Shyndyqtyń shyraıyn kirgizgen

Shyndyqtyń shyraıyn kirgizetin myna bir sózdi aıtqan jón. Eldiń amandyǵy men tynyshtyǵyn qashanda aýzynan tastamaı, bes ýaq namazyndaı kóretin kim? Analar. О́ıtkeni, perzentiniń baqyty eldegi turaqtylyqqa baılanysty ekenin olar jan-júregimen túsinedi. Elbasynyń «Bolashaqtyń irgesin birge qalaımyz» atty bıylǵy Joldaýyn Jetisýdaǵy eren eńbegimen tanylǵan ardaqty analar qyzý qarsy alyp, qýattaýy osydan. Solardyń qatarynda Alma­ty oblysy men Panfılov aýda­ny­nyń Qurmetti azamaty, Eń­bek Eri Kúlásh Aıtjanova Pre­zıdent N.Á.Na­zar­baevtyń Qa­zaqstan halqyna Joldaýy jaıly pikirin bylaısha tarqatty: – Men – qarapaıym eńbek adamymyn. Kezinde eńbegimdi el baǵalady. Dese de erteńgi ómi­ri­miz, urpaq keleshegi ózge de áıel qaýymy tárizdi meni de  oılan­dy­rady. Bı­yl­ǵy Joldaý halyqtyń ál-aýqatyn arttyrýǵa baǵyttalyp, elimizdiń 2020 jylǵa deıingi al­da­ǵy usta­ny­my men mindetteri naq­ty aıqyn­dal­ǵanymen qundy. Prezıdent jas­tar­dyń jaıyn bul jo­ly da umytpaı, keshendi baǵdar­la­ma usynyp otyr. Búgingi tańda elimiz halyq­ara­lyq qoǵamdastyqtyń belsendi mú­shesi, ári Ortalyq Azııada asa bedeldi memleket retinde tanyl­ǵan. Ult Kósh­basshysynyń syndarly saıasatynyń, tabandylyǵy men erik-jigeriniń arqasynda qysqa merzimde orasan zor tabystarǵa qol jetkizildi. Hal­qy­myzdyń ar­man-maqsaty birte-birte oryn­dalý­da. Kóptegen saýaldar­dyń túp­ki negizin Elbasynyń osy jol­ǵy qujaty saralap, júıeledi. Aýyldaǵy qarapaıym halyq Memleket basshysynyń Joldaýyn zor yntamen tyńdap, kóńilde júr­gen kóptegen saýaldaryna naqty jaýap tapqanyn kúndelikti tirshiligimizde kórip, onyń ıgiligine bó­lenip júrmiz.  Táýelsiz memleke­ti­miz­diń bu­dan ári damýyna ıgi yq­palyn tıgizetin mańyzdy qujat ta jas urpaq tárbıesi, ana tilimizdiń damýyna baı­lanysty naqty tu­jyrym jasaldy. Ana retindegi aq tilegim – elimizde  saıası turaqtylyq pen qo­ǵam­dyq kelisim saltanat quryp, yntymaq pen birliktiń týy bıikte jelbiresin! Qoı ústine boztorǵaı jumyrtqalaǵan jaqsy ómir uza­ǵy­nan súıindirsin. Osy rette jeti­sý­lyq­tar árdaıym Elbasymen birge ekenin aıtqym keledi. Ile aýdanyndaǵy «Qarash» sha­rýa qojalyǵynyń jetekshisi Ǵa­lııa Qurmanqojaeva Nur­sul­­tan Ábishulyna analyq alǵy­syn arnap, mańyzdy qujat ómir­ge áke­letin saıası-ekonomıkalyq, áleý­­met­tik turǵydaǵy ózgeris­ter men jańalyqtardyń baǵ­dar­­sha­my ekenine nazar aýdardy. Jol­daý bolashaqqa senim berip, jiger janıtynyn ortaǵa saldy: – Jyl saıynǵy Joldaýda al­da­ǵy jylǵy mindetter men tap­syr­malar, áleýmettik jáne ekono­mıkalyq qoldaýdyń naqty iske asý­yn naqtylady. Al ony kózben kórip, jemisin tatyp jatyrmyz dep nyq senimmen aıta alamyz. Bı­ylǵy baǵdarlamalar men jasa­latyn jeńildikter salmaqty. Ári kóńilge qonymdy. Táýelsizdigimiz­diń 20 jyldyǵyn atap ótý, sony­men qatar, eńbek jáne soǵys arda­gerleriniń ál-aýqatyn kóterýdegi naqty sharalardyń aıqyndalýy da jaqsy jańalyq. Joldaýdaǵy aýyl sharýashy­ly­ǵyn damytý, sybaılas jemqor­lyq­qa baqylaýdy kúsheıtý jó­nin­degi tapsyrmalar ár basshyǵa, Qazaqstannyń ár turǵynyna úlken mindet júkteıdi. Jaman ádetten jırenýge shaqyrady. О́zim jasym jetpiske kelse de jerdiń tamyryn tartyp, bala­la­rym­­dy eńbekke tárbıeleýdemin. Bıylǵy Joldaýdyń ereksheligi –  áleýmettik  salany jańashyldyq­pen damytý, jastarǵa qoldaý kór­setý, ozyq dástúrlerdi nasıhattaý bo­lyp otyr. Onyń ár taraýynan Elbasynyń kóregendigin, talap-ji­gerin, halqyna degen sheksiz súıis­penshiligin kórip, tamsandym. Jas, táýelsiz memleketimizdi as­qaq­­tatyp, óskeleń urpaqtyń bola­shaq­qa  senimmen qaraýyna múm­kin­dik bergen Elbasyna soǵys jáne eńbek arda­gerleriniń, aq jaýlyqty analardyń  atynan myń da bir alǵys aıtamyn. Beıbitshilikti, yntymaq pen bir­likti tý etip, el-jurtyn mura­ty­na jetkizýge kúsh-jigerin, bilimin arnaǵan Elbasy – Ult Kósh­basshysy – álemdik deńgeıdegi memleket qaıratkeri. Ile aýdany­nyń halqy bir shańyraqtyń as­tyn­daǵy otbasyndaı óz Prezıdentin qoldaıdy. Qazaq eliniń kóshi kólikti, ómiri kórikti bolsyn. Kóp jyldar ataǵy elimizge jaıylǵan Qarǵaly shuǵa kom­bı­na­tynda toqymashy bolǵan Eńbek Eri Kúldarııa Toqseıitova óz pikirin bylaısha juptady: – Ár jyldyń basynda eli­mizdiń qol jetken tabystarymen tanysyp, aldaǵy damý kókjıegine kóz júgirtý qazaqstandyqtardyń dástúrli isine aınalǵan. Elbasy Nursultan Nazarbaevtyń halyqqa kezekti mańyzdy Joldaýyn ja­rııa­laýy, olardyń árdaıym júzege asyrylyp kele jatqany ǵanıbet. Men de kóppen birge Joldaýdy asyǵa kúttim. Qazaqstannyń eko­no­mıkasy damyp, áleýmettik múm­kindigi artyp, ǵalamdyq keńistikte abyroı-bedeliniń ósýine kýá bol­ǵan bizder úshin bolashaqta at­qa­rylatyn jumystardyń jobasyn bilý mańyzdy. Eń bastysy, jyl­ma-jylǵy Joldaý halyqtyń kókeıindegisin dóp basyp keledi. Uzaq jyldar boıy toqyma ónerkásibinde eńbek etip, kez kelgen jetistiktiń mańdaı termen keletinin bilemin. Prezıdenttiń Jol­daýlary bizge baǵdarsham ispetti. Jáne Elbasynyń sózi men isiniń qabysyp jatatyny qýan­tady. Atap aıtqanda, zeınetkerler men bıýdjettik sala qyzmetker­leriniń jal­­aqysy álem­dik ekono­mı­kalyq daǵ­darysqa qaramastan kóbeıý ústinde. Azýyn aıǵa bilegen myqty mem­leketterdiń ózinde zeınetaqy men jalaqy qysqartylyp jatqan­da, bul ekonomıkamyzdyń turaq­ty­lyǵyn kórsetse kerek. Elbasy Joldaýynda jeńil ónerkásipti qal­pyna keltirý máselesine laıyq­ty kóńil bóldi. Bul shynynda da ekonomıkamyzdy shıkizatqa táýel­dilikten qutqaryp, halyqtyń 30 paıyzǵa jýyǵyn eńbekpen qam­tý­ǵa múmkindik beretin asa aýqymdy sala. Sonymen birge, Joldaýda mal sharýashylyǵyn damytýǵa úl­ken mańyz berilgen. Bilim berý, me­dısına, áleýmettik sala da Joldaýda jan-jaqty qamtylǵan. Osyǵan deıingi belgilengen baǵ­dar­lamalardyń barlyǵyn júzege asyr­ǵan halqymyz bul joly da maqsat bıigine shyǵyp, aldaǵy 10 jyldyń ishinde táýelsiz Qazaqstannyń álem­degi eń damyǵan elderdiń qatarynan kórinetini sózsiz. Jazyp alǵan Kúmisjan BAIJAN. Almaty oblysy.