Qazaqstan Respýblıkasy Bas prokýratýrasynyń buıryǵy  №55

2016 jylǵy 31 naýryz, Astana qalasy Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda oqý prosesin, oqý-ádistemelik jáne ǵylymı-ádistemelik qyzmetti uıymdastyrý jáne júzege asyrý qaǵıdalaryn bekitý týraly «Bilim týraly» 2007 jylǵy 27 shildedegi Qazaqstan Respýblıkasynyń Zańy 5-1-babynyń 4) tarmaqshasyna sáıkes buıyramyn: 1. Qosa berilip otyrǵan Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda (budan ári – Akademııa) oqý prosesin, oqý-ádistemelik jáne ǵylymı-ádistemelik qyzmetti uıymdastyrý jáne júzege asyrý qaǵıdalary bekitilsin. 2. Akademııanyń Rektory U.S.Baıjanov: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy; 3) osy buıryqty Qazaqstan Respýblıkasy Ádilet mınıstrliginde alǵan kuninen bastap bes jumys kún ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine ornalastyrý úshin «Qazaqstan Respýblıkasy Ádilet mınıstrliginiń respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 4) osy buıryqty Qazaqstan Respýblıkasy Bas prokýratýrasynyń ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Bas Prokýrorynyń birinshi orynbasary I.D.Merkelge júktelsin. 4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Bas Prokýrory A.DAÝYLBAEV Qazaqstan Respýblıkasy Bas Prokýrorynyń 2016 jylǵy 31 naýryzdaǵy №55 buıryǵymen bekitilgen Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda oqý prosesin, oqý-ádistemelik jáne ǵylymı-ádistemelik qyzmetti uıymdastyrý jáne júzege asyrýdyń qaǵıdalary 1. Jalpy erejeler 1. Osy Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda oqý prosesin, oqý-ádistemelik jáne ǵylymı-ádistemelik qyzmetti uıymdastyrý jáne júzege asyrýdyń qaǵıdalary (budan ári – Qaǵıdalar) Qazaqstan Respýblıkasynyń 2007 jylǵy 27 shildedegi «Bilim týraly» Zańynyń 5-1-baby 4) tarmaqshasyna sáıkes ázirlengen. 2. Qaǵıdalar Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda (budan ári – Akademııa) oqý prosesin, oqý-ádistemelik jáne ǵylymı-ádistemelik qyzmetin uıymdastyrý men júzege asyrýdyń tártibin retteıdi. 3. Qaǵıdalarda mynadaı uǵymdar paıdalanylady: 1) akademııalyq kúntizbe – demalys kúnderin (kanıkýldar men merekelerdi) kórsetimen oqý jyly ishindegi oqý jáne baqylaý is-sharalaryn, kásiptik praktıkany ótkizýdiń kúntizbesi; 2) bilim alýshynyń ózindik jumysy (budan ári - BО́J) – óz betinshe oqýǵa berilgen, oqý-ádistemelik ádebıettermen jáne usynymdarmen qamtamasyz etilgen, test, baqylaý jumystary, referattar men esep berýler túrinde baqy­lanatyn taqyryptardyń naqty tizbesi boıynsha jasalatyn jumys, bilim alýshynyń sanatyna qaraı ol magıstrant­tyń ózindik jumystary (budan ári – MО́J) jáne doktoranttyń ózindik jumystary (budan ári – DО́J) bolyp bólinedi; 3) ǵylymı-ádistemelik jumys – pedagogtardyń kásiptik quzyretin arttyrý jáne bilim berý prosesiniń ınnova­sııalyq problemalaryn sheshý arqyly bilim sapasyn qamtamasyz etýge yqpal etetin bilim berý uıymdary basshy­larynyń, pedagogtardyń jáne qurylymdyq bólimshelerdiń birlesken qyzmetiniń kóp deńgeıli, kóp fýnksııaly júıesi; 4) ǵylymı-zertteý jáne redaksııalyq-baspa keńesi (budan ári – ǴZRBK) – Akademııada ǵylymı-zertteý jáne redaksııalyq-baspa qyzmeti sapa, yqpal etý jáne damytýdyń qamtamasyz etýiline baqylaýdy júzige asyrý maqsatynda qurylǵyn kollegııalyq basqarý organy; 5) jeke oqý jospary (budan ári – JOJ) – bilim alýshymen árbir oqý jylyna derbes jasalatyn oqý jospary; 6) oqý-ádistemelik jumys – bilim berý prosesin oqytýshylyq, tárbıelik jáne damytýshylyq maqsattarǵa jetkizý úshin psıhologııalyq-pedagogıkalyq, dıdaktıkalyq-ádistemelik jáne oqý-materıaldyq obektilermen qamtamasyz etý boıynsha bilim berý uıymynyń qyzmeti; 7) Oqý-ádistemelik keńesi (budan ári – OÁK) – oqý prosesin oqý-ádistemelik qamtamasyz etý maqsatynda qurylǵan basqarmanyń alqaly organy; 8) oqytýshynyń basshylyǵymen júrgiziletin bilim alýshynyń ózindik jumysy (budan ári – OBО́J) – bekitilgen keste boıynsha oqytýshynyń basshylyǵymen júrgiziletin, oqý sabaqtarynyń jalpy kestesine kirmeıtin bilim alýshynyń aýdıtorııadan tys jumysy jáne ol oqytýshynyń basshylyǵymen júrgiziletin magıstranttyń ózindik jumysy (budan ári – OMО́J) men oqytýshynyń basshylyǵymen júrgiziletin doktoranttardyń ózindik jumysy (budan ári – ODО́J) bolyp bólinedi. 2. Oqý prosesin uıymdastyrýdyń tártibi 4. Akademııa joǵary oqý ornynan keıingi bilim berý baǵdarlamalaryn iske asyrady. 5. Akademııada oqý prosesin uıymdastyrý úshin kelesi oqý-ádistemelik qujattar júrgiziledi: 1) oqý tobynyń bilim alýshylarynyń sabaqtaryn, úlgerimin jáne qatysýyn esepke alý jýrnaly; 2) professorlyq-oqytýshylyq quramnyń (budan ári - POQ) jeke jumys jospary; 3) oqytýshynyń oqý júktemesin tirkeý jýrnaly; 4) oqý tobyna emtıhandyq-reıtıngtik vedomosi; 5) jeke emtıhan-reıtıngtik paraǵy; 6) bilim alýshylardyń synaq kitapshasy; 7) bilim alýshynyń jeke jospary; 8) bilim alýshynyń JOJ; 9) transkrıpt; 10) kásiptik praktıka men taǵylymdama nátıjeleri boıynsha qorǵaý hattamalary; 11) bilim alýshylardyń barlyq oqý kezeńiniń oqý josparyn oryndaý nátıjeleri týraly jınaq vedomosi; 12) Memlekettik attestattaý komıssııasy (budan ári – MAK) Tóraǵasynyń esebi. 6. Akademııada oqý jyly tıisti jyldyń 1-qyrkúıeginen bastalady. 7. Bilim alýshylardy oqý sabaqtarynan bosatý Akademııa Rektorynyń nemese birinshi prorektordyń jazbasha ruqsatymen ǵana júzege asyrylady. 8. Bir oqý jylynyń sheńberindegi oqý prosesin uıymdastyrý Ǵylymı keńestiń sheshimi boıynsha Akademııa Rektorymen bekitiletin akademııalyq kúntizbe negizinde iske asyrylady. 9. Oqý sabaqtarynyń kestesinde sabaqty júrgizetin adamnyń kórsetilýimen árbir kýrstyń, onyń jekelengen aǵyndary men oqý toptarynda sabaqtardyń ótetin ýaqyty, orny men túri týraly tolyq aqparat qamtylady. Oqý sabaqtarynyń kestesi oqý jospary men baǵdarlamalaryna sáıkes keledi, negizgi pedagogıkalyq talaptarǵa jaýap beredi jáne pándi zerdeleýdiń ázirlenetin qurylymdyq-logıkalyq syzbalaryn eskere otyryp daıyndalady. 10. Bilim berý baǵdarlamalary Jumys oqý baǵdarlamasy (budan ári - JOB), Pánderdiń oqý-ádistemelik kesheni (budan ári – POÁK) negizinde júzege asyrylady. 11. POÁK-ty Akademııanyń Joǵary oqý ornynan keıingi bilim berý ınstıtýtynyń (budan ári – JOOKBI) kafedralary JOB negizinde ázirleıdi jáne kafedra otyrystarynda bekitedi. POÁK ázirleý, ózgerister men tolyqtyrýlar engizýdiń tártibin Akademııa derbes anyqtaıdy. POÁK ázirleý jańadan engizilgen pánder úshin kózdeledi. О́zgerister men tolyqtyrýlar qoldanystaǵy POÁK-ge engiziledi. 12. Mindetti komponent pánderi boıynsha JOB-y JOOKBI-diń POQ-pen Úlgilik oqý baǵdarlama-ǵa (budan ári - ÚOB) sáıkes ázirlenedi, Oqý-ádistemelik keńesiniń (budan ári – OÁK) otyrysynda qaralady jáne Akademııanyń birinshi prorektorymen bekitedi. 13. POÁK oqý jylynyń basyna deıin qaǵazdaǵy jáne elektrondy nusqasynda ázirlenedi. 14. POÁK qurylymyna kiredi: 1) basty paraq: pánniń pasporty, bekitilgen kúni men orny; 2) pánniń ÚOB (mindetti komponent pánderi úshin); 3) pánderdiń JOB-y OÁK-de qarastyrylady jáne onyń Tóraǵasymen bekitiledi. JOB-na: basty paraq; pánniń sıpattamasy (maqsaty, pándi oqýdyń tapsyrmalary, bilim alýshylardyń bilim, bilik, daǵdy jáne quzyretine qoıylatyn talaptar); pándi oqýdyń taqyryptyq jospary (dáris, semınar (praktıkalyq) sabaqtar – keste túrinde); pánniń mazmuny (dáris, semınar (praktıkalyq) sabaqtarynyń suraqtary, MО́J, DО́J-ge arnalǵan tapsyrmalar, olardyń kólemi saǵatpen); ádebıetter tizimi: negizgi jáne qosymsha kiredi. 4) pán baǵdarlamasy (Sýllabus), onda: basty paraq; oqytýshy týraly málimet; pánniń prerekvızıti jáne postrekvızıti; pánniń sıpattamasy (pándi oqýdyń maqsaty, tapsyrmalary, bilim alýshylardyń bilimi, biligi, daǵdysy men quzyretine qoıylatyn talaptar); pándi oqýdyń taqyryptyq jospary (dáris, semınar (praktıkalyq) sabaqtar – keste túrinde); pánniń mazmuny (dáris, semınar (praktıkalyq) sabaqtardyń suraqtary, MО́J, DО́J tapsyrmalary, olardyń kólemi saǵatpen); oqytýshy talaptary, saıasaty jáne rásimderi; bilim alýshylardyń bilimin baǵalaýdyń ólshemi; ádebıetter tizimi kiredi. 5) dáris kesheni (dáris tezısteri, usynylatyn ádebıetter tizimi); 6) bilim alýshylardyń ózindik jumystary úshin materıaldar; 7) bilim alýshylardyń oqý jetistikterin baqylaý jáne baǵalaý boıynsha materıaldar (jazbasha baqylaý tapsyrmalary, test tapsyrmalary, ózindik daıyndyq úshin suraqtar tizbesi jáne t.b.); 8) oqý sabaqtarynyń baǵdarlamalyq jáne mýltımedııalyq qamtamasyz etilýi (pánniń mazmunyna baılanysty); 9) arnaýly jabdyqtalǵan aýdıtorııalar, kabınetter tizbesi enedi. 15. POÁK-tiń qaǵazdaǵy nusqasy JOOKBI-diń tıisti kafedralarynda saqtalady. 16. POÁK-tiń elektrondy nusqasyn tıisti pán oqytýshylarymen oqý prosesin avtomattandyrýmen qamtamasyz etetin aqparattyq júıege engizedi. 17. JOB-ǵa ózgerister men tolyqtyrýlar kafedra meńgerýshisiniń usynysymen qajet bolǵan jaǵdaıda OÁK otyrysynda talqylanǵannan keıin engiziledi. 3. Oqý prosesin júzege asyrý tártibi 18. Akademııada oqý prosesi oqytýdyń kredıttik tehnologııasy boıynsha júzege asyrylady. 19. Oqytýdyń kredıttik tehnologııasy bilim alýshy men oqytýshynyń oqý jumysy kóleminiń birizdendirilgen ólshem birligi retinde kredıtti qoldaný arqyly bilim alýshynyń pánderdi tańdaýy men satylyqpen oqýyn óz betinshe josparlaýy negizinde júzege asyrylady. 20. Oqytýdyń kredıttik tehnologııasy kezinde oqý jumysynyń eńbek syıymdylyǵyn esepteý kredıtpen ólshenetin oqytylatyn materıaldyń kólemi boıynsha iske asyrylady. 21. Bilim berý baǵdarlamalarynyń mazmuny Qazaqstan Respýblıkasynyń 2007 jylǵy 27 shildedegi «Bilim týraly» Zańyna sáıkes bekitilgen Memlekettik jalpyǵa mindetti bilim berýdiń standartymen (budan ári – MJMBS) anyqtalady jáne oqý josparlary men baǵdarlamalary arqyly iske asyrylady. 22. Oqý josparlary úsh nysanda ázirlenedi: 1) úlgilik oqý jospary (budan ári – ÚOJ); 2) oqý jumys jospary (budan ári – OJJ); 3) JOJ. 23. Oqý josparlarynyń barlyq nysandarynda oqý josparynyń árbir oqý pánine áriptik jáne sandyq belgilerdegi tıisti kodty berýdi qarastyratyn pánderin kodtaýdyń biryńǵaı júıesi paıdalanylady. 24. OJJ-da mindetti komponenet pen tańdaý boıynsha komponenttiń árbir oqý pániniń tizimi men kredıt túrinde eńbek syıymdylyǵy, olardy oqytýdyń tártibi, oqý sabaqtarynyń túrleri men baqylaý nysandary anyqtalady. 25. OJJ-y oqý jylyna ázirlenedi jáne Ǵylymı keńestiń sheshimi negizinde Akademııa Rektorymen bekitiledi. OJJ oqytýshynyń oqý jumysynyń eńbek syıymdylyǵyn esepteý úshin negiz bolyp tabylady. 26. OJJ-nyń jáne JOJ-nyń nysanyn, qurylymyn jáne ázirleý tártibin Akademııa derbes aıqyndaıdy. 27. JOJ árbir bilim alýshynyń jeke bilim traektorııasyn bólek aıqyndaıdy. Bilim alýshy óziniń JOJ-yn jasaýda: 1) osy Qaǵıdalarmen tanysady; 2) oqý pánderine tirkeýdiń jáne JOJ ózgerister enizýdiń belgilengen merzimin saqtaıdy; 3) tıisti deńgeıdiń oqý baǵdarlamasyn meńgerý úshin keminde oqý jylyna belgilengen kredıtter sanyna jazylady. 28. Bilim alýshynyń pándi oqýǵa jazylýyn Akademııanyń oqý prosesin uıymdastyrý boıynsha bólimshesi júzege asyrady. Uıymdastyrýshylyq-ádistemelik jáne keńes jumystaryn júrgizý úshin edvaızerler tartylady. 29. JOJ-ny úsh danada JOOKBI dırektory bekitedi: biri – bilim alýshynyń jeke isinde saqtalady jáne ol bilim alýshynyń kásiptik oqý baǵdarlamalaryn oryndaýyna jáne meńgerýine baqylaýdy júzege asyrý úshin negiz bolady, ekinshisi – aralyq attestattaýdy uıymdastyrý úshin Akademııanyń oqý prosesin uıymdastyrý jónindegi bólimshesine, úshinshisi – bilim alýshyǵa tapsyrylady. 30. ÚOJ-dy tolyqtyrý úshin oqytýdyń maqsaty, qysqasha mazmuny (negizgi taraýlary) jáne kútiletin nátıjelerin (bilim alýshylardyń alǵan bilimderi, biligi, daǵdylary jáne biliktilikteri) nusqaýmen qysqasha sıpattamasyn qamtıtyn tańdaý boıynsha komponenttiń barlyq pánderiniń júıelendirilgen annotasııalyq tizimin kórsetetin elektıvti pánderdiń katalogy (budan ári - EPK) ázirlenedi. EPK-ta árbir oqý pánderiniń prerekvızıtteri men postrekvızıtteri kórsetiledi. EPK bilim alýshylarǵa elektıvti oqý pánderdi balamaly tańdaý múmkindigin qamtamasyz etedi. 31. Oqý jyly akademııalyq kezeńderden, aralyq attestattaý kezeńderinen, demalystardan, kásiptik praktıka men taǵylymdamadan turady. Bitirýshi kýrsta oqý jylyna qorytyndy attestattaý kezeńi kiredi. Akademııada akademııalyq kezeń semestrde 15 apta uzaqtyqqa ıe bolady. Aralyq attestattaý kezeńi keminde 1 apta uzaqtyqqa ıe bolady. Kanıkýldyq demalystar bilim alýshylarǵa árbir akademııalyq kezeńnen keıin beriledi, onda bitirýshi kýrstan basqa oqý jylyndaǵy kanıkýldyq demalys keminde 6 aptany quraıdy. 32. Uzaqtyǵy keminde 2 aptany quraıtyn akademııalyq qaryzdy nemese oqý josparlaryndaǵy aıyrmashylyqty joıý úshin (bitirýshi kýrsty esepke almaǵanda) jazǵy semestr engizýge jol beriledi. Jazǵy semestr kanıkýldyq demalys esebinen nemese akademııalyq kúntizbe boıynsha bólek josparlanady. 33. Akademııanyń POQ pedagogıkalyq júktemesin josparlaý akademııalyq saǵat nemese kredıt kóleminde júzege asyrylady. Bul rette aýdıtorııalyq sabaqtardaǵy pedagogıkalyq júkteme oqytýshynyń bilim alýshymen baılanysy ýaqyty boıynsha esepteledi. Árbir bilim alýshymen jeke jumys túrlerine jumsalatyn ýaqyt shyǵyny (MО́J/DО́J tapsyrmalaryn qabyldaý, emtıhan qabyldaý, onyń ishinde MAK quramynda, magıstrlik/doktorlyq dıssertasııalarǵa jetekshilik etý) Akademııanyń derbes bekitken ýaqyt normasy negizinde esepteledi. Akademııalyq saǵaty 100 mınýtqa teń zerthanalyq sabaqtardy qospaǵanda, akademııalyq jumystyń bir akademııalyq saǵaty 50 mınýtqa teń, Bilim alýshylardyń kásiptik praktıkasynyń barlyq túrleriniń, ǵylymı-zertteý jumystarynyń, qorytyndy memlekettik attestattaýdyń bir akademııalyq saǵaty 50 mınýtqa teń. 34. Bilim alýshylardy qorytyndy attestattaýdy jáne magıstranttar men doktoranttardyń aptadaǵy ǵylymı-zertteý (zertteý-tájirıbe) jumysyn josparlaý bilim alýshylardyń 54 saǵatqa (6 kúndik jumys aptasynda BО́J-di qosqanda kúnine 9 saǵat) teń apta ishindegi normatıvtik jumys ýaqytyna baılanysty anyqtaldy. 35. Oqý sabaqtary basym túrde belsendi shyǵarmashylyq nysandarda júrgiziledi (keıs-stadı, iskerlik oıyndar, trenıngter, dıspýttar, dóńgelek ústelder, semınarlar). 36. Bilim alýshylardyń oqytýdyń kredıttik tehnologııasy kezinde ózindik jumysy OBО́J jáne BО́J-ge bólinedi. 37. Bilim alýshylardyń ózindik jumysynyń jalpy kólemindegi OBО́J (MOО́J/DOО́J) úlesin Akademııa derbes anyqtaıdy. 38. Bilim alýshylardyń barlyq oqý tapsyrmalary boıynsha oqý jetistikteri osy Qaǵıdalardyń 1-qosymshasyna sáıkes tórt baldyq júıe boıynsha sandyq ekvıvalentke sáıkes bilim alýshylardyń oqýdaǵy jetistikterin baǵalaýdyń áriptik júıesi boıynsha baǵalanady. 39. Oqytýdyń barlyq kezeńinde meńgerilgen pánder transkrıpte kredıtter men baǵalardyń áriptik jáne sandyq ekvıvalentte kórsetilýimen osy Qaǵıdalardyń 2 qosymshasyna sáıkes nysanda jazylady. Transkrıpt oqytýdyń kez kelgen ýaqytynda bilim alýshynyń jazbasha ótinishi boıynsha beriledi. 4. Oqý-ádistemelik jáne ǵylymı-ádistemelik qyzmetin uıymdastyrý jáne júzege asyrý 40. Oqý-ádistemelik jáne ǵylymı-ádistemelik qyzmeti ǵylym men bilimdi ıntegrasııalaý, oqý jáne tárbıe prosesin qamtamasyz etý jáne jetildirý, oqytýdyń jańa tehnologııalaryn ázirleý men engizý jáne professorlyq-oqytýshylyq quramynyń biliktiligin arttyrý maqsatynda MJMBS-ke sáıkes júzege asyrylady. 41. Oqý-ádistemelik jáne ǵylymı-ádistemelik qyzmettiń mindetteri bolyp tabylady: 1) bilim berý baǵdarlamalaryn iske asyrýdy ǵylymı-ádistemelik qamtamasyz etý; 2) bilim berý úderisine jańa tehnologııalardy, ádisterdi, quraldar men nysandardy daıyndaý, engizý jáne qoldanystaǵylardy jetildirý; 3) pedagogtyń shyǵarmashylyq oılaýyn damytý, pedagogıkalyq qyzmetkerlerdiń biliktiligin jáne kásibı sheberligin arttyrýdy qamtamasyz etý, pedagogıkalyq ujymnyń ǵylymı-ádistemelik áleýetin jetildirý bolyp tabylady. 42. Akademııanyń oqý-ádistemelik jáne ǵylymı-ádistemelik qyzmeti mynadaı baǵyttardy qamtıdy: 1) aldyńǵy qatarly pedagogıkalyq tájirıbe men bilim berýdi aqparattandyrýdy qorytý jáne taratý jónindegi is-sharalardy ótkizý; 2) bilim alýshylardyń ózindik jumysyn ádistemelik qamtamasyz etýdi ázirleý; 3) bilim berý prosesin oqý ádebıetterimen jáne ǵylymı-ádistemelik ázirlemelermen qamsyzdandyrý monıtorıngin júzege asyrý; 4) oqytýdyń jańa tehnologııalary boıynsha, onyń ishinde kredıttik tehnologııa boıynsha oqý-ádistemelik jáne ǵylymı-ádistemelik qujattar ázirleý jáne engizý; 5) mándes mamandyqtar boıynsha bilim berý baǵdarlamalaryn biryńǵaılandyrý jóninde usynystardy engizý; 6) joǵary jáne joǵary oqý ornynan keıingi bilimdi, MJMBS jetildirý jóninde usynystar engizý; 7) oqý prosesine zamanaýı oqý-ádistemelik jáne ǵylymı-ádistemelik, dıdaktıkalyq materıaldardy jáne oqytýdyń avtomattandyrylǵan júıelerin baǵdarlamalyq qamtamasyz etýdi, aqparattyq qamtamasyz etý júıelerin, aqparattyq-kitaphanalyq júıelerin engizý; 8) JOB ázirleý, ÚOB jobalaryn daıyndaýǵa qatysý; 9) MJMBS talaptaryn eskere otyryp, OJJ men JOB-ty saraptaý; 10) oqýlyqtar, oqý-ádistemelik jáne ǵylymı-ádistemelik keshender, oqý-ádistemelik, onyń ishinde elektrondyq tasymaldaǵyshtaǵy quraldardy jáne dıdaktıkalyq materıaldardy ázirleý; 11) oqytýdyń sapasyn, bilim alýshylardyń oqý jetistikteriniń deńgeıin taldaý; 12) magıstranttar men doktoranttardyń ǵylymı-zertteý jumysynyń mazmuny men nysandaryn uıymdastyrý, úılestirý, taldaý; 13) oqý-ádistemelik jáne ǵylymı-ádistemelik jumysty jetildirý boıynsha taqyryptyq ǵylymı, ǵylymı-ádistemelik semınarlardy, konferensııalardy, keńesterdi uıymdastyrý jáne ótkizý; 14) ǵylymı jobalardy, ǵylymı-ádistemelik ázirlemelerdi ázirleý jáne konkýrstarǵa qatysý, olardyń nátıjelerin oqý prosesine engizý; 15) mamandyqtar boıynsha magıstranttardy, fılosofııa doktorlaryn (PhD) daıarlaýdy uıymdastyrý jáne iske asyrý. 43. Akademııanyń oqý-ádistemelik jáne ǵylymı-ádistemelik qyzmeti oqý prosesin, joǵary oqý ornynan keıingi bilim berýdiń oqý baǵdarlamalaryn iske asyratyn, úılestiretin Akademııanyń barlyq qurylymdyq bólimshelerinde júzege asyrylady. 44. Qurylymdyq bólimsheler kelesi oqý-ádistemelik jáne ǵylymı-ádistemelik qyzmetti júzege asyrady: 1) qaramaǵyndaǵy bólimshelerdiń oqý-ádistemelik jáne ǵylymı-ádistemelik qyzmetina basshylyq jasaý; 2) oqý-tárbıe prosesiniń, ádistemelik jumystyń jaı-kúıin taldaý jáne olardy jetildirý jóninde usynymdamany pysyqtaý; 3) oqý-ádistemelik jáne ǵylymı-ádistemelik ónimderdiń jarııalanýyna jáne taralýyna taldaý jáne usynymdama jasaý. 45. Ujymdyq ádistemelik jumystyń nysany pándik komıssııalar, pedagogıkalyq sheberlik mektebi, ádistemelik májilister, semınarlar jáne konferensııalar bolyp tabylady. 46. Oqý-ádistemelik qujattama Akademııanyń tıisti qurylymdyq bólimshelerinde ázirlenedi, kafedrada, kafedra, OÁK nemese ǴZJRBK otyrystarynda talqylanyp, oń sheshimge ıe bolǵan soń Akademııanyń birinshi prorektorymen bekitiledi. Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda Bilim berý tehnologııalaryn qoldana otyryp oqý prosesin uıymdastyrýdyń qaǵıdalaryna 1-qosymsha Tórt baldyq júıe boıynsha sandyq ekvıvalentke sáıkes bilim alýshylardyń oqýdaǵy jetistikterin baǵalaýdyń áriptik júıesi Áriptik júıe boıynsha baǵalaý Baldardyń sandyq ekvıvalenti Paıyzdyq mazmuny Dástúrli júıe boıynsha baǵalaý A 4,0 95-100 О́te jaqsy A- 3,67 90-94 V+ 3,33 85-89 Jaqsy V 3,0 80-84 V- 2,67 75-79 S+ 2,33 70-74 Qanaǵattanarlyq S 2,0 65-69 S- 1,67 60-64 D+ 1,33 55-59 D 1,0 50-54 F 0 0-49 Qanaǵattanarlyqsyz Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda Bilim berý tehnologııalaryn qoldana otyryp oqý prosesin uıymdastyrýdyń qaǵıdalaryna 2-qosymsha Nysan _____________________________________________________________________________________________ (joǵary oký ornynyń ataýy/ the name of High Educational _____________________________________________________________________________________________ Estabishment/naımenovanıe vysshego ýchebnogo zavedenııa) _____________________________________________________________________________________________ Transkrıpt /The transcript/ Transkrıpt Serııa № Aty-jóni/Name/F.I.O.( prı ego nalıchıı)______________________________________________________________ Fakýlteti/Faculty/Fakýltet ______________________________________________________________________________________________ Mamandyǵy/Specialty/Spesıalnost ______________________________________________________________ Túsken jyly/Year/God postýplenııa _______________________________________________________________ Oqýtili/Language/Iаzyk __________________________________________________________________________ № p/p Pánder ataýy/ Courses/ Naımenovanıe dıssıplın Kredıt sany/ Credit hours/ kolıchestvo kredıtov Baǵa/ Grade/Osenka Paıyzben/ In persent/ v prosentah Áriptik/ Alphabeti/ Býkvennaıa Balmen/ In points/ v ballah Dástúrli júıemen/ Traditional/ tradısıonnaıa 1 2 3 4 5 6 7 Kásiptik praktıkany ótti/Has passed professional practice/Proshel professıonalnye praktıkı Kásiptik tájirıbeden ótý túrleri/ The orm of professional practice/ Vıdy professıonalnyh praktık Tájirıbeden ótý kezeńii /the period of passage of practice/ Perıod prohojdenııa praktıkı Kredıt sany/ Credit hours/ Kolıchestvo kredıtov Baǵa/Grade/Osenka paıyzben/ inperset/ V prosentah Áriptik /alphab ic/ Býkvennaıa Balmen/inpoints/ V ballah Dástúrli júıemen/ Traditiona / Tradısıonnaıa Bilim alýshylardy qorytyndy attestattaý/Final state attestation/Itogovaıa attestasııa obýchaıýshıhsıa Memlekettik emtıhandy tapsyrdy/ Has passed the state examinations/Sdal gosýdarstvennye ekzameny MAK hattama­sy­nyń kúni jáne nómiri Data ı nomer protokola GAK/ date and number of the report of SAC Baǵa/Grade/Osenka paıyzben in persent/V prosenta Áriptik/ alphabet c/ Býkvennaıa Balmen/in points/V ballah Dástúrli júıemen/ Traditional/ Tradısıonnaıa Mamandyǵy boıynsha/On a speciality/ Po spesıalnostı Pánder boıynsha/ On disciplines/ Po dıssıplınam: Qorytyndy jumysty oryndady jáne qorǵady/Has executed and has defended degree work/Vypolnıl(a) ı zashıtıl(a) vypýsknýıý rabotý Qorytyndy jumystyń taqyryby/ Theme of degree work/Tema vypýsknoı raboty MAK hattamasynyń kúni jáne nóm iri/date and number of the report of SAC/ Data ı nomer protokola GAK Kredıt sany/ Credit hours/ Kolıchestv kredıtov Baǵa/Grade/Osenka paıyzben in persent/ V prosenta Áriptik/ alphabet c/ Býkvennaıa Balmen/in points/ v ballah Dástúrli júıemen/ Traditio al/ Tradısıonaıa GAK Jalpy kredıt sany/Total Hours Passed/Obshee chıslo kredıtov _________________________________________ ______________________________________________________________________________________________ GPA__________________________________________________________________________________________ REKTOR/RECTOR /REKTOR (qoly/signature/podpıs) Dırektor IPVO/the Director /JOOKBI dırektory (qoly/signature/podpıs) HATShY/SECRETARY/SEKRETAR (qoly/signature/podpıs) Tipkeý №/vegistration №/regıstrasıonnyı № M.O M.P. «___» ____________20___g. Buıryq Qazaqstan Respýblıkasynyń Ádilet mınıstrliginde 2016 jylǵy 30 sáýirde Normatıvtik quqyqtyq kesimderdi memlekettik tirkeýdiń tizilimine №13671 bolyp engizildi.