Jańa mınıstr Bas múftımen kezdesti

Astana qalasynda Qazaqstan musylmandary dinı basqarmasynyń tóraǵasy Erjan qajy Malǵajyuly jańadan qurylǵan Din isteri jáne azamattyq qoǵam mınıstri Nurlan Ermekbaevpen kezdesti. Kezdesýge Mádenıet jáne sport vıse-mınıstri Marat Ázilhanov, Din isteri komıtetiniń tóraǵasy Ǵalym Shoıkın, Qazaqstan musyl­mandary dinı basqarmasy dinı ister bóliminiń basshysy Kamaljan Turdybaev jáne osy basqarma baspasóz bóliminiń basshysy Aǵabek Qonarbaıuly qatysty. Resmı kezdesýde jastarǵa du­rys dinı aqparat jetkizý, dinı oqý-aǵartý júıesin jetildirý, ımamdardyń bilimi men táji­rı­be­sin shyńdaý, elimizde qalyp­tasqan dinaralyq kelisimdi odan ári nyǵaıtý, halyqqa dinniń adam­gershilik, jalpyǵa birdeı meıirbandyq qundylyqtaryn nasıhattaý máseleleri jan-jaqty talqylandy. Mınıstr Nurlan Ermekbaev Qazaqstan musylmandary dinı basqarmasynyń elimizdegi din­aralyq kelisimdi nyǵaıtýǵa qosyp jatqan úlesi úshin alǵys aıtyp, osy baǵytta nátıjeli jumys júrgizile beretinine senim bildirdi. «Egemen-aqparat»