Jambyl serbshe jyrlaıdy

 L.N. Gýmılev atyndaǵy Eýrazııa ulttyq ýnıversıtetiniń rektory, UǴA akademıgi Erlan Sydyqovtyń serb tilindegi tuńǵysh «Jambyl. Uly Dala jyrshysy» atty kitaby  tanystyryldy.  Qazaqstan Respýblıkasy­nyń Vengrııadaǵy Elshiliginiń qol­­daýymen ótkizilgen shara­ǵa Serbııa Mádenıet jáne aqpa­rat mınıstrliginiń, Ser­bııa Jazý­shylar odaǵynyń basshy­ly­ǵy men múshe­leri, Belgrad zııa­ly qaýy­my, sondaı-aq, dıplo­ma­tııa­lyq korpýs ókilderi qatysty. Kitapty serb tiline aýdarǵan – Belgrad ýnıversıtetiniń professory, tanymal tárjimashy Olga Markovıch. Kitaptyń alǵysózin Elba­sy Nursultan Ábishuly Nazarbaev­tyń ózi jazǵan. Bul – fashızmge qarsy soǵystaǵy Jeńistiń 70 jyldyǵyna jáne kórnekti aqyn Jambyl Jabaevtyń týǵany­na 170 jyl tolýyna arnalǵan biregeı eńbek. Kitaptyń erekshe qundylyǵy – dańqty aqyn týraly keń málimettiń serb oqyrmanyna alǵash jetýinde jáne Uly Dala tulǵasyn tanytýda. Bul eńbekte murasy álem men Qazaq eliniń rýhanı altyn qoryna qosylǵan birtýar aqyn­nyń ómir joly jańasha baıyptaýlarmen jazylǵan. Basylym 3 bólimnen turady. Shara barysynda serb ta­rapy­nyń ókilderi mundaı aksııa­lar qazaq halqynyń mádenıeti men ónerin, ádet-ǵurpy men salt-dástúrin jete ári tereń túsinýge, keń tanysýǵa múmkindik beretinin aıtty. Jalpy, mundaı shara­lar Qazaqstan men Serbııa arasyn­daǵy yntymaqtastyqtyń mádenı baǵytyn nyǵaıtýǵa septigin tıgizetindigi erekshe atalyp ótti.