«Mektepke jol» – meıirimdilik joralǵysy

Elimizdiń ár túkpirinde ótkizilip otyrǵan «Meıirimdilik kerýeni» sharasy aıasynda Almatynyń kishkene turǵyndaryna qala ákimdigi men Qazaqstan halqy Assambleıasy úlken syı jasady. Dástúrli «Mektepke jol» aksııasyn qoldaý maq­satynda ótkizilgen shara barysynda qalada turatyn kóp balaly otbasylar men jarymjan sábılerdi tárbıelep otyrǵan shańyraqtarǵa, Jas­­óspirimderdi beıim­deý or­talyǵynyń tárbıe­le­ný­­shilerine materıaldyq kómek retinde oqýshylardyń mektep jabdyqtary syıǵa be­­rilip, jetkinshekterge sha­­­ǵyn mereke uıymdas­ty­ryldy. Kóp salaly «Zańǵar» saý­da ortalyǵynyń «Lumiera» kınoteatrynda mýlt­fılm tamashalap, bal­muz­­daq pen sýsynǵa qaryq bol­ǵan jetkinshekterdiń qýa­ny­shynda shek bolmady. Olarǵa syılyq jasap, mere­kelik kóńil kúı syılaǵan Qazaq­stan halqy Assambleıasy hat­shy­lyǵynyń, qala ákimdigi men «Qoǵamdyq ke­lisim» kom­­mýnaldyq-mem­lekettik meke­mesi, As­sam­bleıa janyn­daǵy Analar keńesi men jeke kásipkerlik toptardyń ókil­deri kele jatqan jańa oqý jylymen quttyqtap, bilim saparynda sáttilik tiledi. Qanat ESKENDIR, «Egemen Qazaqstan» ALMATY