Táńir bergen talantymen, erekshe bitken keskin-kelbetimen kemel qazaq atanǵan Sáken Seıfýllın týraly jyr jampozy Syrbaı Máýlenov: «О́limge jan ekensiń qııa almaıtyn, О́leńniń qushaǵyna syıa almaıtyn. Qazaqty kórgiń kelse, mine, osy dep, Kórsetse jer júzine uıalmaıtyn» degen eken. Shynynda, Sákendeı sańlaq ult rýhanııatyna ólsheýsiz úles qosqan daryn ıesi ǵana emes, qazaq tiline alǵash ret memlekettik mártebe berýge uıytqy bolǵan alyptardyń biregeıi edi. Sol dara talanttyń artynda qalǵan baı murasyn ár qyrynan jurtqa usyný úrdisin elordadaǵy aqyn mýzeıiniń ujymy júzege asyryp keledi. Alǵash óleńderin toptastyryp «Suńqar Sáken» degen jınaq shyǵarsa, artynan fotoalbom jaryq kórdi. Endigi jerde «Syrsandyq» degen serııamen, Astana qalasy ákimdiginiń tikeleı qoldaýymen birneshe kitap jurt qolyna tıdi. Kúni keshe ǵana ádemi bezendirilgen eki tomdyqtyń tusaýkeseri ótti. Birinshi tomy – estelikter, maqalalar, esselerden tursa, ekinshi tom – «Sákenge ómirin arnaǵan sańlaq» degen atpen basylyp shyqqan. Birinshi tomda Muhtar Áýezov, Sábıt Muqanov, Ǵabıt Músirepov, Galına Serebrıakova, Saıfı Qudash, ózge de aıtýly azamattardyń maqalalary toptastyrylǵan. Al ekinshi tom – negizinen Sáken Seıfýllınniń shyǵarmashylyǵyn jan-jaqty zerttep, zerdelegen. «Malym – janymnyń sadaǵasy, janym – arymnyń sadaǵasy» dep qazaq jurtynyń joqshysy bolǵan, kórnekti ǵalym Tursynbek Kákishev shyǵarmashylyǵyna arnalypty. Betashar sózdi «Ult namysyn pir tutqan...» degen taqyryppen Qazaqstan Jazýshylar odaǵynyń tóraǵasy Nurlan Orazalın jazypty. Ǵalymnyń zamandastary R.Berdibaev, Á.Nurshaıyqov, sóz zergeri Ábish Kekilbaev, ózge de beldi de bedeldi qalam qaıratkerleri Tursynbek Kákishevtiń ult qundylyǵyna qosqan úlesine jan-jaqty toqtalǵan eken.
Eki tomnyń tusaýkeser rásiminde Sáken Seıfýllın mýzeıiniń tuńǵysh dırektory R.Asylbekova, qazirgi basshysy, belgili aqyn N.Aıtuly, Sákendi zertteýshi A.Káken, qoǵam qaıratkerleri I.Elekeev, Z.Alshynbaev sóz alyp, jyr suńqary men sol jyr suńqarynyń shyǵarmashylyǵyn, ómirin tereńnen taldaǵan Kákishev jaıly oı tolǵasa, aqyn B.Tobaıaqov jyr arnady. Osy basqosýda qylshyldaǵan 20 jasynda Qaraǵandy oblysy, Nura aýdany, Ahmet aýylynan, naqtylaı tússek 1916 jyly qazaq mektebin ashqan Sáken Seıfýllın ekeni de aıtylyp, sol mekteptiń 100 jyldyǵyn atap ótý jaıy da qozǵaldy.
Súleımen MÁMET,
«Egemen Qazaqstan»
Táńir bergen talantymen, erekshe bitken keskin-kelbetimen kemel qazaq atanǵan Sáken Seıfýllın týraly jyr jampozy Syrbaı Máýlenov: «О́limge jan ekensiń qııa almaıtyn, О́leńniń qushaǵyna syıa almaıtyn. Qazaqty kórgiń kelse, mine, osy dep, Kórsetse jer júzine uıalmaıtyn» degen eken. Shynynda, Sákendeı sańlaq ult rýhanııatyna ólsheýsiz úles qosqan daryn ıesi ǵana emes, qazaq tiline alǵash ret memlekettik mártebe berýge uıytqy bolǵan alyptardyń biregeıi edi. Sol dara talanttyń artynda qalǵan baı murasyn ár qyrynan jurtqa usyný úrdisin elordadaǵy aqyn mýzeıiniń ujymy júzege asyryp keledi. Alǵash óleńderin toptastyryp «Suńqar Sáken» degen jınaq shyǵarsa, artynan fotoalbom jaryq kórdi. Endigi jerde «Syrsandyq» degen serııamen, Astana qalasy ákimdiginiń tikeleı qoldaýymen birneshe kitap jurt qolyna tıdi. Kúni keshe ǵana ádemi bezendirilgen eki tomdyqtyń tusaýkeseri ótti. Birinshi tomy – estelikter, maqalalar, esselerden tursa, ekinshi tom – «Sákenge ómirin arnaǵan sańlaq» degen atpen basylyp shyqqan. Birinshi tomda Muhtar Áýezov, Sábıt Muqanov, Ǵabıt Músirepov, Galına Serebrıakova, Saıfı Qudash, ózge de aıtýly azamattardyń maqalalary toptastyrylǵan. Al ekinshi tom – negizinen Sáken Seıfýllınniń shyǵarmashylyǵyn jan-jaqty zerttep, zerdelegen. «Malym – janymnyń sadaǵasy, janym – arymnyń sadaǵasy» dep qazaq jurtynyń joqshysy bolǵan, kórnekti ǵalym Tursynbek Kákishev shyǵarmashylyǵyna arnalypty. Betashar sózdi «Ult namysyn pir tutqan...» degen taqyryppen Qazaqstan Jazýshylar odaǵynyń tóraǵasy Nurlan Orazalın jazypty. Ǵalymnyń zamandastary R.Berdibaev, Á.Nurshaıyqov, sóz zergeri Ábish Kekilbaev, ózge de beldi de bedeldi qalam qaıratkerleri Tursynbek Kákishevtiń ult qundylyǵyna qosqan úlesine jan-jaqty toqtalǵan eken.
Eki tomnyń tusaýkeser rásiminde Sáken Seıfýllın mýzeıiniń tuńǵysh dırektory R.Asylbekova, qazirgi basshysy, belgili aqyn N.Aıtuly, Sákendi zertteýshi A.Káken, qoǵam qaıratkerleri I.Elekeev, Z.Alshynbaev sóz alyp, jyr suńqary men sol jyr suńqarynyń shyǵarmashylyǵyn, ómirin tereńnen taldaǵan Kákishev jaıly oı tolǵasa, aqyn B.Tobaıaqov jyr arnady. Osy basqosýda qylshyldaǵan 20 jasynda Qaraǵandy oblysy, Nura aýdany, Ahmet aýylynan, naqtylaı tússek 1916 jyly qazaq mektebin ashqan Sáken Seıfýllın ekeni de aıtylyp, sol mekteptiń 100 jyldyǵyn atap ótý jaıy da qozǵaldy.
Súleımen MÁMET,
«Egemen Qazaqstan»
Sońǵy jańalyqtar
Tulǵa • Keshe
Aýa raıy • Keshe
Jasóspirimder arasyndaǵy bala týý deńgeıi nege joǵary?
Qoǵam • Keshe
Iran Ormuz buǵazyn qaıta japty
Álem • Keshe
Iran áýe keńistigin ishinara ashty
Álem • Keshe
Ál-Farabı dańǵylynda jol erejesin óreskel buzǵandar ustaldy
Aımaqtar • Keshe
Jerde magnıttik daýyl bastaldy
Oqıǵa • Keshe
