Qundy qoıylym

«Astana Opera» memlekettik opera jáne balet teatryndaǵy «Aıda» operasyna kópshiliktiń qyzyǵýynyń birneshe sebebi bar. Birin­shiden, spektakl «La Skala» sahnasyndaǵy ıtalııalyq rejıs­ser Franko Dzeffırellı qoıylymynyń nusqasy bolyp tabylady. Ekinshiden, jańa maýsymdaǵy spektaklde Radames­tiń róli Almanııadan kelgen belgili tenor, Mangeım ulttyq  teatry­nyń solısi Mıhaıl Agafonovqa, al basty partııany oryndaý teatrdyń jetekshi solısi Jupar Ǵabdýllınaǵa tapsyryldy. Radamesti somdaǵan M.Aga­fonov­­tyń esimin kórermen­ge ja­ńadan tanystyryp jatý ar­tyq, óıtkeni onyń óneri Venanyń mem­lekettik operasy, Kovent-Gar­den Koroldik operasy, Pa­rıj­diń ulttyq operasy, Reseı­diń Úlken teatrlary, sony­men qatar Berlın, Mıýnhen, Stok­golm, Drezden, Helsınkı, Toron­to, Maıamı, Tokıo sııaqty bas­qa da qala­lardaǵy operalyq oshaq­tar arqyly jaqsy málim. Álem­dik deńgeıdegi bıikterdi baǵyn­dyrǵan belgili tulǵa Máskeýde dúnıege kelgen. Ártis (Dj. Pých­chı­nı­diń) «Ernanı» jáne «Don Karlos» operalaryndaǵy – bas par­­tııalardy, «Taǵdyrdyń kúshi» ope­rasynda – don Alvaro, «Trý­­ba­dýrda» – Manrıko, «Tos­kada» – Kavaradossı, «Týran­dot­ta» – Kalaf,   V.Bellı­nı­diń «Normasynda» – Pol­lıon, R.Leonkavallonyń «Saıqy­ma­za­ǵynda» – Kanıo, Dj.Rossınıdiń «Sevıl shashtarazynda» graf Almavıva sııaqty sandaǵan basty partııalardy oryndady. Solıst bul rette: «Bul meniń eń súıikti partııalarymnyń biri, al «Aıda» operasyna degen súıis­penshiligim alabóten. Negizi, Dj. Verdıdiń árbir beınesi men úshin mańyzdy», degen bolatyn. Opera ónerinde aty ańyzǵa aınalǵan Franko Dzeffırellıdiń ǵalamat qoıyly­my shoý sıpatymen jáne zamanaýı tehnologııanyń ozyq elementterin qoldanýymen úzdik shy­ǵarmaǵa aınalyp otyr. Ita­lııa­lyq rejısser sahnany kóne Mysyr óneriniń úlgilerimen tol­­tyr­­ǵan. Sándi kóp qabatty alyp deko­ra­sııalardyń qatarynda Sfınk­stiń basy, sahnany jal­ty­ra­typ turý úshin ilingen altyn kesek­ter, mysyrlyq Qudaı­lar­­dyń alyp pishinderi jáne kóne Pıramıdaǵa deıin bar. Eki ret «Oskar» syılyǵyn ıelen­gen rejısserdiń úsh bólim­nen turatyn spektaklindegi tań­ǵa­­jaıyp dekorasııalar men kıim áshekeılerin, beldik, jamylǵy, býtaforııalyq buıymdardy, 400-den astam kostıýmderdi Qazaq­stan­ǵa jetkizý úshin kezinde 17 úl­­­ken júk kóligi tartylǵan bo­la­­tyn, jalpy barlyq zattyń sal­­­­maǵy 30 tonnany quraǵan edi. Ataq­­ty sýret­shi Maýrısıo Mıl­leno­t­tı tik­ken kostıýmderdiń áde­mi­­­ligi men dálme-dáldigi týra­ly uzaq aı­ta berýge bolady. Birinshi ke­zek­­­te, ony ózge sýretshi-maman­dar­­­­dan erek­she etetin qasıeti – usaq-túıek­ke deıin nazardan tys qal­­dyr­maı­tyny. Aıtalyq, mere­­k­e­lik kórinis kezinde kıetin per­ǵaýyn­­nyń bir kostıýminiń ózi sán­del­­gen mýn­dır, altyn tústes jaǵa, tas­pen árlen­gen aq mantııa, kvadrat pishindi boı­tumar sııaqty akses­sýar­lardan quralyp, munyń bárin altyn-qyzyl tústes mıtra (bas kıim) túıindeıdi. Kartınany 315 bý­ta­forııa tolyqtyra­dy, onyń ishin­de geral­dıkalyq qal­qan­­dar, jebesi alyn­baǵan tyrna­qu­tan­dar, arys­tandar men aqqý­lar­­­dyń basy bar janýarlar stı­lin­­degi oryndyqtar bar. Taza byl­ǵary nemese leopardtyń terisi­men qap­talǵan oryndyqtar men kýshetkalar Jańa Patshalyq dáýir­­diń (eń ataqty perǵaýyndar: re­for­­mashyl Ehnaton, jas Týtan­ha­mon jáne basqynshy II Ram­ses bas­qarǵan kez) naqyshy­men ár­len­gen. Máselen, Týtanha­mon­­n­yń mas­kasyn daıyndaýǵa dekora­tor­­lar 200 kılo altyn jyltyraq jumsaǵan. Qarshyǵa KÚLEN