Kenshilerge kerek mekeme

Jezqazǵanda medısınalyq ortalyq ashyldy Kenshi kásibi áste ońaı sharýa emes árıne. Taý qoparyp, tas jarý, shyńyraýǵa túsip, ken jynysyn qyrǵa shyǵarý orasan kúshti qajet etedi. Sonysyna qaraı kenshilerdiń áleýmettik jaǵynan qorǵalý má­selesi kún tártibinen túspeýi tıis. Bul oraıda «Qazaqmys korporasııa­sy» JShS kóp is tyndyrýda. Jýyrda Jezqazǵanda dáriger Ser­geı Mıhaılovıch Býbnovskııdiń biregeı ádistemesi boıynsha kınezıte­rapııa ortalyǵy saltanatty túrde esigin kelýshilerge aıqara ashty. Or­talyqty qurýǵa «Qazaqmys» ká­sip­­orny 82 mıllıon teńge bólip, qa­jetti jabdyqtarmen qamtamasyz etti. Dárigerlerdi oqytýǵa da mu­ryndyq boldy. Jezqazǵan qala­syndaǵy medısınalyq ortalyqtyń aýmaǵynda ornalasqan emdeý me­kemesi endi korporasııanyń ju­myskerlerin ǵana emes, sondaı-aq óńir turǵyndaryna da tolyqqandy qyzmet kórsetedi. Ortalyqta osteohondroz, jaryq, artroz, artrıt, skolıoz jáne omyrtqa aýrýlary men býyndardy Býbnovskııdiń avtorlyq ádistemesimen emdeý múmkindigi týdy. Bıylǵy jyldyń sońyna deıin 200-ge jýyq shahterdi emdeý josparlanyp otyr. Mundaı ortalyqty iske qosý arqyly tirek-qımyl syrqattarynan zardap shegetin kompanııanyń qyzmetkerlerin jáne aımaq halqyn saýyqtyrýǵa jol ashylyp otyr. Osy taqylettes aýrýlardan «Qazaqmys» qyzmetkerlerin emdeý boıynsha is-sharalar belsendi júrgizilmek. Nátıjesinde naýqastanýshylar sanyn 30 paıyzǵa deıin tómendetý kózdelýde. Medısınalyq ortalyq ıta­lııalyq «PANATTA S.R.L.» jáne Reseıde jasalǵan Býbnovskııdiń kópsalaly trenajerlerimen jaraq­tandyrylǵan. Tıimdi ári nátıjeli jumystar isteý úshin dárigerler men sport nusqaýshylary Máskeýde jáne Qaraǵandyda ornalasqan Býbnovskııdiń ortalyqtarynda taǵylymdamadan ótip, biliktilikterin arttyrdy. Ortalyqtyń ashylý rásimine Sergeı Býbnovskıı kelip qatysty. Ol Qazaqstannyń túrli qalalarynan kelgen áriptesterimen birge Jez­qazǵannyń turǵyndaryna ashyq sheberlik synyptaryn ótkizdi. Al Sergeı Mıhaılovıch Býbnovskııge keletin bolsaq, ol esimi kópke bel­gili medısına ǵylymdarynyń doktory, professor, adam aǵzasyn saýyqtyrý jónindegi sandaǵan kitaptardyń avtory. Tájirıbeli dáriger dári-dármeksiz jáne operasııa jasamaı-aq naýqastardy em­deýdiń tyń tásilin engizdi. Eń­bekke qabilettilikti qalypqa kel-tirýdiń jańa júıesin usyndy. Son­daı júıeniń biri – kınezıterapııa emdik dene tárbıesiniń ajyramas baǵytyna aınalyp otyr. Bul ádis arnaıy trenajerlik jabdyqta júrgiziletin jattyǵýlardyń kúr­­deli keshenin oryndaýǵa ne­gizdelgen. Atalǵan trenajerdiń ar­qasynda omyrtqa dertterin der kezinde emdeýge múmkindik týdy. Emdeý sıkly mamandardyń qatań baqylaýymen júrgiziledi. Árbir emdelýshige ádis­teme túri jeke tańdalyp alynady. Mine, sodan da bolar, onyń tıimdiligi de joǵary bolyp otyr. – Jalpy Jezqazǵan óńiri jáne medısınalyq ortalyq úshin – bul aýqymdy oqıǵa. Tirek-qımyl apparatyna baılanysty barlyq kúrdeli aýrýlardy emdeýdiń jáne aldyn alýdyń biregeı múmkindigi týdy. Endi óndiriste jaraqat alǵan shahterler tez saýyǵyp ketýge em-dom alyp, qatarǵa qosylary haq. Sóıtip, kompanııada jumys is­teýdi jalǵastyra bermek, – deıdi «Qazaqmys korporasııasy» JShS Basqarmasy tóraǵasy Baqtııar Qy­­ryqpyshev. – Biz aldaǵy kezde de eńbekti qorǵaý, ónerkásiptik qaýip­sizdik máselelerine jiti qarap, ju­myskerlerdiń densaýlyǵyn saqtaý men nyǵaıtýdy jalǵastyra beremiz. О́ıtkeni kenshiler táýekelmen jumys isteıtin topqa jatatyndyǵy belgili. Sondaı-aq, kásibı aýrýlar sanyn azaıtyp, jumyskerlerdiń eńbekke qabilettiligin uzartýdy udaıy nazarda ustaımyz. Iá, san myńdaǵan adam eńbek etetin alyp kásiporynda áleýmettiń áleýetin kóterýge arnalǵan ıgi ister atqarylý ústinde. Onyń naqty kó­rinisi retinde kenshiler shaharynda ashylǵan zamanaýı medısınalyq ortalyq kópshiliktiń kózaıymyna aınaldy. Marat AQQUL, «Egemen Qazaqstan»