Jumyssyzdyqty joıý jolynda

Aqtóbe qalalyq jumyspen qamtý ortalyǵynyń mamandary Elbasy N.Nazarbaevtyń «100 naqty qadam» Ult Jos­paryn, bes ınstıtýttyq refor­many júzege asyrýǵa baǵyt­talǵan tapsyrmalardy oryndaý jáne aqtóbelikterge «Jumys­pen qamtýdyń jol kartasy- 2020» jáne «О́rleý» baǵdar­la­malarynyń tıimdiligin jan-jaqty túsindirý maqsatynda turǵyndarmen kezdesýler uıym­dastyryp keledi. Bul sharany ortalyq mamandary «Qamqor» aksııasy aıasynda ótkizýdi qolǵa alǵan. Ústimizdegi jylǵy 3 maý­symnan bastalǵan aksııa buǵan deıin qalanyń «Shyǵys» bazary men halyqqa qyzmet kórsetý ortalyǵynda ótkizildi. «Qamqor» aksııasy aıasynda ortalyq mamandary qala tur­­­ǵyn­daryna atalǵan mem­le­kettik baǵdarlamalardyń bar­lyq ba­ǵyttaryn túsindirip, aqpa­rattyq jumystar júrgizedi. Bul jolǵy jurtshylyqpen júz­desý «Altaı» bazarynda uıym­dastyryldy. Aqtóbe qalalyq jumyspen qamtý ortalyǵynyń dırektory Gúlshat Qańtarbaevanyń aıtýynsha, halyqqa memlekettik baǵdarlamanyń tıimdiligin osyndaı aksııa túrinde, bos jumys oryndary jármeńkesi, trenıngter men dóńgelek ústel otyrys­taryn uıymdastyrý arqyly túsindirip kelgen. Maqsat jumys­syz, ózin-ózi jumyspen qamtyǵan jáne áleýmettik jaǵynan az qamtylǵan otbasy múshelerin «Jumyspen qamtýdyń jol kartasy-2020» jáne «О́rleý» baǵdarlamalaryna qatystyrý arqyly halyqtyń ál-aýqatyn kóterý ári qala turǵyndaryn mem­leketten kórsetiletin áleý­mettik kómek túrlerimen aqparat­tandyrý bolyp tabylady. Bul joly qaladaǵy 116 mekeme 833 bos jumys ornyn usyn­dy. Jyl basynan beri qala­da 5 bos jumys oryndary jár­meńkesi uıymdastyryldy. Nátı­jesinde 189 adam jumysqa orna­lasqan. «Bos jumys oryndary jármeńkesi» men «Qamqor» ak­sııasyn shatastyrýǵa bolmaıdy. О́ıtkeni jármeńkege jumys be­rýshi mekemeniń ókilderi qatyssa, al aksııa aıasynda orta­lyq mamandary turǵyndarǵa bos jumys oryndaryn aıtyp, tú­sindirý jumystaryn júrgizedi. Osyn­daı jumystardyń nátı­je­sinde, ıaǵnı buǵan deıin uıym­das­­tyrylǵan «Qamqor» aksııasy bo­ıynsha 40 adam jumysqa ornalasqan. Mamandardyń aıtýynsha, qazir qala mektepterine basta­ýysh synyp muǵalimderi men qu­rylysshylarǵa suranys jo­ǵary. Sondaı-aq qalany kórkeıtý, abattandyrý sharalaryna 29 jasqa deıingi jumyssyz júrgen jas­tardy ýaqytsha eńbekke tartý múmkindigi qarastyrylǵan.  Satybaldy SÁÝIRBAI, «Egemen Qazaqstan» Aqtóbe oblysy