О́ńirler óneriniń órimderi

Elordadaǵy Mańǵystaý oblysy kúnderi aıasynda Mańǵystaý oblystyq tarıhı-ólketaný mýzeıiniń «Jańǵyrǵan asyl mura» jáne oblystyq kitaphananyń «Túp-tórkinin tórge ozdyrǵan Mańǵystaý» atty kórmeleri ashyldy. «Jańǵyrǵan asyl mura» kórmesi astana­lyqtardy  «Ulystyń urany – Pir Beket», «Mańǵystaýdyń dástúrli qoldanbaly óneri», «Túbek tabıǵatynyń tańǵajaıyptary» jáne «Mańǵystaý oblysynda júrgizilgen arheologııalyq jumystar» atty bólimder boıynsha óńirdiń qazynasymen tanystyrdy. «Túp tórkinin tórge ozdyrǵan Mań­ǵys­taý» atty kórmede Mańǵystaý ob­lysynyń el Táýelsizdiginiń 25 jyl­dy­ǵynda jetken je­tis­­­­tikteri, óńirdiń tarıhy men ákimshilik-aý­maqtyq kartasy, aýyl sharýashylyǵynyń, medısınasynyń, mádenıetiniń damýy týraly málimet beretin baspasóz materıaldary men kitaptary qamtyldy. Kórme týraly oblystyq kitap­hananyń ádiskeri Nurgúl Eńsegenova: «Biz kórmege kóbinde salalyq kitaptar ákel­dik. Oblysymyzdyń jetistikteri jaıynda sońǵy jyldary shyqqan ensıklopedııalyq kitaptar kóp. Solardy qamtýǵa tyrystyq. Al óńirimizden shyqqan aqyn-jazýshylarǵa keletin bolsaq, «Mańǵystaý aqyn-jazý­shy­larynyń kitaphanasy» serııasymen 50 tom kitap shyqqanyn bilesizder. Sondaı-aq, «Til tańbaly aqyndar» atty 5 tomdyq kitap jaryq kórgen. Biz solardy kórmege qoı­dyq» – dedi. Kórme sońy Mańǵystaý oblysy óner sheberleriniń Gala-konsertine ulasty. Konserttik baǵdarlamada kórermender óńir­diń  keńinen tanymal, jan-jaqty mýzykalyq janrdaǵy, ártúrli baǵyttaǵy aspapty jáne vokaldy mektepter ónerpazdarynyń óne­rin tamashalady. Aıta keteıik, Mańǵystaý oblysy kúnderi aıasynda M.Gorkıı atyndaǵy Memlekettik akademııalyq orys drama teatrynda jazýshy Á.Kekilbaevtyń «Shyńyraý» povesiniń jelisi boıynsha «Shyńyraý» dramasy sahnalandy. Dramanyń qoıýshy rejısseri – Saha Respýblıkasynyń eńbegi sińgen óner qaıratkeri, «Zolotaıa maska» teatr syılyǵy­nyń laýreaty Byıaman Ýola Serge Obokýýn. *** Aqtóbe oblysynyń elordadaǵy kún­deri aıasynda oblys ákimi Berdibek Sapar­baev L.N.Gýmılev atyndaǵy Eýr­azııa ulttyq ýnı­versıtetinde Aqtóbe oblysynyń jastarymen kezdesti. Ákimniń málimeti boıynsha oblysta 7 myń jumys orny ashylǵan.  Údemeli ındýstrııalyq-ınnovasııalyq damý baǵdarlamasy boıynsha quny 12 mlrd 800 mln dollar turatyn bes joba iske qosylǵan. Al oblys halqynyń 27 paıyzy jastar. «Aqtóbe qalasynda kásipkerlerdiń qarjysyna 100 oryndyq jataqhana salynyp jatyr. Oǵan qosymsha «Jumyspen qamtýdyń jol kartasy-2020» baǵdarlamasynyń aıasynda 70 oryndyq jataqhana salynýda. Osy jyldyń segiz aıynda 334 jasty jumysqa or­na­lastyrdyq, – degen oblys ákimi jastardy Aqtóbege jumysqa shaqyrdy. Elordadaǵy Aqtóbe oblysynyń kúnderi aıasynda birqatar mádenı sharalar ótti. As­tanadaǵy QR Qarýly kúshteriniń áskerı-tarıhı mýzeıinde Qazaqstan Respýblıkasy Táýelsizdiginiń 25 jyldyǵyna arnalǵan ta­qy­ryptyq kórme uıymdastyryldy. Qalalyq Jastar teatrynyń sahnasynda astanalyq kórermender   Qýandyq Shańǵytbaevtyń «Beý, qyzdar-aı» komedııasy men Jabal Erǵalıevtiń «Esigimdi qaqqan kim» dramasyn tamashalady. Sondaı-aq, M.О́temisuly atyndaǵy oqýshylar saraıynda Aqtóbe oblystyq «Alaqaı» qýyrshaq teatry óner kórsetti. Astana qalalyq ákimdiginiń aldynda kásibı sýretshiler men músinshilerdiń, Aqtóbe qalalyq balalar kór­kemóner lıseıi tárbıelenýshileriniń jármeńke-kórmesi usynyldy. Beıneleý óneriniń ártúrli tásilderinde oryndalǵan shyǵarmashylyq týyndylar kelýshilerdiń qyzyǵýshylyǵyn týǵyzdy.  Keshke Kongress-holl saraıynda Aqtóbe oblystyq óner sheber­leriniń Gala-konserti uıymdastyryldy. Aıgúl SEIILOVA, «Egemen Qazaqstan» Sýretterdi túsirgen Orynbaı BALMURAT