. Sonymen qatar, halyqaralyq konvensııalarǵa qol qoıý arqyly ǵylymı jańalyqtar aıasynda jappaı qyryp-joıatyn qarýlardyń jańa túrlerin jasaýǵa tyıym salatyn sáıkes sheshimder qabyldaý kerek ekenine barshanyń nazaryn aýdartady. Men, arab eliniń azamatshasy retin­de, Nursultan Nazarbaevty Taıaý Shyǵystaǵy jáne Azııadaǵy beıbitshilik úshin kúresker jáne atalǵan aımaq­tyń belsendi odaq­tasy dep sanaı­myn. О́ıtkeni, Azııadaǵy ózara is-qımyl jáne senim sharalary jónindegi keńes shaqyrý, Taıaý Shyǵysta jappaı qy­ryp-joıatyn qarý túrlerinen azat aımaq qurý, terrorlyq toptardyń taralýy men ke­ńeıýi­ne tosqaýyl qoıý bastamalary naq Qa­zaq­stan Prezıdenti tarapynan kóterilip otyr. Búgingi dúnıede ıadrolyq qarý men jappaı qarýlaný ákeletin naǵyz qasiretti naq­pa-naq kóz aldyna elestetetinder az desem, qatelespeıtin shyǵarmyn. Qazaq­stan Prezıdenti osy oraıda álemdi beıbit­shilikke, baýyrlastyqqa, ǵylymı jáne zııatkerlik únqatysý negizindegi adamı súıispenshilikke shaqyrady. Sóıtip, bizdiń Jer planetamyzdy, Alla taǵala Muhammed paıǵambarǵa buıyrǵanyndaı, jumaq etýdi armandaıdy. Mýna MAHAMRE, «Parlamentarııler – ıadrolyq taratpaý jáne qarýsyzdaný jolynda» jahandyq jelisiniń úılestirýshisi