Yntymaqtastyqtyń jańa joldary

Tel-Avıvte Qazaqstan Respýblıkasy Qor­ǵa­nys mınıstriniń Iz­raıl­ge resmı sapary sheńberinde eki eldiń qor­ǵa­nys vedomstvolary bas­shylarynyń kezdesýi ótti. Birinshi kezekte Imanǵalı Tasmaǵambetov Avıgdor Lı­ber­mandy qorǵanys vedom­stvosynyń basshysy laýazymyna taǵaıyndalýymen quttyqtap, oǵan memlekettiń áskerı qaýipsizdigin nyǵaıtý isinde sáttilik tiledi. Qazaqstan Qorǵanys mınıs­trligi basshysynyń aıtýynsha, elderimizdiń arasyndaǵy dıplomatııalyq qarym-qaty­nas bastalǵaly shırek ǵasyrǵa taıap qalypty. Osy jyldar ishinde orasan jumys atqaryldy. Qazaqstan men Izraıl arasynda barlyq salada tyǵyz yntymaqtastyq retke keltirildi. «О́zderińiz biletindeı, kez kelgen memlekettiń tıimdi damýynyń negizgi sharty onyń qaýipsizdigi bolyp tabylady. Sizderdiń elderińizben qorǵanys salasyndaǵy qarym-qatynasty damytýǵa múddeli ekenimiz zań­dylyq. Ol úshin bizde áskerı-tehnıkalyq yntymaqtastyq aıasyndaǵy myqty quqyqtyq baza bar», – dedi Imanǵalı Tasmaǵambetov. Dostyq ráýishte ótken kezdesýde Qazaqstan men Izraıl qorǵanys vedomstvolarynyń basshylary ózara múddelilikten turatyn, onyń ishinde, ekijaqty qarym-qatynasqa qatysty máse­lelerdi talqylady. Armııamyz jaýyngerlik daıarlyq boıynsha utqyrlyq pen tıimdilik deńgeıin damytý jolynda ilgerilep keledi. Osyǵan oraı, daǵdarystyq den qoıý operasııalaryna arnalǵan arnaýly maqsattaǵy armııa kúshterin tartý aıasyndaǵy ızraıldik tájirıbeni zerdeleý belgilengen maqsattardy iske asyrý úshin biregeı tuǵyr­namadan turady. Sondaı-aq, qaýipsizdik aıasynda aqparat almasý mańyzdy baǵyttardyń biri bolyp tabylady. Joǵary tehnologııalyq qarý-jaraqty óndirý boıynsha másele qaraldy. Kezdesý barysynda Qazaq­stan­daǵy ızraıldik tehnologııa boıynsha ushqyshsyz ushý apparattaryn (UUA) birlesip shyǵarý jóninde ýaǵdalastyqqa qol jetkizildi. Áskerı jáne azamattyq maqsattarda UUA qol­danýdyń álemdik tájirıbesi kórsetip otyrǵandaı, taktıkalyq UUA qurastyryp shyǵarý jáne tehnıkalyq súıemeldeýdi uıym­dastyrý qajettiligi týyndaıdy. «Atalǵan joba tıisti tehnologııalardy alǵan jáne mamandardy oqytqan jaǵdaıda UUA qurastyryp óndirý jáne servıstik qyzmet kórsetýdi uıym­dastyrý úshin qajetti ón­diris qýaty men kadrlyq áleýe­ti bar Astanadaǵy avıasııalyq-tehnıkalyq ortalyqta iske asyrylatyn bolady», – dedi Qazaq­stannyń Qorǵanys mınıstri kezdesý barysynda. Odan basqa, ızraıldik UUA operatorlaryn daıyndaý or­talyǵynyń bazasynda qazaq­standyq áskerılerdi oqy­typ-úıretý boıynsha kelisim bar. О́z kezeginde, Izraıldiń Qorǵanys mınıstri bul sapar qorǵanys vedomstvolarynyń ózara is-qımylynyń ári qaraı damýyna jaǵymdy yqpal etetinin atap ótti. «Barlyq konfessııalar men ulttar beıbit ómir súrip jatqan el retinde Qazaqstandy joǵary baǵalaımyz. Munyń barlyǵy Qazaqstan Respýblıkasy Prezı­dentiniń sarabdal saıasatynyń arqasynda. Áskerı-tehnıkalyq yntymaqtastyqqa qatystynyń bárin biz qoldaımyz jáne bel­gilengen josparlardy iske asyrý úshin barlyq qoldan keletin nárseni jasaýǵa tyry­samyz. Zamanaýı soǵystyń aldyńǵydan aıyrmashylyǵy ar­mııanyń dál­digi joǵary qarýynsyz sátti bola almaıtynymen baılanysty», – dedi Avıgdor Lıberman. Resmı sapar aıasynda Qazaq­stan Respýblıkasy Qorǵa­nys mınıstriniń basshylyq etýimen qazaqstandyq áskerı delegasııa birqatar álemdik áskerı tehnıka óndirýshi kompanııalarǵa bardy. «Elbit Systems» ártúrli qarý-jaraq túrlerin, avıonıka, radıolokasııa júıelerin daıyndaıdy jáne jańǵyrtady, sondaı-aq, ǵaryshtyq barlaý Jer serikterin ázirlep shyǵarady. Al «Rafael» kompanııasy áýe shabýylynan qorǵanys júıeleriniń zymyran jáne avıasııalyq tehnologııa­laryn, taktıkalyq zymyran qarýyn jasaıdy. Sáýlebek BIRJAN