Jánibek Álimhanuly kásipqoı boksta alǵashqy kezdesýin ótkizedi

Rıo Olımpıadasynda elimizdiń namysyn laıyqty qorǵaǵan Jánibek Álimhanuly jaqynda kásipqoı bokstaǵy alǵashqy kezdesýin ótkizedi. Bıyl 29 qazanynda Almatyda WBA Fedelatin jáne WBA FideCaribe tujyrymdary boıynsha álem chempıony Qanat Islamnyń kásipqoı bokstaǵy kezekti jekpe-jegi ótedi. Ol ganalyq Patrık Alloteımen WBA (Interim) tujyrymy boıynsha ýaqytsha álem chempıony ataǵyna talasady. Jánibek Álimhanulynyń kásipqoı bokstaǵy debıýttik kezdesýi atalǵan boks keshi sheńberinde ótedi. Odan bólek, sharshy alańǵa Janqosh Turarov, Aıdar Sháripbaev, Aıdos Erbosynuly, Álı Ahmedov jáne Rýslan Myrsataev shyǵady. Áýesqoı bokstan álem chempıony Jánibek Álimhanuly úshin bul asa qıyn kezdesý bolmaq. Sebebi onyń qarsylasy – kolýmbııalyq Mılton Nýnez buǵan deıin sharshy alańda 50 kezdesý ótkizip, onyń 33-inde jeńiske jetken tájirıbeli boksshy. Jánibek kásipqoı boksqa birjola aýysý týraly naqty sheshim qabyldamaǵan. Ázirge ol ulttyq quramanyń demalysyn paıdalanyp, ózin kásipqoı boksta bir márte synap kórýdi jón sanap otyr. Egemen-aqparat