«Severstaldi» san soqtyryp, armııashylardan aılasyn asyrdy

Astananyń «Barysy» burnaǵy kúni Qurlyqtyq hokkeı lıgasy chempıonatynyń 7-týrynda Cherepovestiń «Severstalin» qabyldaǵan edi. Qorǵanys pen shabýyldy ushtastyra oınaı bilgen jerlesterimiz bul kezdesýde 2:1 esebimen jeńiske jetkeni belgili. О́z konferensııalarynda kósh sońyn­da kele jatqan eki komanda úshin de qazir jeńis aýadaı qajet. Son­dyq­tan, As­ta­nadaǵy oıyn alǵashqy mınýt­tan bas­tap tartysqa toly boldy. Qaýipti shabýyl­dy birinshi bolyp reseı­likter uıym­­das­tyrdy. О́z keze­ginde aıdyn ıe­leri de aıanyp qalma­dy. Sondaı urym­­tal sátterdiń birin utym­dy paıda­lan­ǵan «Barys» shabýylshy­sy Evgenıı Rymarev 13-mınýtta esep ashty. Ekinshi kezeńde astanalyqtar jıi oıyn tártibin buzýmen este qal­dy. Osynyń saldarynan 22-mınýtta ko­man­damyzdyń úzdik oıynshylarynyń biri Roman Starchenko oıyn sońyna deıin aıdynnan qýylsa, 26-mınýtta qorǵaýshy Kevın Dallmen 10 mınýttyq aıypqa tartyl­dy. Degenmen, bul keleńsizdikter «Barystyń» oıynyna salqynyn tıgize almady. Qaıta qarqynyn kúsheıtken astanalyqtar 38-mınýtta Brendon Bochenskıdiń kómegimen esepti eseledi. Sońǵy kezeńde bizdiń komanda ne­gizinen qorǵanysqa kóńil bóldi. Al tarazy basyn teńestirý úshin alǵa umtylǵan «Severstal» oıynshylarynyń tek bir shaıbamen ǵana qarymta qaıtarýǵa shamalary jetti. Atap aıtqanda, kezdesýdiń aıaqtalýyna 30 sekýnd qalǵanda reseılikter sapynan Ýılson Kleı mergendigimen kózge tústi. Bul – astanalyqtardyń osy maý­sym­daǵy ekinshi jeńisi bolatyn.  Keshe bizdiń jigitter óz aıdynynda chempıonattyń kóshbasshysy – Máskeýdiń SSKA-syn qabyldap, 4:0 esebimen iri jeńiske jetti. Goldardy Vıacheslav Trıasýnov (3-mınýt),  Evgenıı Rymarev (27-mınýt), Naıdjel Doýs (43-mınýt) jáne Roman Starchenko (56 mınýt)-soqty. Elaman QOŃYR, jýrnalıst