Tikeleı efırde naǵyz teketires

Qazaqstandyq jankúıerler taǵatsyzdana kútip otyrǵan Gen­­na­dıı Golovkın men Kellı Brýk arasyndaǵy boks kezdesýin qy­r­kúıektiń 10-y kúni, saǵat 23:00-de «Qazaqstan» men «Kazsport» telearnalary tike­leı efırde kór­setetin bolady. Sondaı-aq, kaztrk.kz jáne kazsport.kz. saıttary arqyly jek­­pe-jektiń onlaın-kór­seti­limi júr­giziledi. Londonda ornalasqan Eýropa­nyń eń úlken arenalarynyń biri – 20 myń adamdyq «O2» sport kesheninde orta salmaq dárejesinde WBA (Super), IBO, WBC (Interim)  jáne IBF nusqalary boıynsha álem chempıony qazaqstandyq boksshy Gennadıı Golovkın IBF nus­qasy boıynsha jartylaı orta salmaqtaǵy álem chempıony brıtandyq Kellı Brýkpen ju­dyryq túıistirmek. 34 jastaǵy Golovkın úshin bul 36-shy beldesý jáne bokserlik sharshy alańyna 17-shi ret chempıon esebinde shyǵýy. Odan burynǵy 35 jekpe-jeginiń barlyǵynda ol jeńiske jetken (onyń ishinde 32-i nokaýt). Al onyń qarsylasy 30 jastaǵy Brýk te esh jeńilmegen, 36 judyryqtasýdy taza jeńispen aıaq­taǵan (onyń ishinde 25-i nokaýt). «Egemen-aqparat»