Qazaqstan Respýblıkasy Investısııalar jáne damý mınıstrliginiń buıryǵy  №188

2015 jylǵy 24 aqpan, Astana qalasy Azamattyq áýe kemelerin janar-jaǵarmaı materıaldarymen qamtamasyz etý uıymdaryna qoıylatyn talaptardy bekitý týraly «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýb­lı­kasynyń 2010 jylǵy 15 shildedegi Zańynyń 14-baby 1-tarmaǵynyń 41-59) tarmaqshasyna sáıkes buıyramyn: 1. Qosa berilip otyrǵan Azamattyq áýe kemelerin janar-jaǵarmaı materıaldarymen qamtamasyz etý uıymdaryna qoıylatyn talaptar bekitilsin. 2. Qazaqstan Respýblıkasy Investısııalar jáne damý mınıstrliginiń Azamattyq avıasııa komıtetine (B.K. Seıdahmetov): 1) osy buıryqtyń zańnamada bekitilgen tártippen Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kúnniń ishinde onyń kóshirmesi merzimdi baspa basylymdarynda jáne «Ádilet» aqparattyq-quqyqtyq júıesine resmı jarııalaýǵa jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda jarııalanýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýbıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaýdy ózime qaldyramyn. 4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasy Investısııalar jáne damý mınıstriniń mindetin atqarýshy J.QASYMBEK «KELISILDI» Qazaqstan Respýblıkasynyń Ishki ister mınıstri Q.N.QASYMOV ____________ 2015 jylǵy 10 maýsym «KELISILDI» Qazaqstan Respýblıkasynyń Ulttyq ekonomıka mınıstri E.A.DOSAEV __________________ 2015 jylǵy 8 shilde «KELISILDI» Qazaqstan Respýblıkasynyń Energetıka mınıstri V.S.Shkolnık __________________ 2015 jylǵy 23 maýsym Qazaqstan Respýblıkasy Investısııalar jáne damý mınıstri mindetin atqarýshysynyń 2015 jylǵy 24 aqpandaǵy №188 buıryǵymen bekitilgen Azamattyq áýe kemelerin janar-jaǵarmaı materıaldarymen qamtamasyz etý uıymdaryna qoıylatyn talaptar 1. Jalpy erejeler 1. Osy azamattyq áýe kemelerin janar-jaǵarmaı materıaldarymen qamtamasyz etý uıymdaryna qoıylatyn talaptar (budan ári – talaptar) «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasynyń Zańynyń (budan ári – Zań) 14-baby 1-tarmaǵynyń 41-59) tarmaqshasyna sáıkes ázirlengen jáne azamattyq áýe kemelerin janar-jaǵarmaı materıaldarymen qamtamasyz etý uıymdaryna qoıylatyn talaptardy aıqyndaıdy. 2. Janar-jaǵarmaı materıaldarymen qamtamasyz etý uıymy (budan ári - JJMQU) óz qyzmetin derbes zańdy tulǵa retinde nemese azamattyq avıasııa uıymynyń quramynda júzege asyrady. 3. JJMQU mynadaı jumystardy: 1) áýejaıdyń qoımalaryna janar-jaǵarmaı materıaldaryn jáne arnaıy suıyqtyqtardy (budan ári - JJM) qabyldaýdy; 2) JJM-di saqtaýdy; 3) JJM-di quıýǵa daıyndaýdy jáne berýdi; 4) JJM-di azamattyq áýe kemelerine quıýdy júzege asyrady. JJMQU kórsetilgen jumystardyń barlyq keshenin de, olardyń bir bóligin de júzege asyrady. JJMQU kórsetilgen jumystardyń bir bóligin júzege asyrǵan jaǵdaıda, JJMQU azamattyq áýe kemelerin janar-jaǵarmaı materıaldarymen qamtamasyz etý jónindegi sertıfıkaty (budan ári - sertıfıkat) bar uıymdardy tartady. JJMQU kórsetilgen jumystardyń bir bóligin júzege asyrǵan jaǵdaıda, onda JJMQU osy talaptarǵa sáıkes keletin uıymdardy tartady. 4. JJMQÚ-nyń qyzmeti: 1) JJM-di berý prosesinde onyń sapa kórsetkishteriniń ózgergenin anyqtaý jáne qoldanýǵa daıyndaý maqsatynda, sondaı-aq áýe kemelerine quıýǵa JJM-niń jaramdylyǵyn baǵalaý maqsatynda azamattyq áýe kemelerin janar-jaǵarmaı materıaldarymen qamtamasyz etýdiń tıisti kezeńderinde JJM-niń sapasyna baqylaý júrgizilýin uıymdastyrýdy; 2) azamattyq áýe kemelerin janar-jaǵarmaı materıaldarymen qamtamasyz etý kezinde eńbekti qorǵaý jáne órt qaýipsizdigi normalarynyń oryndalýyn qamtamasyz etýdi; 3) áýejaı qyzmetterimen, paıdalanýshylarmen, avıasııalyq tehnıkaǵa tehnıkalyq qyzmet kórsetý jáne jóndeý uıymdarymen, sondaı-aq basqa da uıymdarmen ózara is-qımyldy júzege asyrýdy qamtıdy. 5. Sapanyń zerthanalyq baqylaýyn júzege asyrý úshin JJMQU óz qurylymynda JJM zerthanasyn qurady nemese osy talaptarǵa sáıkes keletin zerthanalardy tartady. 6. Eger JJM berýge arnalǵan sharttar paıdalanýshymen (avaıkompanııamen) derbes jasalǵan bolsa, JJMQU mamandary beriletin JJM-niń standarttar men tehnıkalyq sharttardyń talaptaryna sáıkes keletinin, Zańnyń 14-baby 1-tarmaǵynyń 41-45) tarmaqshasyna sáıkes azamattyq avıasııa salasyndaǵy ýákiletti organymen bekitiletin Qazaqstan Respýblıkasynyń azamattyq avıasııa uıymdarynda avıasııalyq janar-jaǵarmaı materıaldary men arnaıy suıyqtyqtardy saqtaý, quıýǵa daıyndaý jáne olardyń sapasyna baqylaý júrgizý qaǵıdalarymen qoldanýǵa jiberilgenin jáne áýe kemeleriniń tıisti úlgilerin ushýǵa paıdalaný jáne tehnıkalyq qyzmet kórsetý jónindegi basshylyqtyń tıisti bólimderine engizilgenin kýálandyrady. 7. Azamattyq áýe kemelerin janar-jaǵarmaı materıaldarymen qamtamasyz etý úshin áýeaılaq aýmaǵynda nemese onyń mańyndaǵy aýmaqtarda: 1) kólik quraldarynan avıaJJM-di tógýge jáne ydystardaǵy ónimderdi qabyldaýǵa arnalǵan obektilerdi; 2) quıylǵan avıaJJM-di saqtaýǵa arnalǵan rezervýarlyq parkin; 3) qoımalyq úı-jaılardy; 4) tógý-quıý operasııalaryn júrgizýge arnalǵan sorǵy stansııasyn; 5) avıaJJM-di súzý jáne sý bólý pýnktterin; 6) quıý quraldaryna quıý pýnktterin; 7) qubyrjol kommýnıkasııasyn; 8) avtomattandyrylǵan nemese ońaılatylǵan ortalyqtandyrylǵan quıý júıelerin; 9) quıý quraldaryn; 10) avıaJJM zerthanalaryn; 11) órt sóndirý obektilerin; 12) munaı aýlaǵyshtar men basqa da kómekshi tehnologııalyq obektiler men pýnktterdi qamtıtyn otyn quıý kesheni ornalastyrylady. 2. Azamattyq áýe kemelerin janar-jaǵarmaı materıaldarymen qamtamasyz etý uıymdardyń uıymdyq qurylymyna qoıylatyn talaptar 8. JJMQU qurylymy mynadaı negizgi mindetterdiń sheshilýin: 1) azamattyq áýe kemelerin JJM-men qamtamasyz etýdi; 2) osy talaptarda belgilengen talaptar deńgeıinde JJMQU-nyń qyzmetin qoldaýdy; 3) qurylystarǵa, tehnologııalyq jabdyqtarǵa jáne tehnıkalyq quraldarǵa tehnıkalyq qyzmet kórsetýdi; 4) jabdyqtarmen, qosalqy bólshektermen, shyǵys materıaldarymen jınaqtaýdy qamtamasyz etedi. 9. JJMQU-nyń uıymdyq qurylymy mynadaı basqarý deńgeılerinen turady: 1) basshylyq jasaý; 2) óndiristik bólimshelerge basshylyq jasaý; 3) óndiristik ýchaskelerge, aýysymdarǵa, brıgadalarǵa, toptarǵa basshylyq jasaý. Jumys kólemi shaǵyn JJMQU-da basqarýdyń keıbir deńgeıleri biriktirilýi múmkin. 10. JJMQU-nyń basshy personaly: 1) azamattyq áýe kemelerin janar-jaǵarmaı materıaldarymen qamtamasyz etýdi uıymdastyrýdy; 2) JJM sapasyn baqylaýdy uıymdastyrý men júrgizýdi qamtamasyz etedi. 11. JJSQU qurylymdyq bólimsheleriniń barlyǵy úshin erejelerdi JJMQU ázirleıdi jáne bekitedi. Kórsetilgen erejelerde jıyntyǵynda tutastaı alǵanda JJMQU iske asyratyn fýnksııalardyń tolyq keshenin qamtıtyn árbir bólimsheniń jáne onyń basshysynyń fýnksııalary kórsetiledi. 12. Búkil basshyǵa jáne ınjenerlik-tehnıkalyq personalǵa JJMQU-nyń birinshi basshysy laýazymdyq nusqaýlyqtardy ázirleıdi jáne bekitedi. 3. Janar-jaǵarmaı materıaldarymen qamtamasyz etý uıymnyń aqparattyq jáne qujattamalyq bazasyna qoıylatyn talaptar 13. JJMQU-nyń óz quzyrynda: 1) Zań; 2) JJMQU qyzmetin retteıtin aktilerdi; 3) óz qyzmetinde paıdalanatyn JJM-niń standarttary men tehnıkalyq sharttaryn; 4) jalpy jáne ókimdik sıpattaǵy qujattardy, laýazymdyq jáne tehnologııalyq nusqaýlyqtardy (kartalar), tehnıkalyq qyzmet kórsetý reglamentin; 5) jumys tehnologııasyn; 6) janar-jaǵarmaı materıaldarynyń sapasyn qamtamasyz etý jónindegi basshylyqty qamtıtyn qujattama jıyntyǵynyń bolýyn qamtamasyz etedi. 14. JJMQU azamattyq áýe kemelerin JJM-men qamtamasyz etý úshin jabdyqtardyń barlyq túrlerine qujattamanyń mazmuny men júrgizilýin qamtamasyz etedi. 15.JJMQU: 1) azamattyq áýe kemelerin JJM-men qamtamasyz etý jónindegi júrgiziletin jumystardy; 2) kelip túsetin, saqtalatyn jáne quıýǵa beriletin JJM-niń, mólsheri men sapasyn; 3) tehnologııalyq jabdyqtyń naqty danalarynyń jumys isteýin jáne tehnıkalyq jaı-kúıin, jabdyqqa arnalǵan qondyrǵylardy jáne odan jınaqtaýshy jáne basqa da buıymdardyń alyp tastalýyn, júrgizilgen jóndeýlerdi, kezeńdik tehnıkalyq qyzmet kórsetý men bir rettik tekserip qaraýdy esepke alýdy júzege asyrady. Esepke alý nysandary Zańnyń 14-baby 1-tarmaǵynyń 41-45) tarmaqshasyna sáıkes azamattyq avıasııa salasyndaǵy ýákiletti organymen bekitiletin Qazaqstan Respýblıkasynyń azamattyq avıasııa uıymdarynda avıasııalyq janar-jaǵarmaı materıaldary men arnaıy suıyqtyqtardy saqtaý, quıýǵa daıyndaý jáne olardyń sapasyna baqylaý júrgizý qaǵıdalarymen belgilengen jýrnaldarda júzege asyrylady. 16. JJMQU azamattyq áýe kemelerin JJM-men qamtamasyz etý prosesin retteıtin jumys tehnologııasyn (budan ári - jumys tehnologııasy) ázirleıdi jáne ony JJMQU basshysy bekitedi. 17. Jumys tehnologııasy ózine mynadaı bólimderdi: 1) jalpy erejelerdi; 2) tehnologııalyq prosesterdiń oryndalýyn uıymdastyrýdy qamtıdy. 18. Tehnologııalyq prosesterdiń oryndalýyn uıymdastyrý bólimi: 1) JJM-di qabyldaý tártibin; 2) JJM-di saqtaý tártibin; 3) JJM-di aıdaý tártibin; 4) JJM-di daıyndaý jáne olardy quıýǵa berý tártibin; 5) azamattyq áýe kemesine JJM-di quıý tártibin; 6) sapany baqylaýdy uıymdastyrý tártibin; 7) personalǵa qoıylatyn talaptardy qamtıdy. 19. Sapany baqylaýdy uıymdastyrý mynadaı jumystardy: 1) JJM-niń synamasyn irikteýdi; 2) sapany zerthanalyq baqylaýdy; 3) sapany áýeaılaqta baqylaýdy; 4) jabdyqqa tehnıkalyq qyzmet kórsetýdi uıymdastyrýdy; 5) avarııalyq jáne shtattan tys jaǵdaıda jumysty uıymdastyrýdy qamtıdy. 20. Jumys tehnologııasy mynadaı erekshelikter: 1) JJMQU oryndaıtyn jumystardyń kólemi; 2) paıdalanýshylar qoldanatyn JJM-niń mólsheri men túrleri; 3) JJMQU olarǵa quıý úshin óz qyzmetin júzege asyratyn áýe kemeleriniń sany men túrleri; 4) JJMQU paıdalanatyn tehnologııalyq jabdyq pen tehnıkalyq quraldarynyń sany, quramy men jaı-kúıin eskerile otyryp ázirlenedi. 21. Jumys tehnologııasynyń árbir bóliminde kózdelgen mindetterge sáıkes JJMQU azamattyq áýe kemelerin JJM-men qamtamasyz etý prosesin naqtylaıtyn tehnologııalyq nusqaýlyqtardy (kartalardy) (budan ári - tehnologııalyq nusqaýlyqtar (kartalar) ázirleıdi jáne bekitedi. Tehnologııalyq nusqaýlyqtarda (kartalarda) oryndalatyn jumystardyń kólemi men dáıektiligi, personaldyń biliktiligi men sany, qaýipsiz jumys ádistemeleri, tehnologııalyq jabdyqtyń, tehnıkalyq quraldar men aspaptardyń tizbesi, sondaı-aq qajet bolǵan kezde JJM-niń saqtalý dárejesi men qoldanýǵa daıyndyq deńgeıin aıqyndaıtyn aralyq normatıvter aıqyndalady. 22. JJMQU paıdalanatyn tehnologııalyq jabdyq pen tehnıkalyq quraldarǵa tehnıkalyq qyzmet kórsetý reglamentin (budan ári - reglament) JJMQU ázirleıdi jáne bekitedi. Reglament jabdyqtyń naqty úlgisin paıdalaný jónindegi daıyndaýshylardyń pasporttary men nusqaýlyqtary negizinde ázirlenedi. 23. JJMQU janar-jaǵarmaı materıaldarynyń sapasyn qamtamasyz etý jónindegi basshylyqta kórinis tabatyn sapa júıesin engizedi. Janar-jaǵarmaı materıaldarynyń sapasyn qamtamasyz etý jónindegi basshylyqty JJMQU-nyń birinshi basshysy bekitedi. 4. Janar-jaǵarmaı materıaldarymen qamtamasyz etý uıymnyń tehnıkalyq jaraqtalýyna qoıylatyn talaptar 24. Oryndalatyn jumystarǵa qaraı JJMQU-da jaramdy tehnologııalyq jabdyq, JJM-di qabyldaýdy, saqtaýdy, aıdaýdy, tazartýdy, onyń sapasyn baqylaýdy jáne quıýǵa daıyndaý men berýdi, áýe kemeleriniń júıelerine quıý men odan tógýdi qamtamasyz etetin quraldar men obektiler, sondaı-aq ǵımarattar, qurylystar, úı-jaılar men ınjenerlik júıeler kesheni bolady. Kórsetilgen obektiler qyzmetin júzege asyrý kezeńinde JJMQU-nyń turaqty paıdalanýynda bolady. 25. JJMQU rezervýarlarynyń sany men kólemi keminde kúntizbelik on kún merzimge azamattyq áýe kemelerine maı quıýdy jáne JJMQU-nyń kúndelikti muqtajdyqtaryn qamtamasyz etedi. 26. Jańa jáne jańǵyrtylǵan tehnologııalyq jabdyq, JJMQU paıdalanýǵa beretin quraldar men obektilerge sáıkestik sertıfıkaty bolýy qajet. 27. JJMQU tehnologııalyq jabdyqqa, quraldar men obektilerge qyzmet kórsetýdiń kezeńdi nysandaryn, sondaı-aq JJM-di árbir qabyldaý, quraldaryn toltyrý aldynda, árbir aýysymnyń basynda JJMQU-nyń jumys tehnologııasynda belgilengen parametrler boıynsha olarǵa qyzmet kórsetýdi júzege asyrady. 28. Tehnologııalyq jabdyqqa, quraldar men obektilerge tehnıkalyq qyzmet kórsetý nátıjeleri tıisti jýrnaldarda, aktilerde, syıymdylyqtardy tazartý kestelerinde tirkeledi. 5. Azamattyq áýe kemelerin qamtamasyz etý kezinde paıdalanylatyn janar-jaǵarmaı materıaldaryna qoıylatyn talaptar 29. JJMQU azamattyq áýe kemelerin qamtamasyz etý kezinde mynadaı talaptarǵa saı keletin: 1) árbir úlgidegi azamattyq áýe kemesin qoldanýǵa ruqsat etilgen jáne ushýǵa paıdalaný jónindegi qujattaryna engizilgen; 2) daıyndaýshynyń (berýshiniń) sapa pasporttary (sertıfıkattary) bar; 3) sáıkestik sertıfıkattary bar (Qazaqstan Respýblıkasynyń zańnamasyna sáıkes sertıfıkattaýǵa jatatyn JJM úshin) JJM-di paıdalanady. 30. Árbir úlgidegi azamattyq áýe kemesin qoldanýǵa ruqsat etilmegen jáne ushýǵa paıdalaný jónindegi qujattaryna engizilmegen JJM-di paıdalaný áýe kemelerin jasaýshylarmen jáne konstrýktorlarymen kelisim boıynsha júzege asyrylady. 6. Janar-jaǵarmaı materıaldaryn qabyldaýǵa, saqtaýǵa, quıýǵa daıyndaý men berýge, janar-jaǵarmaı materıaldaryn quıýǵa qoıylatyn talaptar 31. JJM kelip túskenge deıin JJMQU qabyldaýǵa arnalǵan qubyrjoldar men rezervýarlarda JJM-di qabyldaýdy, sapasyn jáne qaldyqtarynyń tazalyǵyn baǵalaýdy qamtamasyz etetin tehnologııalyq jabdyqtyń, quraldar men obektilerdiń jaı-kúıi men jaramdylyǵyn baǵalaý jónindegi is-sharalar keshenin, sondaı-aq kelip túsetin JJM-niń qoımanyń rezervýarlaryndaǵy kondısııalanbaıtyn JJM-men aralasý múmkindigin boldyrmaý jónindegi is-sharalardy júzege asyrady. 32. Kubyrjol arqyly kelip túsken JJM-niń aralasýyn boldyrmaý úshin temirjol nemese avtomobıl, sısternalarynda JJMQU JJM-niń árbir túrin tógý úshin jeke qubyrlar, qubyrjol kommýnıkasııalaryn, sorǵylar, rezervýarlar bólýdi qamtamasyz etedi. Zaýyttyq oramada kelip túsetin JJM úshin JJM-niń ár túri (markalary) úshin bólek saqtaý oryndary bólinedi. 33. JJMQU qoımaǵa JJM-di qabyldaý kezinde quıýǵa daıyndaý jáne berý prosesinde paıdalanýshymen shartta (kelisimde) kelisilmegen JJM túriniń (markasynyń) túsý múmkindigin boldyrmaýǵa baǵyttalǵan operasııalardy júrgizedi. Kórsetilgen operasııalar ilespe qujattamaǵa (sapa pasporty men sáıkestik sertıfıkatyna) baǵalaý júrgizý, synamalar alý jáne taldaý júrgizý jolymen túr-túri, sany jáne sapasy boıynsha JJM legin sáıkestendirýdi qamtıdy. 34. JJM-niń kelip túsken leginiń sapasyn jáne ony quıýǵa berýge daıyndaý prosesine tartý múmkindigin rastaý JJM-niń legi JJM qoımasynyń rezervýarlaryna qabyldanǵannan keıin, sondaı-aq JJM-niń basqa legin árbir toltyrǵannan keıin qabyldaý maqsatyndaǵy baqylaý júrgizý jolymen júrgiziledi. 35. Kelip túsken JJM jasalǵan sharttarǵa (kelisimsharttarǵa) sáıkes paıdalanýshylardyń qajettilikterin úzdiksiz qamtamasyz etý úshin qajetti merzim ishinde jáne kólemde rezervýarlar men ydys qoıatyn qoımalarda saqtalady. JJM-di saqtaý kezinde jeńil fraksııalardyń býlanýy, lastanýy nemese JJM-niń basqa túrlerimen (markalarymen) aralasýy, zaýyt ydysynyń germetıkalyǵynyń buzylýy esebinen olardyń sapasynyń ózgerý múmkindigi bolmaıdy. 36. JJM-di saqtaý kezinde: 1) jeke qubyrjol kommýnıkasııasymen aınaldyra oraı otyryp, JJM-niń árbir túrine rezervýarlardyń jekelegen toptaryn bólý; 2) kondısııalanbaǵan JJM bar rezervýarlardy qubyrjoldardyń jalpy júıesinen bólip alý; 3) tehnologııalyq jabdyqtarǵa, quraldar men obektilerge tehnıkalyq qyzmet kórsetýdi turaqty júrgizý; 4) JJM-niń túrlerin (markalaryn) gertetıkalyq ydysta jáne onyń jaı-kúıin turaqty qaraı otyryp, bólek saqtaý; 5) kepildikti saqtaý merziminiń saqtalýy; 6) rezervýarlardan bos sýlar men lastardy joıý; 7) JJM-niń tazalyq deńgeıin baqylaýdy júzege asyrý qamtamasyz etiledi. Saqtaý kezinde JJM sapasynyń saqtalýy qoımada baqylaý kóleminde onyń sapasyn turaqty baqylaýmen rastalady. Qoımada baqylaýdyń qanaǵattanarlyq nátıjeleri kezinde JJM saqtaýǵa nemese qoımaǵa berilýge jatady. 37. JJM-di quıýǵa berýge daıyndaý mynalardy: 1) tundyrýdy, mehanıkalyq qospalardan jáne sýdan tazartýdy; 2) qajet bolǵan kezde JJM-ge sýǵa qarsy krıstaldandyrý suıyqtyǵyn qosýdy; 3) qoımaaralyq jáne qoımishilik aıdaýdy; 4) sapany áýeaılaqta baqylaýdy qamtıdy. 38. Daıyndaýshynyń zaqymdanbaǵan oramasyndaǵy JJM quıýǵa daıyndaý jónindegi arnaıy aldyn ala operasııalardy qajet etpeıdi. Saqtaý merzimi aıaqtalǵanǵa deıin, standarttarda nemese tehnıkalyq sharttarda belgilengen saqtaý sharttary oryndalǵan kezde germetıkalyǵyn saqtaǵan ydystaǵy JJM azamattyq áýe kemelerin quıýǵa beriledi. 39. JJM rezervýarlarǵa túskennen keıin Saqtaý Zańnyń 14-baby 1-tarmaǵynyń 41-45) tarmaqshasyna sáıkes azamattyq avıasııa salasyndaǵy ýákiletti organymen bekitiletin Qazaqstan Respýblıkasynyń azamattyq avıasııa uıymdarynda avıasııalyq janar-jaǵarmaı materıaldary men arnaıy suıyqtyqtardy saqtaý, quıýǵa daıyndaý jáne olardyń sapasyna baqylaý júrgizý qaǵıdalaryna sáıkes belgilenetin merzim ishinde, onyń tundyrylýy qamtamasyz etiledi. Tundyrýdyń talap etiletin ýaqyty bitkenge jáne tazalyq deńgeıin tekserýdiń qanaǵattanarlyq nátıjeleri alynǵanǵa deıin JJM rezervýardan berilýge jatpaıdy. JJM-di quıýǵa berý prosesinde JJMQU JJM-niń sapasyn áýeaılaqta baqylaýdy júzege asyrady. 40. Áýe kemelerine JJM-di quıý quıý quramynan júzege asyrylady. Áýe kemelerine JJM zerthanasy nemese azamattyq áýe kemelerine quıylatyn JJM-niń sapasyn baqylaýdy júzege asyratyn uıym bergen sapa pasporty bar JJM-di quıý baqylaý talondary bar quıý quraldarynan júrgiziledi 7. Janar-jaǵarmaı materıaldary zerthanasyna qoıylatyn talaptar 41. JJM-niń zerthanasy jumystardyń mynadaı túrlerin oryndaıdy: 1) JJM-di berý jáne qoldanýǵa daıyndaý prosesinde sapa kórsetkishteri mánderiniń ózgergenin anyqtaý maqsatynda, sondaı-aq JJM-niń áýe kemelerine quıýǵa jaramdylyǵyn baǵalaý maqsatynda JJM-niń, sýǵa qarsy krıstaldanatyn, gıdravlıkalyq, muz qatýǵa qarsy suıyqtyqtardyń sapasyna baqylaý júrgizý; 2) odan ári paıdalaný múmkindigin baǵalaý maqsatynda avıasııalyq júıelerde jumys istegen JJM-niń sapasyna taldaý júrgizý; 3) azamattyq áýe kemelerimen bolǵan avıasııalyq oqıǵalardy jáne ınsıdentterdi tekserýge baılanysty iriktep alynǵan JJM-niń sapasyna taldaý júrgizý. JJM zerthanasy kórsetilgen jumystardyń barlyq keshenin de jáne onyń bir bóligin de oryndaıdy. JJM zerthanasy kórsetilgen jumystardyń bir bóligin júzege asyrǵan jaǵdaıda, JJMQU osy talaptarǵa sáıkes keletin zerthanasy bar uıymdardy tartady. 42. JJM zerthanasyn JJM sapasyna baqylaý men taldaý júrgizý jónindegi jumystardyń oryndalýyn qamtamasyz etetin jáne JJMQU basshysyna baǵynatyn basshy basqarady. 43. JJM zerthanasy JJM zerthanasynda JJM-niń sapasyna baqylaý men taldaýdy júzege asyrý kezinde eńbekti qorǵaý jáne órt qaýipsizdigi talaptary men normalarynyń oryndalýyn qamtamasyz etedi. 44. JJMQU mynalardy ázirleıdi jáne bekitedi: 1) JJM zerthanasy týraly ereje; 2) JJM sapasyn qamtamasyz etý jónindegi basshylyq; 3) synamalardy iriktep alý tehnologııasy; 4) JJM zerthanasynyń basshysy men qyzmetkerleriniń laýazymdyq nusqaýlyqtary; 5) synamalardy iriktep alý men taldaý nátıjelerin tirkeýge arnalǵan baqylaý qujattamasy. 45. JJM zerthanasynda mynadaı qujattar eskeriledi jáne saqtalady: 1) JJM daıyndaýshylar (jetkizýshiler) sapasynyń pasporttary sertıfıkattary); 2) JJM daıyndaýshylarynyń (berýshileriniń) sáıkestik sertıfıkattary; 3) JJM zerthanasy beretin sapa pasporty; 4) JJM zerthanasy beretin sapa kórsetkishterin taldaý; 5) synamalardy irikteý aktileri; 6) JJM sapasyna tekserýdi esepke alý jýrnaldary. 46. JJM sapasyna baqylaý men taldaý júrgizý nátıjeleri JJM zerthanasy beretin sapa pasporttarynda jáne sapa kórsetkishteriniń taldaýlarynda jáne JJM-niń sapasyn tekserýdi esepke alý jýrnaldarynda kórsetiledi. 47. JJM zerthanasy jeke turǵan ǵımaratta nemese JJMQU-nyń óndiristik ǵımaratymen qorshalǵan ǵımaratta ornalastyrylady. 48. JJM zerthanasy: 1) quıylý-sorylý jeldetkishimen, ishki sý qubyry júıelerimen jáne kárizben, elektr energııasymen jáne baılanys quraldarymen; 2) hımııalyq taldaýlardy oryndaý jáne synaqtardyń durys nátıjelerin alý úshin qajetti shyǵys materıaldarymen jáne zattarmen; 3) synaq ádisterine arnalǵan standarttar men tehnıkalyq sharttardyń talaptaryna saı keletin jáne talap etiletin metrologııalyq sıpattamalardy qamtamasyz etetin málimdelgen qyzmet salasynda jumystardy júrgizý úshin ólsheý quraldarymen jáne synaq jabdyqtarymen jaraqtandyrylady. JJM-niń sapasyn baqylaý men taldaýdy akkredıttelgen organ synaq jabdyqtarymen júrgizedi. 49. JJM zerthanasynyń shtat sany ushýdyń aýysymdylyǵyn, qoldanystaǵy kestesin jáne jumystardyń kólemin eskere otyryp, jumystardyń qajetti kólemin oryndaýdy qamtamasyz etedi. 50. JJM zerthanasy JJM-niń sapasyn baqylaýdyń mynadaı túrlerin júzege asyrady: 1) keletin kólik quraldaryn, JJM-niń mólsherin jáne ilespe qujattamany tekserý jolymen JJM legin qoı­ma­ǵa qabyldaý kezinde júzege asyrylatyn kiris baqylaýy. JJM úshin tazalyq deńgeıin tekserý júzege asyrylady; 2) kondısııalanbaǵan JJM-di quıýǵa berýge daıyndaý prosesine tartý múmkindigin boldyrmaý maqsatynda rezervýarlardaǵy JJM-niń markasy men sapasyn tekserý úshin JJM úshin júrgiziletin qabyldaý maqsatyndaǵy baqylaý. Qabyldaý maqsatyndaǵy baqylaý JJM-di rezervýarlarǵa qabyldaý jáne rezervýarǵa JJM-niń basqa legin árbir quıý aıaqtalǵannan keıin júrgiziledi; 3) saqtalatyn JJM sapasy parametrleriniń ózgerý deńgeıin aıqyndaý jáne JJM-di odan ári saqtaý nemese qoldaný múmkindigin rastaý úshin júrgiziletin qoımalyq baqylaý; 4) JJM-di áýe kemelerine berý men quıýǵa daıyndaý kezinde júrgiziletin áýeaılaqtaǵy baqylaý. Áýeaılaqtaǵy baqylaý kezinde JJM tazalyǵynyń talap etiletin deńgeıin jáne JJM zerthanasy bergen sapa pasportyn baǵalaý jolymen quıýǵa beriletin JJM markasynyń sapasy rastalady. Áýeaılaqtaǵy baqylaýdyń qanaǵattanarlyq nátıjesi kezinde quıý quralyna baqylaý talony resimdeledi. 51. Quıýǵa JJM berý júzege asyrylatyn árbir rezervýarǵa kiris jáne qabyldaý maqsatyndaǵy baqylaýdyń oń nátıjeleri kezinde JJM zerthanasy JJM-niń belgilengen talaptarǵa sáıkes keletinin jáne azamattyq áýe kemelerine quıýǵa berýge jaramdylyǵyn kýálandyratyn sapa pasportyn resimdeıdi. 52. Sapa pasportyn resimdeý úshin: 1) JJM-di avıasııalyq tehnıkada qoldanýǵa ruqsat berý; 2) ilespe qujattamanyń (synamalardy alý aktileri, daıyndaýshy zaýyttyń sapa pasporttary, sáıkestik sertıfıkattary) bolýy; 3) JJM-niń synamalaryn synaýdyń oń nátıjeleri; 4) synamalardy iriktep alý jáne taldaý júrgizý barysynda JJM-ge tán emes qospalardyń jáne tán emes sıpatynyń bolmaýy negiz bolyp tabylady. Sapa pasportyna taldaýdy oryndaıtyn zerthanashy tehnık qol qoıady, JJM zerthanasynyń basshysy bekitedi jáne ol JJMQU mórimen bekitiledi. 8. Janar-jaǵarmaı materıaldarymen qamtamasyz etetin qyzmetkerlerge qoıylatyn talaptar 53. JJMQU JJMQU oryndaıtyn jumystardyń kólemin eskere otyryp, azamattyq áýe kemeleriniń naqty túrleriniń ushý qaýipsizdigin qamtamasyz etýge baılanysty jumystarǵa attestattalǵan jáne jiberilgen bilikti qyzmetkerlerden turady. 54. JJMQU ushý qaýipsizdigin qamtamasyz etýge tikeleı baılanysty mynadaı qyzmetkerlerdi attestattaýdy qamtamasyz etedi: 1) azamattyq áýe kemelerine JJM-di quıýǵa qabyldaýdy, saqtaýdy, daıyndaýdy uıymdastyrýǵa jaýapty adamdar (JJMQU basshysynyń orynbasary, jetekshi ınjener nemese kórsetilgen laýazymdy atqaratyn adam); 2) maı quıý brıgadasynyń jumysyn uıymdastyrýǵa jaýapty adamdar (maı quıý brıgadasynyń basshysy, aýysymnyń basshysy nemese kórsetilgen laýazymdy atqaratyn adam); 3) avıotyndy súzetin tehnologııalyq jabdyqty paıdalaný, sýǵa qarsy krıstaldandyrý suıyqtyǵyn mólsherleý jáne quıý quraldaryna JJM-di berýge jaýapty adamdar; 4) JJM zerthanasynyń mamandary. Buıryq Qazaqstan Respýblıkasynyń Ádilet mınıstrliginde 2015 jylǵy 11 tamyzdaǵy Normatıvtik quqyqtyq kesimderdi memlekettik tirkeýdiń tizilimine №11856 bolyp engizildi.