Budan shırek ǵasyr buryn Gorbachev Bas hatshylyqtan ketti

Budan týra 25 jyl buryn, 1991 jylǵy 24 tamyzda Keńes Odaǵynyń birinshi jáne sońǵy prezıdenti Mıhaıl Gorbachev óziniń Keńes Odaǵy Kommýnıstik partııasy Ortalyq Komıtetiniń (KOKP) bas hatshylyǵy qyzmetinen ketetinin jarııalady. RIA «Novostı» agenttiginiń jazýynsha, buǵan sol kezde elde oryn salǵan saıası jaǵdaılar men ózgerister sebep bolǵan. Mıhaıl Gorbachevtiń ózi arada shırek ǵasyr ótkennen keıin mundaı sheshimge barýdyń óte qıynǵa túskenin, biraq ótken ómir jolyndaǵy oryn alǵan nárselerdiń bárine bildiretin ókpesi joq ekenin aıtty. Birqatar sarapshylar onyń mundaı qadamǵa barýyn tarıhı ahýal belgilep qoıǵanyn, budan basqa jol qalmaǵanyn málimdedi. Kelesi bir saıasattanýshylar sol kezde onyń otstavkaǵa ketýiniń eshqandaı saıası quny qalmaǵanyn, munyń tek tarıhı oqıǵany tirkeýge ǵana jaraıtynyn atap ótedi. Sol 1991 jyldyń jeltoqsan aıynda Gorbachev KSRO prezıdenti degen laýazymnyń da ýákilettigin toqtatýǵa májbúr boldy. Murat AITQOJA