Elordada Atyraý men Batys Qazaqstan jármeńke ashty

«Qýatty óńir – qýatty Qazaqstan» aksııasy aıasynda Astanada Atyraý jane Batys Qazaqstan oblystarynyń kúnderi ótýde. Búgin Hanshatyr SOO aldyndaǵy alańda atalǵan oblystardyn taýar óndirýshileriniń aýylsharýashylyq jármeńkesi bastaldy. Jármeńkege Batys Qazaqstannan 200 tonnadan astam taýar ákelinse, Atyraý oblysynan 34 taýar óndirýshi qatysyp, jalpy kólemi 90 tonna ónim saýdaǵa shyǵaryldy. Astanalyqtarǵa balyq, kókónis, sút jáne et ónimderi, shujyq ónimderi, salat, jumyrtqa jáne taǵy basqa qyryqqa tarta ónim túrleri usynyldy. Ásirese, balyq pen balyq ónimderine suranys óte joǵary bolyp tur. – Osydan birneshe jyl buryn jármeńkege tek balyq pen balyq ónimderin ákelgen edik. Bıyl taýarlarymyz birshama kóp. Sebebi oblystarda qazir ónim túrleri kóptep óndiriledi. Kásipkerlerimiz jármeńkege qulshynyspen keldi. Olar úshin bul shara ónimderin ótkizýge jáne jarnamalaýǵa úlken múmkindik, – deıdi Atyraý oblysynyń ákimi Álibek Naýtıev. Jármeńke kezinde oblystyń shyǵarmashylyq ujymdarynyń qatysýymen konserttik baǵdarlama ótip, satyp alýshylardyń kóńilin kóterýde. Arnur ASQAROV