Sertke berik semser sóz

Osydan 55 jyl buryn «Na boevom postý» degen atpen «Qalqan» gazeti qanat qaqty. Basylym osy ýaqyt aralyǵynda Qazaqstan Ishki áskeriniń únparaǵyna, jańalyq jar­shysyna aınaldy. Keıin «Dzerjınes», «Qalqan – Shıt» bolyp sara jolyn bekemdedi. Árıne, zaman sondaı bolǵan soń táýelsizdiktiń araıly tańy atqansha «Qalqan» tek ózge tilde basyldy, qazaq tiline gazetten oryn tımedi. Búgin «Qalqanymyzdyń» 3177-shi nómiri jaryqqa shyǵyp otyr. Gazet jaıly sóz qozǵaǵan soń onyń ár jyldar ýyǵyn kóterisip, eń­bektiń dıirmenin aınaldyryp, qara nardaı at salysqan aǵa býyn aqıyq azamattarymyzdy atap ótpeske bolmas. Olardyń barshasy búginde beınetiniń zeınetin kórip júr. Birqatary áli de el ıgiligi úshin eńbek etip, Táýelsiz Qazaq eliniń jarqyn bola­shaǵyna qarymdy úles qosýda. Olardyń qatarynda Saǵı­dol­la Kóshimbaev, Asylbek Ja­qaev, Turar Jalmuhamedov, Botash Qajymov, Aleksandr Tas­bolatov, Iýrıı Vasılevskıı, Dýlat Moldabaev, Isqaq Temir­bolat, Altaı Sıyrbaev, Aıtkúl Myr­zataeva, Aınabaı Mádıev, Naıl Ahmedjanov, Oleg Taran, Tańat Shernebekov, Tamara Dáý­let­­baeva, Natalıa Akbarova, Al­­fııa Ahmedjanova, Ernar Kul­­ma­ǵanbet syndy qalam ıele­ri esim­­derin qurmetpen eske ala­myz. Al eli­mizdiń bas gazeti, kıe­li sha­ńy­raq – «Egemenniń» bel­di jýr­na­lısi Aleksandr Tas­bolatov­tyń, «Kazpravdadaǵy» Dýlat Mol­dabaev­tyń, araıly «Almaty aqsha­my» gazetindegi Aına­baı Mádı aǵa­larymyzdyń «Qal­qan­nan» túl­ep ushqan turpaty bıik tú­lek­­teri ekenin bireý bilse, bireý bilmes. Shyǵarmashylyq is qam­qor­lyq­ty, tipti aıaly alaqandaı na­zar­­dy qajet etedi. Al Ulttyq ulan Bas qolbasshysy general-leı­t­enant Rýslan Jaqsylyqov, Bas qolbasshynyń tárbıe jáne áleýmettik-quqyqtyq jumystar jónindegi orynbasary general-maıor Muhametqalı Satovtyń gazet­imizge degen iltıpat-yqy­las­­tary erekshe. 2005 jyldan bas­tap gazet tilshileriniń kúshi­men eki aıda bir shyǵatyn «Búrkit» jýrnaly jaryq kórdi. Osy kúni «Búrkit» jýrnaly sar­baz­dyń qolynan tús­pes súıik­ti basylymy, tunyq oı­ly aqyl­shy­sy hám el beriktigi men qaýip­sizdigin nyǵaıtýǵa jol bastaǵan shamshyraǵyna aınaldy. Sonaý 1995 jyly tájik-aýǵan shekarasynda qaza bolǵan IIM Ishki áskeriniń 17 jaýyngeriniń erligine bas ııý maqsatynda «Erlikke taǵzym», Ishki ásker qatarynan Uly Otan soǵysy surapylyna qatysqan aǵa býyn ardagerlerdi ónege tutýǵa arnap «Biz Jeńis mura­gerlerimiz», sondaı-aq, Ishki áskerdiń, ıaǵnı búgingi Ulttyq ulan­nyń qalyptasýy, damýy jaı­ly syr shertetin «Letopıs voısk pravoporıadka» kitaptaryn jaryqqa shyǵarǵanymyzǵa da kóp ýaqyt óte qoıǵan joq. Bul, árı­ne, joǵaryda aıtqandaǵydaı jaýyn­ger rýhyn janýǵa qosylǵan tam­shydaı bolsa da, búgingi redaksııa ujymynyń úlesi degim keledi. Soǵan oraı keshe elimiz­diń mereı­li sáti – táý eter Táýel­siz­d­igimizdiń 25 jyl­dyq me­reı­toıy­men tuspa-tus kel­gen, 55 jyl­­dyq eńseli joldy eńserip otyr­­ǵan «Qalqan» gazeti­­niń ataý­ly kúni saltanatty jıyn ótip, eńbek ardagerlerine syı-qur­met kórsetildi jáne mara­pat­taý sharasynyń sońy mere­kelik konsertke ulasty. Qýanysh QOJAHMETOV, polkovnık, Ulttyq ulannyń «Qalqan» gazeti men «Búrkit» jýrnalynyń bas redaktory