Kóp salaly kórshilik

Qazaqstanmen dostyq yntymaǵy jarasqan, mádenı, rýhanı baılanysy nyǵaıǵan kórshi elderdiń biri – Reseı. Biryńǵaı ekonomıkalyq odaq keńistigi túzilgeli Qyzyljar óńiriniń de shekaralas aımaqtarmen qarym-qatynasynyń jandana túskenin ańǵarý qıyn emes. Jýyrda aımaq basshysy Erik Sultanov basqarǵan arnaıy delegasııa aýyly aralas, qoıy qoralas Qorǵan oblysynda bolyp, ekijaqty memorandýmdarǵa qol qoıdy. Birqatar paıdaly kelisimderge qol jetkizdi. Osynda soltústikqazaq­standyqtardyń aýyl sha­rýa­shylyǵy jármeńkesi uıym­dastyrylyp, qorǵan­dyqtar «Soltústik Qazaq­standa jasalǵan» belgisi bar ónimderge erekshe qyzy­ǵýshylyq tanytty. Saýda oryndaryna Petropavl qalasy men aýdandardan 12 tonnadan astam ónim túrleri qoıylyp, ilezde satylyp ketti. Olardyń arasynda et, sút, jumyrtqa, un, bal, shujyq, makaron, jarma, kondıterlik ónimder úlken suranysqa ıe boldy. Gýbernator Alekseı Kokorınmen kezdesýde Erik Hamzauly Elbasynyń syrtqy áleýmettik-ekonomıkalyq oń úrdisterdi qamtamasyz etýge baǵyttalǵan syndarly saıasatyna ekpin túsirip, óńirde óndirilgen taýarlar men ónimderdi alys-jaqyn naryqqa shyǵarý shekaralas yntymaqtastyqty tereńdetýdi kózdeıtinin, erkin básekelestiktiń basty ólshemi bolyp tabylatyn sapa máselesi únemi nazarda ustalynatynyn, shekaralas aımaqtardaǵy saýda-sattyq aınalymy jyl basynan beri 31 mıllıard teńgeni qurap otyrǵanyn jetkizdi. Gýbernator óz sózinde bir­lesken kásiporyndar qurýǵa daıyn ekendikterin, oǵan eki taraptyń tájirıbesi de, áleýettik múmkindigi de jetetinin atap ótti. «Aralaspasa, aǵaıyn da jat». Osyndaı kezdesý-júzdesýlerdiń paıdaly, ta­ǵylymdy úlgilerin «Kýr­ganstalmost» jabyq aksıo­nerlik qoǵamynyń tynys-tirshiliginen anyq ańǵarýǵa bolady. Eýropa elderine tireýish metall qurylǵylaryn jetkizetin biregeı kásiporyn Qazaqstan naryǵynda da tanymal. Onyń óndiristik sehtarynda 2 myń adam jumys isteıdi. «Baýer» atty enshiles kompanııasy gaz-munaı, qurylys salalaryna qural-jabdyqtar shyǵarýǵa mamandanǵan. Ilızarov atyn­daǵy «Travmatologııalyq qaıta qalpyna keltirý jáne ortopedııa» Reseı ǵylymı ortalyǵy dese, eleń etpeıtin jan kemde-kem shyǵar. «Jaq­synyń jaqsylyǵyn aıt, nury tasysyn» demekshi, ataqty akademıktiń sharapatyn alǵandar Qazaqstanda da jetip artylady. Jyl basynan beri osynda 150 otandasymyz emdelip shyqsa, qazir 13 naýqas shıpa qabyldaýda. Jylyna 10 myńǵa jýyq adam qaralady eken. Bıyl «akademık Ilızarov jyly» retinde jarııalanyp, marqumnyń 95 jyldyǵyn keń kólemde atap ótý belgilengen. Soltústikqazaqstandyq kásipkerler de barlyq kúsh-jiger, alǵy maqsat sapa kór­setkishine baǵdarlanǵanyn ispen dáleldeı bildi. Máse­len, jármeńkege Qyzyl­jar aýdanyna qarasty «Alekrı» JShS-niń jan-jaq­­ty daıyndyqpen kelgeni baıqaldy. Fırmanyń at­qa­­rý­shy dırektory Lıýd­mıla Mýhamedovanyń aıtýynsha, jylyna 120 mıllıo­n jumyrtqa ishki-syrtqy na­ryqqa jóneltiledi. Barlyq qondyrǵylar avtomatty júıege kóshirilgen. Jyl aıaǵyna deıin taýyqtardyń sanyn bir mıllıonǵa deıin jetkizý kózdelgen. «Zenchenko jáne K» komandıttik serik­testigi shekaralas oblys tur­ǵyndaryn 2,5 tonna ekolo­gııalyq taza ári tabıǵı sút ónimderimen aptasyna úsh ret qamtamasyz etip otyr. О́z ónimderin Máskeýge deıin jetkizetin «Vıkos» JShS qorǵandyq «Magnıt», «Metropolıs» sekildi saýda júıelerimen tyǵyz áriptestik ornatqan. Soltústikqazaqstandyq de­­legasııanyń jumys sapary 16 memorandýmǵa qol qoıý rásimimen qorytyndylandy. Sondaı-aq, ónerkásip, aýyl sharýashylyǵy, bilim, ǵylym, týrızm jáne sport, densaýlyq saqtaý salalarynda ózara is-qımyl boıynsha «Jol kartasyna» erekshe basymdyq berildi. Qorǵan oblysynda 15 myńǵa jýyq qandasymyz turatynyn eskersek, shek-aralas aımaqtarda dostyq tamy­rynyń tereń túsinistik dárejede ornyǵýynyń mańy­zy zor. О́mir ESQALI, «Egemen Qazaqstan» Soltústik Qazaqstan oblysy Sýretterdi túsirgen Talǵat TYNYBAEV