Jańalyǵymen qosa, jaılylyǵy da jeterlik

Bul «TEM 18»DM» markaly  lokomotıvterine Eýrazııalyq Top (ERG quramyn­daǵy «Qazhrom» TUK» AQ fılıaly – Aqsý ferroqorytpa zaýyty kásiporynnyń ınvestısııalyq baǵdar­lamasy aıasynda qol jetkizdi. Nátıjesinde birden segiz mashınıst kónergen teplovozdarynan anaǵurlym jaıly ári qýatty júıesi bar mashınalarǵa aýysty. Jańa teplovozdar Reseıden jetkizildi. Kásiporyndaǵy sehtarǵa balqytylatyn metall shıkizatyn, basqa da daıyn ónimder­di jetkizedi. Zamanaýı lokomotıvterdiń kons­trýksııalyq jyldamdyǵy saǵatyna – 100 shaqyrym. Jańa tehnıkanyń eskiden  aıyrmashylyǵy – gıdravlıkalyq emes, elektrlik júıeni paıdalanady. Iаǵnı, bul júıede maı múldem joq, kólik ekologııalyq turǵyda qaýipsiz. Jalpy alǵanda, jańa teplovozdardyń kelýin  ferroqorytpa zaýy­ty  asyǵa kútip júrdi. – Bizdiń zaýyt  kásiporyndaǵy tehnıkany jańartyp, jańǵyrtý baǵdarlamasyn qolǵa aldy. Jańa lokomotıvterdi paıdalanýda bilikti bolý úshin bizdiń jumysshylarymyz Brıansk zaýytyna baryp bilimderin jetil­dirip keldi, – deıdi  zaýyt dırektory Sergeı Prokopev. Al zamanaýı tehnıkany meńgerip úl­ger­gen zaýyttyń temir jol sehynyń mashınıs­teri kabınadaǵy jumys oryn­­darynyń jaı­­­lylyǵy men tıimdiligine qýanyshty. Onda kondısıoner, tońazytqysh, jaıly kreslolar jáne dybys ótkizbeıtin ashylý júıesi bar shyny paketter bar. Burynǵyǵa qaraǵanda artyqshylyqtary kóp. – Kez kelgen jaǵdaıda, biz árqashan saq bolýymyz kerek. Bizdiń jáne zaýyttaǵy ózge de áriptesterimizdiń qaýipsizdigi osyǵan baılanysty. Sondyqtan da qandaı da qo­laısyzdyqtarǵa kóńil bólýge ýaqyt joq edi. Al jańa teplovozdarda bári eskerilgen. Mashınıstiń kabınasy – kishigirim páter, onda bári qol astynda. Endi meniń jumys ornym ushqyshtyń kabınasyna uqsaıdy – tetik úlken dıspleımen, navıgasııa júıesimen, 30-dan asa parametrlerdi kórsetetin «Bort» avtomatty baǵdarlamalyq keshenimen jab­dyqtalǵan. Men endi sý deńgeıin, qysymdy, dızel-generator ishindegi qajetti temperatýra kórsetkishterine deıin bárin naqty kórip otyramyn, – deıdi teplovoz mashınısi Denıs Stavrov. Bul kúnderi zaýyttyń temir jol sehynyń quramynda jalpy sany 16 lokomotıv bar. Investısııalyq baǵdarlama sheńberinde tehnologııalyq park jyl saıyn zamanaýı tehnıkalarmen tolyqtyrylyp keledi.  Farıda BYQAI, «Egemen Qazaqstan» Pavlodar oblysy, Aqsý qalasy