Berekeli istiń basynda

О́ńirimizge belgili kásipker ári mesenat Baqtybek Musabaevty bil­meıtin adam kemde-kem. Ol jetek­shilik etetin «Nekrasovka ı K» sharýa qojalyǵy Tarbaǵataı taýynyń qoınaýyna ornalasqan Nekrasovka aýylynda. Sharýashylyq búgingi kúnderi aýdan kóleminde keńinen tanymal desek, artyq aıtqandyq emes. Mal ósirýmen, astyq óndirýmen aınalysatyn bul ujymda 30 adam eńbek etedi. B.Toqashulynyń qaramaǵynda 1100 gektar egistik jer, 500 gektar sha­byndyq, 1500 gektar jaıylym jer bar. Sondaı-aq 400-ge jýyq «Áý­lıekól» jáne «Sımmental» asyl tuqymdy sıyryn baǵady. 500-den astam qazaqtyń asyl tuqym­dy jaby jylqysy da osy qoja­lyq­tyń qaramaǵynda. Shóbi shúıgin, jeri qunarly, tabıǵaty kelisken bul óńirde Baqtybek Musabaev bas­qa­ratyn «Nekrasovka ı K» sharýa qoja­ly­ǵy omarta sharýashylyǵy­men de aı­nalysyp keledi. «Karpatka» dep ata­latyn  aralar­dy ósirip, dárýmenge asa baı bal taǵa­myn óndirýde. Jalpy, Baqtybek Musabaev budan ózge «Úrjar-Qarabuırat» ba­ǵy­tyndaǵy joldy jyl saıyn qys­ta qardan arshyp, jerlesteriniń al­ǵy­syna bólenip kele jatqan azamat. Al bıik taýdyń qoınaýyn ejelden qalyń qar basatyny belgili. Ol bul isti úlken jaýapkershilikpen, adal da tııanaqty atqaryp keledi. Barqytbel aýyldyq okrýgine qaraıtyn Barqytbel, Batpaqty, Bla­godatnoe, Nekrasovka, Qarabuı­rat eldi mekenderiniń turǵyndary qashanda óz jerlesteri Baqtybek Musabaevty azamat retinde, kásipker retinde maqtan tutady. О́ıtkeni, ol qaı ýaqytta da qınalǵan, kómek qolyn qajet etetin jandardyń qasynan tabyla alady. Az qamtylǵan otbasylardyń, muqtaj jandardyń taýqymetteri men máselelerin sheshýge únemi járdemdesip kele jatqan azamat. Ol osy okrýgke qarasty bilim ordalarynda ótetin ártúrli aksııaǵa da belsene qatysady.  Beısenǵazy ULYQBEK Shyǵys Qazaqstan oblysy