Qazaqstan Respýblıkasy Qazaqstan Respýblıkasy Ulttyq ekonomıka mınıstrligi Energetıka mınıstrligi №164

  2016 jylǵy 5 sáýir  Astana qalasy 2016 jylǵy 9 maýsym №239 Astana qalasy BIRLESKEN BUIRYQ «Elektr jáne jylý energetıkasy salalaryndaǵy rettelip kórsetiletin qyzmettermen (taýarlarmen, jumystarmen) tehnologııalyq baılanysty qyzmet túrleriniń tizbesin bekitý týraly» Qazaqstan Respýblıkasy Energetıka jáne mıneraldyq resýrstar mınıstriniń 2006 jylǵy 1 jeltoqsandaǵy № 318 jáne Qazaqstan Respýblıkasy Tabıǵı monopolııalardy retteý agenttigi tóraǵasynyń 2006 jylǵy 29 qarashadaǵy № 276-NQ birlesken buıryǵyna ózgeris engizý týraly «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasy Zańynyń 18-1-babynyń 1-1-tarmaǵyna sáıkes buıyramyz: 1. «Elektr jáne jylý energetıkasy salalaryndaǵy rettelip kórsetiletin qyzmettermen (taýarlarmen, jumystarmen) tehnologııalyq baılanysty qyzmet túrleriniń tizbesin bekitý týraly» Qazaqstan Respýblıkasy Energetıka jáne mıneraldyq resýrstar mınıstriniń 2006 jylǵy 1 jeltoqsandaǵy №318 jáne Qazaqstan Respýblıkasy Tabıǵı monopolııalardy retteý agenttigi tóraǵasynyń 2006 jylǵy 29 qarashadaǵy № 276-NQ birlesken buıryǵyna (Normatıvtik quqyqtyq aktilerdi memlekettik tirkeý tiziliminde № 4469 nómirmen tirkelgen) mynadaı ózgeris engizilsin: kórsetilgen birlesken buıryqpen bekitilgen Elektr jáne jylý energetıkasy salalaryndaǵy rettelip kórsetiletin qyzmettermen (taýarlarmen, jumystarmen) tehnologııalyq baılanysty qyzmet túrleriniń tizbesinde: 2-tarmaqtyń 4) tarmaqshasy alyp tastalsyn. 2. Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti Qazaqstan Respýblıkasynyń zańnamasynda belgilengen tártippen: 1) osy birlesken buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy birlesken buıryq mınıstrliginde memlekettik tirkelgennen keıin kúntizbelik on kún ishinde onyń baspa jáne elektrondyq kóshirmelerin merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberilýin; 3) osy birlesken buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda jáne memlekettik organdardyń ıntranet- portalynda ornalastyrylýyn; 4) osy birlesken buıryq memlekettik tirkelgennen keıin on jumys kúni ishinde Qazaqstan Respýblıkasy Ulttyq ekonomıka mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdiń usynylýyn qamtamasyz etsin. 3. Osy birlesken buıryqtyń oryndalýyn baqylaý jetekshilik etetin Qazaqstan Respýblıkasy Ulttyq ekonomıka vıse-mınıstrine júktelsin. 4. Osy birlesken buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Ulttyq ekonomıka mınıstri Qazaqstan Respýblıkasy Energetıka mınıstri ___________ E.DOSAEV ___________ Q.BOZYMBAEV Buıryq Qazaqstan Respýblıkasynyń Ádilet mınıstrliginde 2016 jylǵy 7 shildedegi Normatıvtik quqyqtyq kesimderdi memlekettik tirkeýdiń tizilimine №13890 bolyp engizildi.